||"ماطاب جرح اللي هوى بنت الأجناب"||

من ماضي عصور العرب لين تاليه
بكــــتاب ربٍ ماســـكه فــــي يميني

نصــف الحـــــــلا متميزٍ يوسفٍ فيه
والنصــف الآخر وسط عينك سجيني

ياملـــهمتني كـــــل ماقــــــلت لبيــه
لبــــــى عيــــون ٍ جابت العيــد فيني

ولبــــى غـــــــرامـك كل ماحل طاريه
ولبـــى خفوق ٍ بالغـــــلا يحتوينـــــي

شفــــت بيمين العيــن عشــق ٍ تخفيه
جنة غرامــــي فيــــه وأحلـــى سنيني

شــــفت بيسار عيونها ضـــامي التيه
رجـــــل ٍ قضــــى باقــي حياته حزيني

وشفــــــــت القبر لا عقد احجاج عينيه
كني بوســــطه والقبر ضــــــــاق فيني

ياويش باقــــــي من الحــــلا ماخذيتيه
حـــــلا بني جنسك مــــــع كل زينـــــي

ســـــم العقارب للعــــــــــــ واذل سقيتيه
وانا من أحلى كــــاس عشقــــك عطيني

قد قلت لك زين العــــــذارى مـــــــلكتيه
وإليا سمـــــعتي كلمـــــتي صدقينــــــي

نصــــف الحــــلا متميـــــز يوسف فيه
"والنصـــف الآخر وسط عينك سجيني"

مــا طاب جرح اللي هوا بنت الاجناب
لوحبته يظهر من الناس حجيــــــــــر

هذا بلى الحب وبلى ابوك ياعقـــــــاب
كان المحبه ذنب فالبعــــــــد تكفيــــــر

في ساعة ماكنت حاسب لها احســاب
ما كنت احسب ان اللذي صار بيصيـر

تدري وش اللي يكسر قلوب الاحباب
حكم القـــــدر لا قال لفراقهم خيـــــر

صدمة وجتني والزمن كشــر انياب
والوقت تكشيره ماهوب اي تكشيـر

يا قلب لا تشره على كل من غـاب
من راح من كيفه يجي دون تبـرير

جاني من اللي كنت احسبنهم اصحاب
شيٍ عجزت ألقى له ان ضقت تفسير

والخاطر المكسور يا عاذلي طــاب
والوقت ما قصر محى كل تأثيــــر

والمخطي اللي من كثر ماخطى صاب
يشفع له إنه لا وقف وقفته غيـــــر

واللي يعيش بديرته عيشة اغراب
يقطع على شان المعزه مشاويــــر

يا ساحة الغاوين يا قل الالبـــــاب
وما كل طيرٍ لا كفخ يقدر يطـــــير

ما أقول ما فيكم رياجيل واشناب
اميّز الشعار بين الشواعيــــــــ ـر

ناسٍ تدور للقب بين الالقـــــــــا ب
وواحد من الالماس شعره قناطيــر

وأحدٍ بماله يكسب إعلام وإعجـاب
مثل ما قالوا يدهن السير ويسيـــر

مثل المنيحه بين تسعين حــــــــلاّب
ومافيه احد يكره حليب المصاغيــــر

أو مملكة جوها طواغيت الإرهــــــاب
وسوّوا لهم مع زحمة الناس تفجيــــر

وحنا نكافح والامل ما بعد خـــــــــــاب
حتى ندمرهم من الشعــــــــــر تدميـــــر

وإن كان راحو بين ميت ومنصــــــــاب
دون الشعر ناقف صفوف وطوابيــــــــر

وكلن معه شلفا ولد غـــــــــــانم ذياب
من شان لا يحصل للاخطاء تكريــــــر

ويبقى فقط شعّار عرّاف كتّــــــــــــ ـاب
ناسٍ ما يلحقهم فالإبداع تقصيـــــــــر

اقولها صادق ولانيب كــــــــــــــ ـذاب
الشعر ميراث الجدود المناعيــــــــ ــر

وأنا حميته من مفسّد وخـــــــــــرا ب
وأعسف بها العاصي واسخره تسخير

يا كم حرقت اعصاب وارتاحت اعصاب
موتوا قهر يا شلة عوير وصويـــــــــر

ما ضاع حق ومن ورى الحق طـــلاب
وسود النوايا من طرفنا مغاتيــــــــــ ـر

وكلٍ على قده يفصل له ثيـــــــــــــ ــاب
وكلن على قدره يقدر بتقديــــــــــ ـــــــر

واللي يبى القمه ولا يبذل أسبـــــــــاب
ينبح ليا شاف القوافل على السيــــــــر

جنائن ورد لقلوبكم: