ليه الزعل

نزعل ونتكبروحنامن الطين
والكل منايصد لأأقبل خويه

نفخرنقول اناعلى الصد قاوين
وهي علينافي الحقيقه قويه

ننسى نهايتناوعلى وين ماشين
وننسى الزمن اللي جمعناسويه

المشكله ماهي بحاجه لتخمين
ولاهي ياناس صعبه القضيه

دق الرقم كيفك هلافيك واهلين
اناالخوي اللي مزعل خويه

تغيب وصورتك داخل العين
ويبقى لحبك في خفوقي بقيه

اخوان إحنالويجي بينناشين
ومانفترق دام المحبه نديه

خلك قوي لاتحتكرك الشياطين
قبل الفوات وقبل وقت المنيه

هاذي هي الدنيامن الحين للحين
لابدبين الناس تحصل خطيه

ومن لايقدرغلطه احبابه الحين
يقراحروفي ويعتبرهاهديه

باكرتمر سنين وسنين وسنين
والكل يرحل في الدروب المديه

صدقني تندم واذكرحروفنازين
تندم على خلك إذاغاب ضيه

دنيا غريبه واكثرالناس ماشين
وكم صاحب والله دفنته بيديه



ربما تكون مكررة بس من زمن

تذكرت روعة ابياتها ونقلتها