|
ابو رمش مابين ابو رمشٍ علـى الخـد خـادر وشهب الوجيه اللي تقل تطلبك ديـن يلعب بي الهاجس ولا زلـت صابـر حتى تصير العين في خاطري غيـن (شاعر).. ولكن عندي الفكر (شاغر) أسرح مع الهوجاس ولا أسئله ويـن لكن ترى ماسهرت بيض المحاجـر إلا بفكـر يشبـه لجيـش حطـيـن الشعر يصبح بعض الأحيـان فاجـر ينسج بعقلك من هجـوس المجانيـن الشعر يدني بـك لبعـض المخاطـر وأحيان يدني بك لعـرش السلاطيـن وانا لو إني مـا أحبـس الخواطـر يموج بي فكري على الزين والشيـن انـا ولـد آدم ... ولـي نـد كافـر كيـده بدمـي جـاري ٍ بالشراييـن حلـف ليغوينـي لـو إنـي مكابـر مادامني أجوف ومخلوق مـن طيـن إما أصيـر لـرب الألبـاب شاكـر وإلا أبليس .. ببعض الأفكار يغويـن فياللي تمنى إنك تصير.. شاعرالشعر سيفٍ له نصابٍ وحدين إن كان ماعندك مـن العقـل زاجـر تراك تلعب فـي حـدود السكاكيـن تاجر بـلا ميـزان ماهـو بتاجـر والشاعر الناجـح.. بعقلـه ميازيـن إمـا تبـوح بطيـبـات الـنـوادر وإلا ترا بالصمـت عبـره وتمكيـن إمـا قصيـدٍ بـه تطيـب المحابـر وإلا إترك الحبر لهل العلـم والديـن إمـا قصيـدٍ يستـحـق المنـابـر وإلا نخليهـا لـوعـظ المصلـيـن الفـرق ماهـو بالجمـر والمباخـر الفرق.. جود العود يأهـل الدياويـن خـل المظاهـر وإلتفـت للمخابـر ومن جمّع الثنتين زيـن علـى زيـن بالحق بادر .. وبالخطـاء لا تبـادر الصمـت فـن و يتقنونـه قليلـيـن الصادر إحـذر لا يفـوق المصـادر الله عطاك لسـان وعينيـن وإذنيـن راقب زمانك بين ماضي وحاضـر يعطيك درسه بيـن عبـره وتلقيـن وأنا مع الآيات .. والكـون ساهـر إبداع خلق .. وعفو رب .. وقوانيـن الأرض يسقيهـا مـن الله مـاطـر ياما تصير الارض مثـل البساتيـن وإن غاب ماها يصبح الكون غابـر تجف الارض ويصبح الخلق وجليـن يبون غوث اللي على الغـوث قـادر من لامهـم.. لأستسقـوا الله ذليليـن يدعـون يامنـزل تبـارك وغافـر أسق البلاد .. أسـق العبـاد المقليـن جفاف الأرض .. لطالب الغوث عاذر والــذل لله رفـعـةٍ بالمـوازيـن مار البلا لاصار لك نصف هاجِـر هذا الجفاف اللـي يـذل العزيزيـن مابين أبو رمش علـى الخـد خـادر وشهب الوجيه.. وجملةٍ بين قوسيـن (جفاف الارض ولا جفاف المشاعـر لو تستغيث لخاطرك صرت مسكين فالح الناهي |
رد: ابو رمش الصمـت فـن و يتقنونـه قليلـيـن الصادر إحـذر لا يفـوق المصـادر يعطيك العافيه على الطررح |
رد: ابو رمش الظهيري شرفتني هنا يالغالي |
رد: ابو رمش سمو الاحساس اختيار رأيق يسلمووووووووو |
رد: ابو رمش كبرتني همومي سرني مرورك |
| الساعة الآن 05:45 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..