مجالس الرويضة لكل العرب - وحشة وحاجه ( جديد الشاعر محمد الحويماني )

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

وحشة وحاجه ( جديد الشاعر محمد الحويماني )

هذا هو الشعر ..له (وحشة) وله (حاجه)
... لو عاشـــــــــها الناس والله مايلومـــــــون ي

لأبطيت ماقلت شيء ولا أنكتب حاجه
... جايز من أتفه سبب .. تحـــرجني عيوني !!

ياهاجسي مابقى من لــيلـــــــنا ناجه
..... فيني من الشعر ما جمل لي طعوني

خذني من الناس ومن الوقت وإزعاجه
......خذني وخل السهر يرتاح في جفـــــوني

قلبي وأعرفه تعود يخلق إبهـــــاجه
..... من عزلتي لأنجـــرحت وخابت ظنـــــوني !!

لايابحــــر روحي اللي هيّج أمواجه
...حلمي على اللي رمـوني غدر وأخطــوني

مثلي عليهم (بعيد ) ويصعب إحــراجه
... لو يسرجــــون السحايب ..مايطولوني

ياجعلهم فدوة اللي ضحكة حجاجه
....لامرت البال ( كان الله في عوني ) !!

مادلت الريح قلبي وأطفت سراجه
.....إلا بعد ماخلى من ضحكته كـــوني !!

محتاجه أكثر ..من أكثر شيء محتاجه
... قسى عليّ (الغياب) وكسر غصوني!!

الأرض بعده سجن ..ودروبي سياجه
... والناس ماهمها الا حالي ولوني !!

مع كل هذا ( وقفت ) لـــــ كل ما أواجه
.....ما طحت ولا أذكر اللي حرك ركوني

قل يابحر روحي اللي هيــّـج أمواجه
.... حلمي على اللي رموني غذر وأخطوني

أنا بلا (الشعر ) رجال وفقد حاجه
....لكن قل الشعر وش بيكون من دوني !!؟

للشاعر محمد الحويماني

:nabd: