|
بنات في طريق الهاويه http://upload.te3p.com/uploader/561445/01270173708.jpg بنات في طريق الهاويه في هذا الزمن انتشر في مجتمعنا السعودي عادات سيئة من بعض الفتيات وخصوصا في بعض المدن الكبيرة مثل جدة والرياض والدمام وهو انتشار مقاهي المعسل (( الارقيله )) كما يحب ان يسميها البنات واصبح اغلب البنات اللي ماتدخن تشيش حتى وصل الامر الى البيووت واخذ شيئا فشيئا يصل الى خارج المدن الى القرى والهجر نعم لاتتعجبون وتقولون مانصدق صدقوا وصل الى منطقتنا هنا وهذا شئ خطير فهو بداية الهاويه والاندفاع الى ماهو اكبر واخطر الى وحل المخدرات فبدايته دلع ووسطة ولع ونهايته وجع وحسرة لماذا اصبحنا مجتمع يبحث عن الاشياء المضرة ولا نلتفت الى ماهو مفيد اعذروني ان لم افصل اكثر و تركته لكي يكون لاقلامكم مساحة للكتابه ارجوا تفاعلكم |
رد: بنات في طريق الهاويه طرح مهم كل مواضيعك مهمه وفعلا ساخنه اخوي سمو الاحساس:: فعلا شي يعور القلب ان هلاشياء دشة بـ أطهر أرض أنا شفت هالاشياء بدولة الكويت ولكن اشوفه شي عادي لدوله مجتمعها متفتح لدرجة كبيييييره مع احترامي لديرتي الثانيه .. ولكن السعوديه ارض معروفه بالاتزامها بالعادات والتقاليد الدينيه ... مافيه علاج لامور نفس جذي الا الرقااابه .. لا توجد رقاابه ولا وازع ديني حتى الهيئه صاارت تُمنع من القيام بمسؤليتها أما من قبل بعض الاهالي او المسؤلين الكبار فالدوله .. اتمنى اكون قلت شي مفيد بس هذا اللي بخاطري .. لا أنا ولا أنت اخوي سمو نقدر نوقف ها الظاااهره .. اجارنا الله واياكم واخوانا المسلمين منها ... المعذره للاطاله بس انا لما اتفلسف اتفلسف :) |
رد: بنات في طريق الهاويه السلام عليكم ورحمة الله وبركاته.. والله حاله اول نصيح من الشباب.. والحين جونا البنات.. والله ما ادري وش اقول ..؟ بصراحه وضع ماله داعي.. لا حول ولا قوة إلا بالله .. اسأل الله لهم ولنا الهدايه .. مشكور والله يعطيك العافيه ^_^ |
رد: بنات في طريق الهاويه العزيزالغالي سمو الاحساس موضوع رائع و طرح جميل و قضية يجب أن يسلط عليها الضوء و سوف أحاول الإجابة على اسئلتك من وجهة نظر بعض المتخصصين : يقول الدكتور محمود عبد الرحمن حمودة أستاذ الطب النفسي بجامعة الأزهر : بعض البنات يرفضن الأنوثة ويحاولن تقليد الرجال فيأتين بسلوكيات الرجال في محاولة منهن لتناسي أنوثتهن ولإشعار أنفسهن أنهن لسن أقل من الرجال. أما الدكتور يسري عبد المحسن استشاري الطب النفسي والأعصاب بجامعة عين شمس فيرى أن الشيشة قد بدأت مع البنات كموضة "وتقليعة" من تقاليع الشباب وغرائبهم، خاصة عند أولئك اللائي يردن تقليد الرجال ، ويرى الدكتور عبد المحسن أن تدخين حواء للشيشة هو في نهاية الأمر تقليد للرجل لتثبت له أنها على نفس القدر من المساواة في كل شيء، في حين أن منظر الفتيات وهن يشربن الشيشة يثير اشمئزاز كثير من الرجال . الدكتورة سامية الساعاتي أستاذ علم الاجتماع بجامعة عين شمس تقول: لا نستطيع أن نسمي شرب الفتيات للشيشة على المقاهي أنه ظاهرة أو حتى موضة بل هو مجرد (تقليعة) أو ابتداع مثل بدعة ارتداء الألوان اللامعة بخلاف (الموضة) التي تكون أكثر انتشارًا وأطول مدة وتأخذ شكل الظاهرة؟ وهي ليست أكثر من اتجاه نحو التفرد من قبل هؤلاء الفتيات، حيث يحاولن إعلان أنهن متحررات ويفعلن ما يحلو لهن، وكان هذا الإعلان قد بدا في صورة تدخين الفتيات - خاصة طالبات الجامعة وطالبات المدارس - للسجائر حتى يثبتن أنهن متحررات - أو كما يتخيلن أن هذه هي الحرية - ثم تحول الأمر إلى المجاهرة بشرب الشيشة في المقاهي . و تقول د. هيام رضا محمد ( صاحبة اول دكتوراه في العالم عن الشيشة ) : الدافع إلى تدخين الشيشة لدى النساء له عدة اسباب : اولها الضغوط العائلية وثانيها الفراغ بالاضافة الى الترف ونقص المعلومات عن اضرار الشيشة .. الجنس الناعم يريد اظهار نفسه .. وان يقول انه هنا .. |
رد: بنات في طريق الهاويه نصف ابتسامة<< الشيخة فطووم اشكرك على مرورك العطر ومشاركتك الرائعة فعلا قلة الرقابة الاسريه وتفكك الاسر احد هذي الاسباب اشكرك على مرورك |
رد: بنات في طريق الهاويه صديقة القلم بالفعل كنا نقول الشباب والان اصبحن الفتيات ينافسن الشباب بهذا الشئ اللهم احفظ بناتنا واولادنا من كل شر |
رد: بنات في طريق الهاويه سلطان الشوق وزعيم الذووق اشكرك على طرحك واضافتك ابدعت بهذا النقل المفيد بارك الله فيك |
رد: بنات في طريق الهاويه يسلموووووو الغااالي سمو وربي هذا موضوع يقطع القلوووب ومنظر مقزز انا بنت تمسك شيشه اتمنى يطوول النقاش بهالموااضيع مع اني اعرف انها مراح نلقى حل :( |
رد: بنات في طريق الهاويه الشيخة فطووم سرني عودتك هنا |
رد: بنات في طريق الهاويه إي ولله ذولات بنات 2010 مايمدينآ عليهم زمآن البنت إذا شافت الولد يدخن قآلت يوٍمه واليوم حنآ اللي نقوٍل يوٍووٍمه خخخخخخخخخخخخخ والله أنا شفتها بالخرج عندنا هينآ ماهو بالكويت طبعآ كلكم تعرفون الخرج .. كنت موقف بجنب محل لبيع المعسلات إلا ذيك البنت اللي مطفيه النور وتدخل المحل عينك عينك وتشتري المعسل وتطلع طبعآ جايه مع سواق <<يفكر طيب وإذا راحت لبيتها كيف بتعسل والله ماادري عنها يمكن وحدها في بيت ولا اهلها مخربينها مثلها كل الشعب منتهي .. وبصراحه بصراحه المفروض انهم يمنعو بيـع المعسلات على البنآت هذا اقل شيء يسوونه .. وكل الشكر لسموك على هآلمووووضووووع الهآم لنقآش |
رد: بنات في طريق الهاويه موضوع مهم جدا - حفظ الله بنات المسلمين جميعا |
رد: بنات في طريق الهاويه яό7y ţ3‘Ļeķ»● سرفتني بمرورك وبنزف قلمك هنا وانت ماشفت الاشئ بسيط وعن وضعها كيف تعسل مو شرط اهلها مثلها ربما يكونون اهلها قمة بالاخلاق والمحافظة بس البنت بغرفتها لو تقعد اسبوع ماسألوا عنها اهم شئ انها موجودة ولاعمرهم دخلوا غرفتها وذا نااام الجميع سرى ليلها اشكرك على مرورك |
رد: بنات في طريق الهاويه القناص شرفتني بمرورك وياليتك ابديت رأيك بهذا الشئ لتزيد الموضوع جمالا بقلمك |
رد: بنات في طريق الهاويه الله لا تبلانا والله عندنا في الشرقيه البنات على الكورنيش تعسل ولاسحى ولامستحى شيء مقزز ولا بعدلابسه عبايه أقصد شبه عبايه لو تاركتها أحسن يعطيك العافيه سمو طرح ساخن تستحق الشكر عليه اللهم أهدنا وأهدي بنات وشباب المسلمين |
رد: بنات في طريق الهاويه موضوع جميل بس المفروض الواحد يبداء بنفسه اولا ثم يبدا يناقش الموضوع ههههههههههه |
رد: بنات في طريق الهاويه كبرتني همومي الله يستر بس من الزمن القادم |
رد: بنات في طريق الهاويه البتار اشكرك على مرورك |
رد: بنات في طريق الهاويه لا حول ولا قوة الا بالله طبعا انا شفت كثير مقاهي بس جدة مقاهي عوائل في كل شارع وكل زاوية وفي الفنادق الكبيرة طبعا كشعب محافظ بديهي نستهجن مثل هذه السلوكيات ولنرى مثلا من يقوم بذلك معظم المدخنات او المعسلات لا توجد رقابة عليهم والا كيف يذهبن للمقهى لوحدهن ولا ندري مع من ؟ ؟ كنت في مدينة جدة قبل اشهر وشاهدت بام عيني في مول ايس لاند مجموعة كبيرة من الشباب ( انواع الكدش ) شدني المنظر واقتربت خاصة والوقت متاخر جدا ( الساعة الثانية بعد منتصف الليل ) ! ! قلت فيه حريقة في المول والا كارثة وبعد الاقتراب عرفت ان كل مافي الامر مقهى عوئل يفتح حتى ساعات الفجر هذا كانه يقفل وسبب تواجد هذه الجمجموعة الكبيرة من الشباب انه البنات يقومون بادخالهم معهم ( للحساب على ما اظن ) وش نرجي ورى هذا المجتمع ؟ ؟ ؟ ؟ طبعا انا لا اعمم لكن مارايت يضيق الصدر من جد حمانا الله واياكم |
رد: بنات في طريق الهاويه رجعت ^_^ في بالي حكي قلت ارجع عشان اقوله اسمح لي سمو الإحساس ممكن اطلع عن الموضوع إلى اساسه اللي هو الخراب بصفه عامه سواءً تدخين او مكالمات او اي شي : 1-ممكن اهلهم متشدديـــــــــ ـن بقوه فـ هينا يجي انتقام البنات من اهلهم .. والمشكله ينتقمون على اشياء بسيطه جداً ..! بتقولون كيف انا اقولكم .. بعض البنات يسألونهم ليش تدخنون او ليش تكلمون شباب او ليش وليش وليش .. اللي تكلم :تقولك والله انا ماكان في بالي هالشي .. بس اقول لـ اهلي جيبوا لي جوال .. يقولون ليه عشان تخربين في هاللحظه تصير مشكله ..تخليني في هذيك اللحظه افكر اني اعلمهم اني لو ابغى اخرب خربت بأي طريقه وبعدين اندم ...<<<ماتفكر في انها اهي المتضررهـ .. والثانيه معاها جوال بي تبغى كمبيوتر خاص فيها يقولون ليش تبينه ..؟ عشان تخربين .؟ هالكلمه تحسسها ان اهلها مو واثقين فيها.. مع ترديد هالطلب وترديد الإجابه .. وفي لحظة الغضب ممكن تسوي حاجه ماترضي اهلها <<وطبعاَ هذولي المراهقات.. ..ادري كلمة انتقام قويه ..بس هذي اقرب كلمه للي يسوونه وممكن انو مايكون إنتقام .. ممكن انهم هم فتحوا عينها على شي ما كانت تشوفه قبل لكن اللي تسوي كذا اكيد اكيد اكيد بينها وبين اهلها مشاكل.. يا اما انهم مانعينها عن شي او انها كل ماطلبت شي ذكروا لها مسألة الخراب .. 2- تدخن .. لو تسألها .. تشوف انو من حاله نفسيه .. اما انو امها دايم تضغط عليها او انها تشوف انو صديقاتها مدللات وتبي تصير مثلهم بس اهلها ماعندهم هالحركات.. تحصلها تحط كل غضبها في هذا الشي .. او تحصل بين اهلها مشاكل ..اذا جلست عند ابوها تلاقيه يسب في امها ونفس الشي عند امها .. ولايهمهم فالحياه الا مشاكلهم تطلع بنتهم عند صديقاتها .. ماتطلع مايهمهم..اهم شي انها تكون فالليل موجوده فالبيت... او تحصل مافيه عدل فالبيت .. يكون الولد اهم شي .. والبنت على الهامش.. يعني البعض مايدخنون من الباب للطاقه بتحصل عندهم مشاكل تدفعهم لهذا الشي..! 3- النوع الثالث هينا اهو اللي ماله عذر للأسف دعواهم كلها .. تقليد .. قاللبس تقليد فالأكل تقليد في طريقة المشيه تقليد في الغرور تقليد في التدخين تقليد تشوفه يقتدي في اسوأ الخلق .. يعني يزين له الشيطان صورة السيء .. فتشوفه يقلده.. هذولا ممكن ان حالتهم تكون من احلا واجمل الحالات .. وتكون طلباتهم مجابه .. بس مشكلتهم التقليد يشوفونهم يدخنون يقلدونهم .. بدون مايعرفون وش الأسباب اللي تخليهم يدخنون...! اما الحريم الكبار ..! هذولي ما اتوقع انو احد لاعب عليهم او اي شي.. اللي اتوقعه اهو انهم طايحين فيه من زمان .. ممكن انها اول ماتزوجت تزوجت رجال ماعنده غيره.. يشيش تعالي بس شيشي معي وخل نطالع التي في ونبسط تجربها يوم يومين .. وبعدها يصير الوضع عندها عادي ..! وبعدين تطلقت .. وعند اهلها ماتقدر تسوي شي تطلع تاخذ راحتها.. تخفت عن عيون اهلها .. ونست انها ما تقدر تخفى عن عيون خالقها .! وبس هذا اللي عندي ومشكور مره ثانيه على طرحك ^_^ |
رد: بنات في طريق الهاويه صراااحه موضوع في غايه الاهميه بناااات في طريق الهاويه ابختصر الكلام في عدة نقاط 0000وهي 000 1- ضعف الوازع الديني 0 2-قله الرقابه00 الاب ملتهي في اشغال الحياه والام من بيت لبيت 0 3-الدلال المفرط ووفرت المال 0 4-رفقاء السوئ وصاحب ساحب 0 5-المشاكل بين الاب والام تذهب الفتاه الى صديق او صديقه سوئ ثم يبدا التدمير وطبعن الا هل لايعلمون بشي مشغولين بمشاكلهم والضحيه اولادهم 0 6-اوالتقليد الاعمى مو افلانه احسن مني والحين صايرة موضه لا يعتبرون ناس منفتحين انك تشيش واحلا نكهات طبعن شفتهم بعيوني ع الكرنيش با لخبر والله عائله من اصدقا ءوحريمهم معهم جالسين يشيشون واطفالهم معهم شوفو القدوة مين الوالدين يعني مايلمون البنات والشباب اذا اها ليهم كذاء0 7- قله الرقابه وعدم المسؤليه 0 8- الفرااااااغ والبطااااله 0 9- وسائل العلام الهادفه ماخلت شي ولا بقت كل شي ادخلت به من دعايات وغيره 0 واخيرا ما زالت امالنا كبيره في شباب وشابات الامه لا ن بهم تحيا الشعوب 0 يمكن اكون قسيت في بعض الشواهد لان هذا الي قاعد يحصل فعلن للاسف الشديد و لان غيرتي عليهم مارضي احد يخدشهم بكلمه 000والله يفتح ع قلوبهم وعقولهم اااامين 0000 |
رد: بنات في طريق الهاويه انا مع صديقة القلم والأماكن في كلامهم.. بالأخص المشاكل إذا صار المدخنه مراهقه.. وقلة الرقابه ..إذا صار الرجال لاهي في شغله والحرمه بعد لاهيه في شغلها خلاص على عيالهم السلام..مشكور,, , |
رد: بنات في طريق الهاويه موضوع مميز بكل ماتعنيه الكلمة - واحيي بنات حواء ع مداخلاتهم - اشكرك ع الموضوع - اللهم اصلح شباب وبنات المسلمين واهديهم - دمت بخيرْ :nabd: |
رد: بنات في طريق الهاويه ابو نواف مرورك يزيدني شرفا وطرحك عين الصواب ولاكن الادهى والامر هو وجود هذا الانحراف في مجتمعات محااافظة وبناات قبايل يمكن تقول اللي بجدة منفتحين كثير بس اللي عندنا هنا ادهى وامر وانا معك بماشاهدتة انت بجدة وازيد عليه انا شاهدتة هنا بمنطقتنا دون تحديدشاهدتة بالصدفة فقط بحكم طبيعة عملي ارى من الاعلى |
رد: بنات في طريق الهاويه اقتباس:
جبتي المهم والاهم والاسباب والعلاج لم استطع الزيادة على طرحك فأهلا بعودتك هنا |
رد: بنات في طريق الهاويه اقتباس:
طرحتي فأبدعتي نعم هذا هو السبب وان كان التقليد الاعمى هو الغالب شرفني وجودك |
رد: بنات في طريق الهاويه ذووق وانا اضم صوتي لصوتك واوافقك الرأي شرفتينا هنا |
رد: بنات في طريق الهاويه حفيد وجودك دعم معنوي للجميع والشكر موصول لك ولجميع الاخوان والاخوات شرفتني هنا |
رد: بنات في طريق الهاويه اقتباس:
احساس الورد نعم اصبحنا نرى المجاهرين بالمعاصي بوضح النهار وقل الوازع الديني عندهم نسأل الله العالي العظيم الهداية لهم اشكرك على تشريفك لي بمرورك بمتصفحي لاعدمتك |
رد: بنات في طريق الهاويه ويقولي منعوا التدخين في البقالات والسوبرماركات |
رد: بنات في طريق الهاويه ابو رندا شرفني موررك العطر |
رد: بنات في طريق الهاويه صراحه عادة تحز في الخاطر بقوه لو فيه رقابه قويه ما صار كذا ما ندري بكره الامر يتطور وندخل متاهه ثانيه الله يهديهن ويهدي المسلمين اجمعين سمو اشكرك ع المووضوع .. |
رد: بنات في طريق الهاويه امير والله انك صادق والله يستر من الجيل القادم وش بيسوي |
رد: بنات في طريق الهاويه اللهم لاتؤاخذنا بما (يفعل) السفهاء منّأ انا اعتقد صاير فيه تبادل اداور بهـ الوقت ومدري وين المشكله .. الشباب صايرين بنات وخكاريا ومدري وش والبنات صاروا بويه ومسترجلات مافيهم ريحة الانوثه .. الله يهدي الجميع .. بس صدق صدق .. اشتقنا لأنوثتنا جدا ً .. فعودوا رجالا ً .. كي نعود نساءا ً .. <- صح لسان من قال هذه الحكمه .. دمتم بود جميعآ .. :) |
رد: بنات في طريق الهاويه مرسى الاحلام شرفتيني هنا وبالفعل شباب اصبحوا اشباه نساء ونساء اصبحن اشباة الرجال مرورك اسعدني |
رد: بنات في طريق الهاويه الله يستر زمن يخوف طرحت فابدعت يعطيك العافية00000 |
رد: بنات في طريق الهاويه المختلف اسعدني مرورك العطر لاهنت |
| الساعة الآن 07:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..