بنات في طريق الهاويه

#21 (**permalink**) 04-04-2010, 07:36 AM

انا مع صديقة القلم والأماكن في كلامهم.. بالأخص المشاكل إذا صار المدخنه مراهقه..
وقلة الرقابه ..إذا صار الرجال لاهي في شغله والحرمه بعد لاهيه في شغلها خلاص على عيالهم السلام..مشكور,, ,

#22 (**permalink**) 04-04-2010, 01:30 PM

موضوع مميز بكل ماتعنيه الكلمة -
واحيي بنات حواء ع مداخلاتهم -
اشكرك ع الموضوع -
اللهم اصلح شباب وبنات المسلمين واهديهم -

دمت بخيرْ

#23 (**permalink**) 04-04-2010, 03:37 PM

ابو نواف

مرورك يزيدني شرفا

وطرحك عين الصواب

ولاكن الادهى والامر هو وجود هذا الانحراف في مجتمعات محااافظة وبناات قبايل يمكن تقول اللي بجدة منفتحين كثير بس اللي عندنا هنا ادهى وامر وانا معك بماشاهدتة انت بجدة وازيد عليه انا شاهدتة هنا بمنطقتنا دون تحديدشاهدتة بالصدفة فقط بحكم طبيعة عملي ارى من الاعلى

#24 (**permalink**) 04-04-2010, 03:38 PM

المشاركة الأصلية كتبت بواسطة صديقة القلم

رجعت ^_^
في بالي حكي قلت ارجع عشان اقوله

اسمح لي سمو الإحساس ممكن اطلع عن الموضوع إلى اساسه
اللي هو الخراب بصفه عامه سواءً تدخين او مكالمات او اي شي :

1-ممكن اهلهم متشدديـــــــــ ـن بقوه فـ هينا يجي انتقام البنات من اهلهم .. والمشكله ينتقمون على اشياء بسيطه جداً ..!
بتقولون كيف انا اقولكم ..
بعض البنات يسألونهم ليش تدخنون او ليش تكلمون شباب او ليش وليش وليش ..

اللي تكلم :تقولك والله انا ماكان في بالي هالشي .. بس اقول لـ اهلي جيبوا لي جوال .. يقولون ليه عشان تخربين في هاللحظه تصير مشكله ..تخليني في هذيك اللحظه افكر اني اعلمهم اني لو ابغى اخرب خربت بأي طريقه
وبعدين اندم ...<<<ماتفكر في انها اهي المتضررهـ ..

والثانيه معاها جوال بي تبغى كمبيوتر خاص فيها يقولون ليش تبينه ..؟ عشان تخربين .؟
هالكلمه تحسسها ان اهلها مو واثقين فيها..
مع ترديد هالطلب وترديد الإجابه .. وفي لحظة الغضب ممكن تسوي حاجه ماترضي اهلها

<<وطبعاَ هذولي المراهقات..

..ادري كلمة انتقام
قويه ..بس هذي اقرب كلمه للي يسوونه
وممكن انو مايكون إنتقام ..
ممكن انهم هم فتحوا عينها على شي ما كانت تشوفه قبل
لكن اللي تسوي كذا اكيد اكيد اكيد بينها وبين اهلها مشاكل..
يا اما انهم مانعينها عن شي او انها كل ماطلبت
شي ذكروا لها مسألة الخراب ..

2- تدخن .. لو تسألها .. تشوف انو من حاله نفسيه ..
اما انو امها دايم تضغط عليها
او انها تشوف انو صديقاتها مدللات
وتبي تصير مثلهم بس اهلها ماعندهم هالحركات..
تحصلها تحط كل غضبها في هذا الشي ..

او تحصل بين اهلها مشاكل ..اذا جلست عند ابوها تلاقيه يسب في امها
ونفس الشي عند امها ..
ولايهمهم فالحياه الا مشاكلهم تطلع بنتهم عند صديقاتها ..
ماتطلع مايهمهم..اهم شي انها تكون فالليل موجوده فالبيت...

او تحصل مافيه عدل فالبيت ..
يكون الولد اهم شي ..
والبنت على الهامش..

يعني البعض مايدخنون من الباب للطاقه بتحصل عندهم مشاكل تدفعهم لهذا الشي..!

3- النوع الثالث هينا اهو اللي ماله عذر للأسف دعواهم كلها .. تقليد ..
قاللبس تقليد
فالأكل تقليد
في طريقة المشيه تقليد
في الغرور تقليد
في التدخين تقليد

تشوفه يقتدي في اسوأ الخلق .. يعني يزين له الشيطان صورة السيء .. فتشوفه يقلده..

هذولا ممكن ان حالتهم تكون من احلا واجمل الحالات .. وتكون طلباتهم مجابه .. بس مشكلتهم التقليد

يشوفونهم يدخنون يقلدونهم .. بدون مايعرفون وش الأسباب اللي تخليهم يدخنون...!

اما الحريم الكبار ..!

هذولي ما اتوقع انو احد لاعب عليهم او اي شي..
اللي اتوقعه اهو انهم طايحين فيه من زمان ..

ممكن انها اول ماتزوجت تزوجت رجال ماعنده غيره..
يشيش تعالي بس شيشي معي وخل نطالع التي في ونبسط

تجربها يوم يومين ..

وبعدها يصير الوضع عندها عادي ..!

وبعدين تطلقت ..
وعند اهلها ماتقدر تسوي شي تطلع تاخذ راحتها..

تخفت عن عيون اهلها .. ونست انها ما تقدر تخفى عن عيون خالقها .!

وبس هذا اللي عندي

ومشكور مره ثانيه على طرحك ^_^

صديقة القلم

جبتي المهم والاهم والاسباب والعلاج

لم استطع الزيادة على طرحك

فأهلا بعودتك هنا

#25 (**permalink**) 04-04-2010, 03:40 PM

المشاركة الأصلية كتبت بواسطة الاماكن

صراااحه موضوع في غايه الاهميه بناااات في طريق الهاويه
ابختصر الكلام في عدة نقاط 0000وهي 000
1- ضعف الوازع الديني 0
2-قله الرقابه00 الاب ملتهي في اشغال الحياه والام من بيت لبيت 0
3-الدلال المفرط ووفرت المال 0
4-رفقاء السوئ وصاحب ساحب 0
5-المشاكل بين الاب والام تذهب الفتاه الى صديق او صديقه سوئ ثم يبدا التدمير
وطبعن الا هل لايعلمون بشي مشغولين بمشاكلهم والضحيه اولادهم 0
6-اوالتقليد الاعمى مو افلانه احسن مني والحين صايرة موضه لا يعتبرون
ناس منفتحين انك تشيش واحلا نكهات طبعن شفتهم بعيوني ع الكرنيش
با لخبر والله عائله من اصدقا ءوحريمهم معهم جالسين يشيشون واطفالهم
معهم شوفو القدوة مين الوالدين يعني مايلمون البنات والشباب اذا اها ليهم كذاء0
7- قله الرقابه وعدم المسؤليه 0
8- الفرااااااغ والبطااااله 0
9- وسائل العلام الهادفه ماخلت شي ولا بقت كل شي ادخلت به من دعايات وغيره 0
واخيرا ما زالت امالنا كبيره في شباب وشابات الامه لا ن بهم تحيا الشعوب 0
يمكن اكون قسيت في بعض الشواهد لان هذا الي قاعد يحصل فعلن للاسف الشديد و لان غيرتي عليهم مارضي احد يخدشهم بكلمه 000والله يفتح ع قلوبهم وعقولهم اااامين 0000

الاماكن

طرحتي فأبدعتي

نعم هذا هو السبب وان كان التقليد الاعمى هو الغالب

شرفني وجودك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات في طريق الهاويه	سمو الاحساس	احتواء ما لا يحتوى	33	08-04-2010 11:59 AM
طريق كرى الجديد	اسيرة الصمت	منتدى السفر والسياحه	8	30-06-2009 02:07 PM
طريق الشاحنات	خالد00	احتواء ما لا يحتوى	10	14-07-2008 09:15 AM
طريق الموت....!	ج ــســــد	لُغَة الصور .. والكاريكاتير الساخِر	6	27-01-2008 04:34 PM
على طريق الخير نلتقي	الهواوي	مرفأ البداية وروح التواصل	11	10-11-2006 08:01 AM

بنات في طريق الهاويه

حوار ومنطق