|
لا حدني وقتي على شي مابيه .. اعز نفسي ومنة الناس بترآب بسم الله الرحمن الرحيم السلام عليكم ورحمة الله وبركاته . / يسعــد مسـاكم / . عـزي لقـلـب ٍ صــار هـمـه مخـاويـه متعلـق(ن) .. لاهـوب شايـب ؟ ولا شـاب ؟ لاقــادر(ن) يـفـرح بـشــي ٍ يسـلـيـه ولا قـادر (ن) يلبـس علـى حـزنـه ثـيـاب راعـي الطمـوح يمـوت .. مـادرك مناويـه لاخاسـر(ن) حلمـه .. ولا كاسـب اعجـاب ! لاهــو فقـدلـه شــي عـشـان يرثـيـه ولا ظفـر فـي شـي يحسـب لـه حسـاب ؟ اقسـى عـذاب ؟؟ .. يخلـي الرجـل يبكيـه عـذاب ! .. لكـن ! تتفـق فيـه الاسـبـاب لامن عشـق حاجـه ! ولاهيـب فـي يديـه لاصابـر(ن) منهـا ... ولا عنهـا تــاب ؟؟! الـحـر وافـــي مـايـخُـون بـراعـيـه حتـى لـو انـه ! .. دون راعيـه ينصـاب لاضـاعـت الهـقـوه تـمـوت المشـاريـه ماكنهـا الا ( ثـلـج ) فــي كـفـي و ذاب خطـاي ! .. عطيـت الشنـب حـق يوفيـه اليـن ! ماشفـت الـمـره ذلــت اشـنـاب حتـى ردي الـسـاس ! يفـخـر بماضـيـه في وقت ؟ .. ساوا النـاس مابيـن الانسـاب وش عـذر ؟ مـن صـدق كــلام ٍ يغـذيـه لاصـار منهـو يدعـي الصـدق ؟ .. كـذاب علمـت نفسـي درس ! .. مانـي بناسـيـه ماقيـل لــي ولا حفظـتـه مــن كـتـاب لاحـدنـي وقـتـي عـلـى شــي مابـيـه اعـز نفـسـي ومـنـة الـنـاس بـتـراب الله يـرجـع كـــل غـالــي لغـالـيـه والله يــرد الشـمـل مابـيـن الاحـبـاب اللـي يبـي الفرقـا ! .. عسـى الله يهنيـه مـانـي ورا المقـفـي مـطـارد وطــلاب لـو كـل مـن قـفـى ! بتـبـع خطـاويـه مافارقـت عينـي موالـيـف واصـحـاب ! ياصاحبـي .. ماعـاد لـي شــي اداريــه بينـي وبينـك مابـقـت كلـمـة عـتـاب ! اللـي يحـز بخاطـري ! .. لـيـه احاتـيـه ماهـوب يستاهـل شقـا وحرقـة اعصـاب ! الظن لامـن خـاب ! .. لاتقـول لـي : ليـه وش فايـدة ؟ .. تفهيمـك الظـن لاخــاب ؟ كنت احسبك ( بستـان ) محـدن يجـي فيـه واثـرك ( محـلٍ) ينبنـى فوقـه اطـنـاب امووووت ضامي ! .. واحضن ( الهم ) واخفيه ولا آرد ( المـا ) .. لاشربـت منـه كــلاب لـو كـل شـي بخاطـري ,, رحـت اسويـه وش عاد ابسـوي .. اذا خاطـري طـاب ؟! |
رد: لا حدني وقتي على شي مابيه .. اعز نفسي ومنة الناس بترآب يسلم ذوقك اخوي سلطان الشوق .. قصيده في منتهى الروعه .. تقبل مروري وتقييمي .. |
رد: لا حدني وقتي على شي مابيه .. اعز نفسي ومنة الناس بترآب الولـــــــــيد ي كتبت وغادرت.. وبقي المكانُ فارغاً الا من جميل ردك ورقي احساسك تركت أنامل نبضك بصمتها فأطربت مهجتي,, أسعدتني اطلالتك بانفاس نقيه كن يالجواردوماً أخي أمتناني بعطر الزهور ومشكور على التقييم |
رد: لا حدني وقتي على شي مابيه .. اعز نفسي ومنة الناس بترآب قصيـده فـي غـاية الجماااال ابدعت فـي اختيارهااااا الله يعطيك العافيــه |
رد: لا حدني وقتي على شي مابيه .. اعز نفسي ومنة الناس بترآب :\سلطــــان الشـــوق /: كما عودتنا دائمآ بختيارك العذب .. صح لسانك وعتلاا شـآنك .. من جد ابيات في قمه الروعه .. دآمن اردد منها كذا بيت على لساني اعجبني اختيارك ..لاتحرمنا جديدك..ودآمت ذائقتك العطره ..ودمت كما تحب .. |
| الساعة الآن 07:02 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..