| Abo Randa | 05-04-2010 01:43 AM |
رد: قصيدة المكياج
شكريات
الجمال جمال الروح
|
| سمو الاحساس | 05-04-2010 11:50 AM |
رد: قصيدة المكياج
ايو رندا
شرفتني بمرورك العطر |
| حامل المسك | 06-04-2010 11:52 PM |
رد: قصيدة المكياج
ابغي اشوفـك دون مكيـاج يكسيـك
وابغـي اشوفـك بالجمـال المحلـي
يعطيك العافيه |
رد: قصيدة المكياج
اقتباس:
اقتباس:
المشاركة الأصلية كتبت بواسطة سمو الاحساس
(المشاركة 591102)
صباح الخير مع القايله ولا اليوم برد
المهم هذي قصيدة واحد اللعب علية بالجمال المزيف بسبب المكياج
تعالوا اسمعوا وش قال
صح لسانه
والله انها اعجبتني بالحيل
يـا صانـع المكيـاج الله يجـازيـك
خليتني مخـدوع فـي شكـل خلـي
الله يحـرق مصنعـك مـع مبانيـك
والمعرض المـوجـود في بيكاديلي
ادعي عسى تعمى وتنشـل رجليـك
هـذا دعائـي دوم لا جيـت أصلـي
خليتني اركــض ورا البنت هاذيـك
واشوفها اجمل غـرام ٍ حصـل لـي
قلبي عشقها ياحبيبي توماتيك
وان شافها قلبـي يرحـب يهلـي
هي رحبت بـي وقالـت الله يحييـك
وقالت هلا باللي عشق zin شكلـي
وقالت انا اجمل بنت في اللي حواليك
شف حسني الاخاذ وروجي العسلّـي
طالعتها ثـم قلـت هالقلـب يبغيـك
ومن شاف حسنك خلى غيرك يولـي
ابغي اشوفـك دون مكيـاج يكسيـك
وابغـي اشوفـك بالجمـال المحلـي
قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـه لـك واراويـك
ذاك الجمـال اللـي لعينـك يسـلّـي
ويوم رجعت لي شربكتني الشرابيـك
وحسيت الارض تدور وانـا بمحلـي
الخد كنه ياحياتي سيراميـك
والوجه شارع مثـل شـارع حولـي
الوجـه كنـه بيـت كلـه شبابيـك
من هالحفر في وجـههـا اللـي يعلّـي
كلـه سبـب مكياجـك الله يــج ـآزيك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللـي تحـط مكيـاج خلهـا تولـي
|
| ههههههههههههههه ههههههههههههههه هههههه سلمت اناملك ياسمو وبعدين حرام عليك ما كل بمكياج بمكياج يمكن طاح في ام الهكي وهو ما درى وانخدع بمكياجها ...... وبصراحه الجمال اطبيعي حلو لاكن ان الله جميل يحب الجمال ...... |
| سمو الاحساس | 07-04-2010 12:08 PM |
رد: قصيدة المكياج
حامل المسك
سرني مرورك |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
HêĽм √ 3.1 BY: ! ωαнαм ! © 2010
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..
a.d - i.s.s.w
