اذكريني

قبل أسافر كنت جالس في زمان الانتظار * ارتشف هم المكان وكل همي حاجتين


كنت خايف من يباس وكنت خايف من خضار * كنت أخاف انك تجين وكنت خايف ماتجين


لين شفتك من ورا بيبان صالات المطار * مقبلة من كثر شوقك كنت أشوفك تركضين


مرة ركضك يمين ونظرة عيونك يسار * ومرة ركضك يسار ونظرة عيونك يمين


تايهة ماكنك ألا ظحكةً وسط إنكسار * ساكتة ما كنك ألا دمعةً فيها حنين


خايفة وجلة حزينة يعني كنتي باختصار * تشرحين لكل جاهل معنا كلمة عاشقين


بعدها جيتك ولدة عينك ودار الحوار* من كفوفي دمعتين ومن كفوفك دمعتين


كنت اصد وكنتي أنتي ثايرة مثل الشرار* ما على لتغة لسانك غير كلمة وين ,, وين


وأذكر أني رحت قبل ابدي لك أية اعتذار* رحت حتى قبل أطيب خاطرك في كلمتين


لكن أنتي عارفتني زين والي صار صار* سامحيني واذكريني قد مانتي تقدرين


اذكريني لنتهت للشمس رحلة مع نهار* واذكريني لا صحى لصبح ورد الياسمين


اذكريني لا لمحتي في ليالي البرد نار * واذكرني لا سمعتي للمطر صوت حزين


اذكريني واذكريني واذكريني باختصار * أذكري فهد المساعد قد مانتي تقدرين



فهد المساعد

[ فهد المسآعد ]

يصنع الدهشة بطريقة تجعلك قآدرٌ على تلمّس الشعر .. بل وحمله بين يديك !

دامت ذائقتك سمو الاحساس

بنت كول

شرفتي متصفحي

جمااال وروعة اخوي سمو

وخاصة نصف القصيدة الاخير

شاكر لك

تربوي

مرورك هو الاروع

لاعدمتك