مجالس الرويضة لكل العرب

آموت فيها .. وأهتويها .. الغاليه
االي غلاها .. حيل واصل حدّه !
حتى إذا لدّيت فيها .. الساميّه
أنسى عيوني بين خدّه و خدّه !!
اللي وطاها .. من سمو العاليه
ما للحسن فيها خصيم و ندّه
أهواه أكثر من جوليت لراميه
وآموت فيها .. وأعشقه وا ودّه
لا خالف الغربي طريقه .. ساليه
يمشي بدربه .. والمهب يردّه
يظهر عليها .. خصر منه ظاميه
وحيال ما هو بالحجاج تعدّه
و رمّان يزهي بالفيافي الخاليه
في طلع ثوبٍ ... المخوّر شدّّه
وينبت على الرمان كرزٍ ناميه
ما عاش من هو يعقبه و يكدّه
يعلمك رقص الغصون الباليه !!
لا شفت هالغربي يداعب قدّه
الغاليه .. المستبده .. الداميه
الراميه من رمشها .. والشدّه
اللي إذا ناظرت فيها .. الساميه
أنسى عيوني بين خدّه و خدّه
من جيت جنبه .. والمحاجر ساليه
آقول : يمكن يتلطف بيدّه
وأثره تركني .. للدموع الساميه
اللي أنزفت لأجله .. بليّا ردّه
اللي بنظرها .. مرتشيّه ... حاليه
الموت يطلب رحمته من خده
ومن وقتها .. لا من طرولي الساميه
ألعن أبو أم الغرام ... وجدّه

حمدان المحرمي

مماراق لي