النجاشيه تصارع الزمن !!! بسم الله الرحمن الرحيم السلام عليكم ورحمه الله وبركاته با لامس القريب كنت انا واحد الاحبه في جوله على وادي ابا العبلان ( شمال الرويضه 3 ك ) ومن ضمن المشاهد التى رائيناها هذه البئر المصممه تصميم هندسي دقيق جداً وبصراحه ملفت للنظر حيث انها تحتوي على درج من جهت الشمال ودرج اخر من جهه الجنوب وكل درجه تتكون من 10 زلفات ورتفاعها 5م وموقعها في منتصف الوادي بالظبط بمعنى انها تصارع السيول ( وقال لي هذه نسميها النجاشيه وعمرها تجاوز 45 عام ) ومن ضمن ما اخبرني به ان اهل النخيل واهل ابالعبلان مايشربون الامنها لعذوبه ماها وينقلون الماء سيراً على الاقدام وكانوا يسحبون المويه بالحبال قبل ما تارد المكاين ملاحظه لايوجد بها ماء حالياً اخذت لها صورتين من جوالي المتواضع http://up.arab-x.com/Mar10/AnX16969.jpg http://up.arab-x.com/Mar10/QcW16969.jpg اكثركم يعرفها اكثر مني ولكن حبيت ان الي مابعد شافها ياخذ فكره عنها معذره على سوء التصوير |
رد: النجاشيه تصارع الزمن !!! السلام عليكم... ماشاء الله عليك يالبتار اثرك راعي تصووير وحركات ولا تعلمنا. ههههههههههههههه شف هي هالحين لو يمشي شعيبها ويرتفع منسوب ماها مافية امل احد يروي منها لو للبهايم , لأني مرة حولت وسطها ويوم جيت في نصها الا يوم طلع علي ريحة كررريهة , صار اسفلها فطيس وزبايل , كل من جى ومعه زبالة نطلها في وسطها , غير ذلك فيها بوومة لها اكثر من 5 سنين , لاهيب اللي ماتت ولاهيب اللي خلتها ههههههههههه يعطيك الف عافية على ماقدمت.. واحلى تقييم |
رد: النجاشيه تصارع الزمن !!! الله لا يهينك اخي معلم من معالم الرويضة ليتك وضحت لنا سبب تسميتها بالنجاشية او سبب حفرها في هذا المكان بالذات بارك الله فيك وفي تواجدك المفيد |
رد: النجاشيه تصارع الزمن !!! حياك الله اخي بقايا جروووح القليب مليانه حمام سوادي ونت رجال راعي صيد لاتفوتك بعدين رحنا لين ماردنا الاقمعه ماشفتها من 8 سنوات من ايام ( شوكت) |
رد: النجاشيه تصارع الزمن !!! حياك الله ابونواف نفس تسائلك هذا دار في بالي ولكن للاسف سالت عنها وماطلعت بنتيجه شاكر ومقدر مرورك |
رد: النجاشيه تصارع الزمن !!! أخوي ممكن توضح وين مكانها عشان احنا بنجي للرويضه اليوم عند جداني في خاطري أزورها بكره. |
رد: النجاشيه تصارع الزمن !!! البتااااار والله من راس حمامة قرطته على جالها الله ايااااااااااااا اام راحت |
رد: النجاشيه تصارع الزمن !!! كبرتني همومي الله يحييكم راح تنور الرويضه بوجودكم بالنسبه للموقع تطلعِ من الرويضه على خط عرى 3ك بالضبط تكون على يمينك تحت الظلع الاسود تشوفها ونت على الزفلت مره اخرى حياكم الله في الرويضه |
رد: النجاشيه تصارع الزمن !!! تصـوير رائــع وشي جميل منك ربي يعطيك العافيــه .. |
رد: النجاشيه تصارع الزمن !!! كفو ولله يا سموالاحساس من عوايدك الصيد ولفيد ان شاء الله ترجع الايام الجميله شاكر ومقدر مرورك |
رد: النجاشيه تصارع الزمن !!! الفجر البعيد مجامله لطيفه منكِ حياكِ الله وشاكر ومقدر مروركِ |
رد: النجاشيه تصارع الزمن !!! بارك الله فيك على الصور |
رد: النجاشيه تصارع الزمن !!! حياك الله امير السهول لاهنت على المرور |
رد: النجاشيه تصارع الزمن !!! يعطيك العافيه اخي البتار وياليت الي يعرف اكثر يفيدنا بمعلومات عنها لاهنت اخوي على مجهودك |
رد: النجاشيه تصارع الزمن !!! اول مره ادري عنها والله ْ الله لا يهينك - بسئل عنها وعن سبب التسميه تجاوب مع ابو نواف واحيا لاحد المعالم } شكرا لك اخوي البتار ْ} وحياك ومنور الديره ْ :nabd: |
رد: النجاشيه تصارع الزمن !!! حياك الله اخي سلطان الشوق ان شاء الله نجد من يفيدنا جميعاً لاهنت على المرور |
رد: النجاشيه تصارع الزمن !!! حفيد مجمش لاهنت يالغالي ان شاء الله نلقى من يفيدنا ** |
رد: النجاشيه تصارع الزمن !!! النجشية شرا ابن حنيف مزرعة عندها وحط عليها شبك حتى اللي يجلسون في الوادي يجيهم وش عندكم لاعاد تجلسون هنا |
رد: النجاشيه تصارع الزمن !!! الظهران حيـــــــــــــ ــــــاك اللـــــــــه الشكوى على الله |
رد: النجاشيه تصارع الزمن !!! مرااااااااااااا ااحب للجميع البتار الله يسلمك وش طرى عليك بالنجاشيه الصراحه ذكرتني بايامن مضت الله المستعان الحين ماحدن عرف ليش سميت بالنجاشيه ؟؟ حتى انت يابو نواف يعنني مابعد سألت اهلك عنها خخخخخ انا وراني داخلتن حاميه سبب تسميتها لان المقاول اللي بناها اسمه النجاشي من اهل الدوادمي فسميت باسمه جعله يسلم فعلن انه يوم بنى بنى .. بدي اوضح شغله قالها احد الاعضاء ان صاحب المزرعه شابك عليها وانا اقول شوف الصوره زين اعتقد انها عمدان بدون شبك وبعدين من حقه يسال عن اي شخص يتخطى حدود املاكه والا انت لو احد يدخل داخل بيتك بدون اذن منتب ساله وش عندك ؟؟ شاكره لكم واسمحولي صحيتوني من سباتي .. استودعكم الله |
رد: النجاشيه تصارع الزمن !!! النمله المتمرده حياكِ الله وشاكرين ومقدرين لكِ الافاده الجميله وللمعلوميه هي ليست ملك لاحد حكوميه وتقع في منتصف الوادي ومجرى السيل لايملك ابداً اما الشخص الي وضع عليها الشبك مخطي واعتدا على مالا يملك |
رد: النجاشيه تصارع الزمن !!! مرحبا النملة المتمردةالنجاشي ة في الوادي والوادي ليس ملك احد وحنا ما تكلمنا في بيتة |
رد: النجاشيه تصارع الزمن !!! اشكر الجميع على المرور ولاضافات الهادفه |
رد: النجاشيه تصارع الزمن !!! يعطيك العافيه اخوي البتار التصوير واضح ولا تهون |
رد: النجاشيه تصارع الزمن !!! يعطيك العافيه اول مره ادري عنها |
رد: النجاشيه تصارع الزمن !!! الله الله يازمن ذكرتوني طفولتي قد رحت لها على رجليني من زمان ماشفتها نفسي اشوفها |
رد: النجاشيه تصارع الزمن !!! الله النجاشية بعد موجودة الى هالحين الله وكبر |
رد: النجاشيه تصارع الزمن !!! شاكر لكم المرور ويعطيـــكم العافيه |
الساعة الآن 03:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..