|
صدتي وحده ولا فالصد ثاني // وانشد اجناب العرب وانشد ربوعي .. ~ بسم الله الرحمن الرحيم . آبياتـ قرأتها ونـآلت اعجـآبي وحبيت انقلها لكم . ان شالله تروق لكم :) مع انها طويله بس موب مني من الشاعر:مرزوق العتيبي .. :: http://www.shababonaizah.com/images/...1195975150.gif :: لا تحاول بي على الفرقـا ترانـي ما حزمت ألاّ على قلبي ضلوعي وان حداني فيك منك اللي حداني والله لتبطي ولا طالك رجوعي صدتي وحده ولا فالصد ثاني وانشد اجناب العرب وانشد ربوعي عنفواني صد صدي عنفواني ورجعتي ما تشبه ألاّ حب كوعي يعني ان قفيت ما اسمع من دعاني لو ينادي ما وصل صوته سموعي شرهتي فالعين ماهي فالاذاني لا تشبعني كلام ان شفت جوعي عشّني عينك او اتركني عشاني ما تعودت اتعشّا من خضوعي من هدمني في عيونه ما بناني ومن بناني له عليّ اهديه طوعي ما يحركني قليل ولا دهاني والكثير يجيب كمّي قبل نوعي والسفر له مركبي قبل المواني والحياه اسفار وطبوعي طبوعي وان خسرتك ما خسرت اغلى خواني وان ذرفتك ما ذرفتك من دموعي دام ما مكّنك ربي فالمحاني ما عليْ اخلاف ومواصل طلوعي ما خذاني منك شئ ولا عطاني جيت في سبتي وغادرت إبْ ربوعي يا مقهويني جفاك اسمع كفاني كف رسلانك وانا برفع قدوعي مودماني وألف غيرك مودماني والوصال اكبر خساره فالقطوعي كان منت الشمع ماني شمعداني وكان صرت الشمعدان اضوي شموعي وان نويت البعد والفرقا تراني ما حزمت ألاّ على قلبي ضلوعي وان حداني فيك منك اللي حداني والله لتبطي ولا طالك رجوعي :: ممـأ رأق ليـ كنق الفياض |
رد: صدتي وحده ولا فالصد ثاني // وانشد اجناب العرب وانشد ربوعي .. ~ كنق الفياض ومزيد من الإبداع كلمات تأبى الخضوع والتنازل ذآئقه رآئعه يعطيك العافيه |
رد: صدتي وحده ولا فالصد ثاني // وانشد اجناب العرب وانشد ربوعي .. ~ كنق الله الله عليك اذا اهتويت الابداع تبدع بقووه لاهنت ننتظر ابداعاتك القادمة بالاختيارات |
رد: صدتي وحده ولا فالصد ثاني // وانشد اجناب العرب وانشد ربوعي .. ~ صـــح لسانــك ولسان الشاعر مرزوق وسلمــت يمينك ع النقــل الرائـــع لاتحرمنــا تميز ذائقتــك الشعريه تحـــــاتي لكــ |
رد: صدتي وحده ولا فالصد ثاني // وانشد اجناب العرب وانشد ربوعي .. ~ ممتاز جداً كلمات مصاغه بماء الذهب شكراً |
| الساعة الآن 02:46 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..