مجالس الرويضة لكل العرب

أحبكـ من هنا لاخر محطـات الغـلا لهنـاك
أحبكـ كثر ما يهوى رضيع الصـدر غفوآتـه
أحبكـ يابعد كـل الحـروف وعلّهـا تفـداك
أحبكـ يابعـد بيـت القصيـد وكـل غايآتـه
أحبكـ يابعد عمرٍ قضى منـي علـى ذكـراك
أحبكـ يابعـد مـن داج بالدنيـا بخطوآتـه
أحبكـ يادفى برد السنين اليا غفـت بحمـاك
أحبكـ يا امل عمـر الوحيـد ويابعـد ذآتـه
أحبكـ يابعد قلبٍ نزف كـل الغـلا لرضـاك
أحبكـ يابعـد كـل العيـون ونـزف دمعآتـه
أحبكـ كثر ماتبرى جـروحٍ لامسـت يمنـاك
أحبكـ كثر مـا يلجـا فقيـر الحـال لسكآتـه
أحبكـ بس لو تعرف وش اللي بالحشا ينخاك
وربي لو كشفت اللي بقلبي!!مـت لرضآتـه
أنا وشلون ابين لك غلاك ولهفتـي للقـاك
انا وشلون اعبر لك عن اللـي بيـن طيآتـه
أنا لو قلت لك ببعد وابرحل وانتحي وانساك
لسانـي واعرفـه لازّل ياشيّنـه بـزلاّتـه
تعال ارجوك شفني من رحلّت وعبرتي تنعاك
تعال وظمنـي ياحـي ذا الطـاري وظمآتـه
تعال وداوني ,,واللي خلقني يالدواء بشفاك
يقولون الجمر طب المريـض بحـر كيآتـه
تعال وخل عنك الصد والهجران مايزهـاك
حلاتك توصـل اللـي يـم دارك زاد جيآتـه
أنا والليل وابيات القصايد في امـل لقيـاك
اقول الشعر والليـل الحزيـن يعـدّ نجمآتـه
أماني عاشت بصدري اغاني داخلي تهـواك
تموت ان غبت وان رديت عاش الليل وابيآته
أنا مقدر على بعدك على صدك على فرقـاك
يموت بغيبتك قلبٍ نزف لـك حـر حسرآتـه
دخيل الصبح في وجهك دخيل الليل لا غطّاك
دخيل الرمش لاسيّـر علـى خـدك بسجآتـه
دخيل الجمر والسكردخيل البلسـم الفتّـاك
دخيل اللـي تثنّـى ليـن عذبنـي برقصآتـه
أمانه ترحم اللي شاف منّك صدتك وجفـاك
دخيلـك تدمـح الزلـه وغلطآتـه وهفوآتـه
أحبكـ من هنا لاخر هنا لاخـر هنـا لهنـاك
أحبكـ لعنبو حـي الرضيـع وحلـو غفوآتـه

عايد الشمري