|
الوقت مهما صفا كذاب ل محمد بن قطنان يقولون ليّ : الوقت , مهما صفـا كـذاب وانا اقـول كـذاب(ن) وستيـن كذّابـي تزاقل فروحـي ياجماعـه بليّـا اسبـاب وانا باسط(ن) يمنـاي ومسيّـل حسابـي اكابد صدوف الوقت وتعلّـق الاعصـاب واعيش الليال السود مشدود الاعصابـي وايلامن غفت عيني , تهاوت عليّ اسراب خذاريف ليل(ن)تطّبـخ فـوق مشهابـي لو اقدّم الشكوى علـى مجلـس النـواب قعد مجلس النـوّاب مـن غيـر نّوابـي ولو وصّلوني غصـب للكاهـن النهّـاب سمر يفرك كفوفه على افـواه الاكوابـي شكاوي كثيره في كنيـن الحشـا كـرّاب تسلطن على انفاس(ن) شكت ثقل الاتعابي ولكن شكى روحي على الواحـد التـواب جزيـل العطايـا غافـر الذنـب ثوّابـي توارى حلـوم العمـر وتولّـع الانشـاب وقايع(حظيظ(ن)) جت معه بعض الانشابي مع واحد(ن) من شان ربه يزيـد نصـاب اجل ياجماعه كيف لـو كـان نصّابـي؟ حدوني على مشي المقيّـد وانـا وثّـاب دروب السماحـه قيّـدت رجـل وثّابـي وانا واحد(ن) واضح وعندي كثير اسباب نواياي تاضـح بيـن جفنـيّ واهدابـي ادوّر على الجزله واشرّف لهـا المرقـاب ولو كنت اشيـل الهـم يزهـاه ترحابـي ولانيب حيال(ن) ولا العب بضحك النـاب واحب النشاما واكـره رهـاف الانيابـي احاور صغيـر السـن واوقّـر الشيـاب واغظّ النظر وارفع شبـوح(ن) تعزوابـي افتّـل اشنابـي والليالـي لهـا اشنـاب اخطّط وهي ترسم علـى صفحـة كتابـي وانا وين قبل العام ؟ والعام انا منصـاب! وانا وين انا قبل امس؟ واليوم منصابـي اعايش هواجيسي كما عنصـر الارهـاب اصوّب على نفسـي والـوّح بمشعابـي والا ياهلي : لاتحسبـون الجفـا غـلاب ولاترخصـون الحـي لاصـار بغيابـي!! |
رد: الوقت مهما صفا كذاب ل محمد بن قطنان يقولون ليّ : الوقت , مهما صفـا كـذاب = وانا اقـول كـذاب(ن) وستيـن كذّابـي صح لسانك ولسانه |
رد: الوقت مهما صفا كذاب ل محمد بن قطنان ولانيب حيال(ن) ولا العب بضحك النـاب واحب النشاما واكـره رهـاف الانيابـي احاور صغيـر السـن واوقّـر الشيـاب واغظّ النظر وارفع شبـوح(ن) تعزوابـي كلمات في متهى الروعه وليس بغريب عليك جلب ماهو اروع كن كما عودتنا عليه استاذي ونحن من المتابعين لكل ماهو جديد |
رد: الوقت مهما صفا كذاب ل محمد بن قطنان اقتباس:
ابدااااااع في ابداااااع قصيدة تعبر عن نفسها وفيها من المعاني الشي الكثيييير كيف لا وهي من قصايد الخرااافي... كل الشكريات سلطان... |
رد: الوقت مهما صفا كذاب ل محمد بن قطنان عازف صح بدنك أخوي,, حضورك كـ شمس تحتاجه الامكنه شُكراً لسفنك التي رست على ضِفَافِ موانئي .. لحروفك النديه كانت بصمه هنا كن بالجواردوماً ودي ووردي |
| الساعة الآن 06:50 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..