مرثية للشاعر سيف بن محمد السهلي السلام عليكم ورحمة الله وبركاته هذه مرثية سيف بن محمد السهلي في اخيه ورفيق عمره و فقيد الرويضة محمد بن عبدالله السهلي الذي وافته المنية يوم السبت الموافق 29/1/1428 هـ اثر حادث مروري . رحمه الله واسكنه فسيح جناته
يالله يــارب المخـالـيـق يالله = رحمتك يالمولى عزيـز الجلالـي ارحم محمد واجعل الخلـد مثـواه =أمين يا منشـي غزيـر الخيالـي وتقبلـه بالعفـو واغفـر خطايـاه = واوسع عليه القبر مع كـل جالـي ومن الجحيم وفتنة القبـر تحمـاه = ومن رحمتك تضفي عليه الظلالـي انت الإله المعتلـي وانـت مـولاه = عطفك ولطفك يا مجيب السؤالـي والموت حق وكل نفس (ن) تحـراه = ونهايـة الدنيـا تراهـا الزوالـي ورفيق عمري غيبت بـه منايـاه = لا والله الا فرقتـنـا اللـيـالـي اقفـى مـن الدنيـا وحنـا بنقفـاه = عزي لمن مثلي فقد شوف غالـي ماعاد لي من شوفته غيـر ذكـراه = يهرج معي ويمرني فـي خيالـي متصور(ن) لي يا عرب كيف بانساه = لانيب لا دالـه ولا نيـب سالـي على الوفا والطيب والحـب مبـداه = رفقة شرف ماهيب رفقـة هزالـي مخلص معي بالفعل والسر ينصـاه = صندوق للأسـرار مالـه مثالـي وفي غيبتي لا غبت ما زاد بحكـاه = في شذبة العرقوب ما لـه مجالـي أبكي عليه بصدق ماهـي مـراواه = لا ذقت لا راحة ولا ارتاح بالـي شي(ن) بصدري ما قدرت اتحاشاه = يالله يا المعبـود تلطـف بحالـي يا كبر مقداره ويـا كبـر فرقـاه = السبت بعد الظهر شـد الرحالـي ذقت الفراق اللي سمعنـا بطريـاه = مؤمن على رب العروش اتكالـي والله ثــــــم والله والله والله = إنه علـى قلبـي يسـاوي عيالـي لكن حكم الله على الخلق وامضـاه = عمره كتبـه الله ولا لـه محالـي راضين بالمكتوب شـره وحسنـاه = وإيمانـا بالله عزيـز الجـلالـي الشاعر سيف بن محمد السهلي الرويضة بالعرض الاحد 7/2/1428 هـ |
رد: مرثية للشاعر سيف بن محمد السهلي تغمد الله الفقيد بواسع رحمته وصح لسان الشاعر سيف بن محمد ويعطيك العافيه أخوي ابونواف على أطلاعنا على المرثية دمت بخير |
رد: مرثية للشاعر سيف بن محمد السهلي نسأل الله ان يغفر للفقيد وان يرحمه فهو فقيد الجميع ولكن هذا قضاء الله وقدره ونشكر الشاعر سيف السهلي على هذه المرثية الجميلة والتي تبين مدى الحب والعلاقة التي كانت تربطه بالفقيد ,,,, |
رد: مرثية للشاعر سيف بن محمد السهلي اقتباس:
السيف كل الشكر لك على مرورك الله يرحمه ويغفر له ويغمد روحه الجنة |
رد: مرثية للشاعر سيف بن محمد السهلي اقتباس:
الطيب شاعرنا ابو محمد تربطه صلة قرابة مع المرحوم قبل ان يصير صديق مشكور الطيب على مرورك |
رد: مرثية للشاعر سيف بن محمد السهلي الله يغفر لمحمد الغطاس ويرحمه ويسكنه الجنة,,, وصح لسان شاعرنا الكبير أبو محمد,,,, ومشكور يابو نواف على إتحافنا بهذه المرثية,,, |
رد: مرثية للشاعر سيف بن محمد السهلي الله يرحمه ويغفرله وصح لسان الشاعر سيف بن محمد ولاهنت ابو نواف على المر ثيه |
رد: مرثية للشاعر سيف بن محمد السهلي ابو ندى نيابة عن ابو محمد اشكرك على مرورك يالغالي |
رد: مرثية للشاعر سيف بن محمد السهلي تركي شكرا لمرورك يالغالي لا خلا ولا عدم |
رد: مرثية للشاعر سيف بن محمد السهلي والله ثــــــــــــــ ــــــــــم والله والله والله إنـــه عـلــى قـلـبـي يـســاوي عـيـالـي نعم ابو محمد الشخص عزيز عليك كل العز وهوا شخص قريب من الناس كلهم ومحبوب من المجتمع كله رحمك الله يا ابارهف والله ان الشخص عزيز علي كل العز والحمد لله |
رد: مرثية للشاعر سيف بن محمد السهلي رحم الله فقيدنا جميعا و اسكنه الفردوس الاعلى من الجنه و جمعنا به في دار كرامته انه جواد كريم صح لسانك يابو محمد و عظم الله اجرك و الشكر موصول لك ابو نواف على اخراج هذه الرائعة و نقلها لنا |
رد: مرثية للشاعر سيف بن محمد السهلي الوسمي عبدالله بن فيصل لا هنتوا على مروركم الكريم |
رد: مرثية للشاعر سيف بن محمد السهلي الله يرحمه ويغفر له ولجميع موتى المسلمين |
رد: مرثية للشاعر سيف بن محمد السهلي الله يرحمه ويسكنه فسيح جناته والله يعوض ابومحمد برفيق مثل رفقة ابورهف رحمة الله عليه ولاهنت يابونواف |
رد: مرثية للشاعر سيف بن محمد السهلي محمد بن تركي عبدالله الضويحي الله لا يهينكم على مروركم الكريم |
الساعة الآن 10:09 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..