|
عشرات المطبات في شوارع الرويضة بسم الله الرحمن الرحيم السلام عليكم ورحمة الله وبركاته نعم بين يوم وليلة اصبحنا على عشرات المطبات في شوارع الرويضة والدخل المحدود واعتقد بان معظم هذه المطبات وضع بدون تخطيط اي عشوائي ياناس يا هوه ... المدن تتطور بالدوارات وبالاشارات الذكية والرويضة تنحدر وراء هذه المطبات العشوائية من المسؤل وراء هذه المطبات الشرطة // البلدية // الامارة .... اعتقد انة قرار ليس محله ... مدينة المطبات اين دوار طريق عروى اين دوار مدخل الدخل المحدود بدلا من هذة المطبات http://www.rwwwr.com/upload//uploads...754541fc73.jpg http://www.rwwwr.com/upload//uploads...883e6ddd52.jpg http://www.rwwwr.com/upload//uploads...dd8479cc6d.jpg http://www.rwwwr.com/upload//uploads...976b99d207.jpg ننتظر ارائكم وردودكم |
رد: عشرات المطبات في شوارع الرويضة والله يابو رنـآآ اعــتقد مافيهاا شئ بحد من السرعه في الــشوارع وشئ احسن من لآ شئ |
رد: عشرات المطبات في شوارع الرويضة الله يجزى من سواها بالخير... والله ياقبل ماتجي ان الشوارع تقول فرملا ون << صح الاسم؟ ولا راليات.., انواع السرعة والتهور , بعدين فية ناس واجد يطلعون من بيوتهم في اوقات الصلوات للمسجد ويقطعوون شارع المربع وانت خابر وش يجي فية من السرعه , يسبب علاهم خطر , صح اني البارح كليت واحد على السرعة ولا دريت عنه وفقع علي مساعدات الموتر بس انها ممتازة , وياليت اللي طالب فيها يطالب انهم يحطوونها على خط عروى عند الركن وعند كبري الشرطة .. شكرياتي لك |
رد: عشرات المطبات في شوارع الرويضة ابو رنا عمل تشكر علية البلدية ياخي فية ناس متهورين سرعة بجنون وتفحيط ياليتني لاقيهم كان اخليهم يحطون عند بابي واحد |
رد: عشرات المطبات في شوارع الرويضة صح عمل يشكر عليه بس بالمعقوووول ... تحصل ميزانيه علي هالمطبات لو يستفدون بشي اهم مو احسن يمكن عشان حادث السبيعي الله يرحمه رأفت قلوبهم شووووي وسكتونا بالمطبات تشكرات ابورنا |
رد: عشرات المطبات في شوارع الرويضة لاتنسى انها ما وضعت الا بعد وفاة الشيخ السبيعي رحمة الله عليه ْ شكرا ابو رنا وانا وياك بنفتح ورشه لصيانة السيارات !! :nabd: |
رد: عشرات المطبات في شوارع الرويضة أنا معاك ان المطبات ما هي بزينة بس مع التهورين و الذين لا يحسبون حساب أرواح البشر أعتقد إنها وسيلة لتحجيمهم و الذي يخشى على سيارته و أرواح الناس يمشي ببطء ويتقي الله في نفسه وماله و الناس الذين يمشون على أقدامهم وايضا حق الطريق بالنسبة لغيره من قائدي السيارات |
رد: عشرات المطبات في شوارع الرويضة تبي الصرااااااااااح ه لونهم حاطين إشاااارات انه ابرك وازين لونك حاط الموضوع مئات المطبات |
رد: عشرات المطبات في شوارع الرويضة جزاهم الله خير فكونا من التفحيط والسرعه .. بس فيه مطبات كنها جدار ما عرفو يرصونها .. عمل يشكرون عليه المطبات عند الاماكن العامه مثل الحديقه والمدرسه المربع صاير كنه سباق رالي بارك الله فيهم وسدد خطاهم .. |
رد: عشرات المطبات في شوارع الرويضة ما حطوها إلا بعد ما راح ضحايا حوادث ودهس وفقد أرواح عموماً الشكر لك أبو رنا |
رد: عشرات المطبات في شوارع الرويضة ياخي امحق مطبقات قسم بالله مطبات تقول جرف بعدين شكلهم قايسينها على جيوب ودداسن عندك بعض المواتر تكون واطيه يعني بتحك والله اليوم مغير عندك عندك وهذي والموتر موب محمل اجل لو محمل وش بيسوي ؟؟ يعطيك العافيه على هالتقرير:) |
رد: عشرات المطبات في شوارع الرويضة الأخ أبو رنا أشكر لك هذا التفاعل لكن المطبات ضرورة لابد منها لكبح جماح المتهورين في القيادة ويعدين تبي في كل تقاطع دوار !!!!!!!!! ربعك مالتزموا بالإشارات بتردهم الدوارات |
رد: عشرات المطبات في شوارع الرويضة العمل يشكرون عليه وجزاهم الله خير بس المطبات صايره كنها ناي ,, \ اتوقع الجيب يحك فيها .. لو المطبات معقوله ما قلنا شي بس صايره كنها ناي هنا الاعتراض لعبو في حسبة المواتر .. |
رد: عشرات المطبات في شوارع الرويضة ابو رنا اشكرك على هذا الطرح.... ولكن وانا اخوك والله عندك شباب مايردهم الا ذا المطاب والمشكله اذا شفت الي يسوق لقيته مايوصل ركبتك وتوه طايح في السياقه فلا تلومهم اذا حطو هذي المطاب واكبر دليل الحادث الي عند المستشفى وهذا سببه السرعه الزايده . وانا ودي انهم يقولون ان الرويضة مدينة المطبات ولا يحصلي حادث بسبب واحد مسرع او يحصل لاحد من اخوانا. وتقبل مرووووووري |
رد: عشرات المطبات في شوارع الرويضة لو كملوها وحطو دوارات كان افضل لانهم ان وضعو اشارات بيقطعونها الشباب والدوريات ما شاء الله عليهم ( ماحولك احد ) لكن الموجود يفي بالغرض <<الي فيه خير يسرع هههههه اشكرك اخوي ابو رنا |
رد: عشرات المطبات في شوارع الرويضة المطبات الصناعيه افضل من لا شي .. |
رد: عشرات المطبات في شوارع الرويضة لحد يبالغ ويقوول المطبات رفيعة ولا بيحك فيها الموتر ؟’ المطبات ممتازة قياسا على السيارات الصغيرة...واماك نها ممتازة ونطالب بالمزيد منهاوفي جميع الاماكن الخطرة والتقاطعات الخالية من الاشارات... |
رد: عشرات المطبات في شوارع الرويضة االله يجزاء بالخير من حطها خلها تمسك المصارية الصبح معاد اللى يطيرون من السرعة عشان النقل |
رد: عشرات المطبات في شوارع الرويضة الله يجزى من حطها بالخييير |
رد: عشرات المطبات في شوارع الرويضة بصراااحه احس ان المطبات شي اساسي في الشوااارع على الاقل تحد من سرعة هالمتهورين بارك الله في جهوووودهم |
رد: عشرات المطبات في شوارع الرويضة الله يزيد ويبارك والله يجزى القائمين عليها كل خير |
رد: عشرات المطبات في شوارع الرويضة شـكــ وبارك الله فيك ـــرا لك ... لك مني أجمل تحية . أولا ماتلاحظون أن المصور في الصوره 2 عاكس الطريق عشان يصور قل بس وين الشرطه عنه |
رد: عشرات المطبات في شوارع الرويضة إذا كان على السرعه وتفحيط اعتقد فيه شي اسم شرطه مو ربع يدور لحاله في الرويضه والمحدود وشكرا |
رد: عشرات المطبات في شوارع الرويضة والله انه احسن ماسوو هذا المفروض والله من زمان عشان المطفق يهدون السرعه غصب مشكووووووور عالموضوع قصدي عالخبريه |
رد: عشرات المطبات في شوارع الرويضة والله ماقصرو أغلب الشباب في الرويضه شغالين تفحيط عند كل منعطف غير مبالين بالماره ولا مشاعر السكان أزعاج ليل نهار الله يهديهم |
رد: عشرات المطبات في شوارع الرويضة الله يعطيك العافيه أبورنا |
| الساعة الآن 06:49 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..