صباح الخير يسعد لي صباحك يابروق الخير=وجه الخير يسعد لي صباحك والمسا كله
تحيه غير لجل انك بعيني غير كل الغير=ولا بالغت لو قلت انت في هالناس مامثله
هلا ياللي بشوفتها اردد هالحياه ابخير = واقول ابقلب صادق لاحرم خلٍ لقا خله
هلا ياللي بشوفتها تعاود هالحياه السير =واشوف الكون حي وزقزقات الفجر والطله
هلا ياللي سنا وجهه لطيف ونور شمس اعصير =كذا لله اذا شفته بودك تمنحه قبله
اميره تمتطي موكب من الأجلال والتقدير =ويسبقها ندا تحذير خافي يمنع الزله
بقامتها شموخ اللي يمثل فارس التحرير =بنوا له نصب تذكاري ويوحي بالأمل شكله
بشوفتها تحس انك كذا عاجز عن التفكير = تجتاحك مشاعرها كما برق ٍ لمع غفله
بحضرتها تعيش ابجو انساني يحب الخير = ومن باب الدعابه تمنحك احساس بالفله
ومن واقع حضور المبدع اللي يحسن التصوير = تخليك ابذهول اللي سكر من نشوة الحفله
ومن رقة انوثتها تنادي فيك مبدا الزير = ومن فتنة ملامحها تخيـّل ليلة الدخله
تحس ابها درت بك ثم تندم تنوي التكفير= عن افكارك بحضرتها وتصرخ ليه والزله
هذيك اللي كرم منها خذت مني كثير اكثير = وصحّت بي ضميري اللي ينادي رحمتك يالله