|
مشكلة الردود بسم الله الرحمن الرحيم السلام عليكم ورحمة الله وبركاته موضوعنا اليوم كثير مايطرح فالمنتديات وايضاً يطرح في منتدانا هي مشكله فحبيت اجيبها هينا واتكلم عنها وابي منكم الأسباب والعلاج لهذي المشكله جبتها هينا عشان تتكلمون بجديه وتناقشوني فيها ^_^ المشكله ومافيها: قراءة الموضوع والخروج منه من دون رد صدمه انك تشوف الزوار تجاوزوا الـ 30 زائر والردود ماتتدعى الـ 0 صحيح لكل انسان ذوق خاص فيه يعني الأكثريه بيكون عذرهم انو الموضوع ما اعجبني وعشان كذا طلعت من دون رد طيب حط نفسك بمكان الكاتب اللي انت دخلت على موضوعه وطلعت من دون رد لا تقول عادي ومايهمني بالعكس كلنا نحب التشجيع من القراء عشان ننجز اكثر واكثر انا ما اجبركم على الردود انا اطلب منكم تذكرون الأسباب اللي تخليكم تطلعون من دون رد او تخليكم تردون رد باهت بالنسبه لي انا إذا كنت فاضيه مسكت المواضيع وقريتها كلها احياناً اقرأها واتوقع انها ماراح تعجبني بس إذا استمريت فالقراءه لقيت انو متوسط المواضيع يحتوي على اشياء مهمه وبكذا انجبر على الرد والتكلم فالموضوع اما بالنسبه للمواضيع اللي ادخل واطلع مارديت عليها ممكن ان يكون مضمونها اكبر من مستواي العقلي يعني يكون فيها اشياء مافهمتها فأطلع مارديت عليها يعني مو مسألة انها ماتعجبني |
رد: مشكلة الردود ثاني شي الردود الباهته كلنا انا وانتي وهو .. احياناً نكتفي بكلمة يعطيك العافيه ونطلع وندخل الموضوع الثاني يعطيك العافيه ونطلع والسبب انا مستعجلين طيب إذا شفنا العضو مجتهد بالمره وينزل مواضيع مهمه مايستاهل انا نشكره لجهودهـ؟؟ بالنسبه لي اقول انه يستاهل حتى لو ما اعجبك الموضوع مو لازم تتكلم عن الموضوع تكلم عن مجهوده واشكره عليه وبكذا ترضيهم وتعطيهم قليل من اللي يستحقونه.. الخلاصه: هالكلام هذا كله مني انا وهو اللي في خاطري انا وابي اقوله وقلته ممكن ما يلاقي قبول عند البعض بس الحين ابي منكم انتم ياللي قريتوا تتكلمون عن هالمشكله من وجهة نظركم وابي اعرف حتى لو توقعاتكم عن اسبابها وابي منكم تعطوني حل لها |
رد: مشكلة الردود اهلا واهلين... والله انا بقول لكم الصدق..ولانيب مجامل.. اول شي اشوف اللي منزل الموضوع..انكانة مستمر في المنتدى وحضورة بإستمرار ارد علية لو ان الموضوع بايخ.., واللي يعجبني من المواضيع اقيمة على طوول بغض النظر عن صاحبة لو انه عدووي.. فبعض المواضيع تجبرني على الرد والنقاش فيها والرجوع لها اكثر من 5 مرات , وبعضها اذا قريت منه سطرين انسدت نفسي من الموضوع وطلعت على طوول... وشكرا... |
رد: مشكلة الردود السلام عليكم.. وبالنسبة لـ ( يعطيك العافية , ومشكور , تقبل مروري ) هذي من الأسباب اللي تخلي العضو ماعاد ينزل مواضيع ولا يكتب شي , لأن لو تلاحظ بعض الاعضاء ينسخ الجملة اللي بيشكر فيها صاحب الموضوع ويمشي بها على خمسة او ستة مواضيع في القسم.!! واذا شاف صاحب الموضوع هالطريقة المنسووخة بيحس بنقص في موضوعه.!! فلذلك انا ارى ان الافضل عدم الرد من قِبل صاحب الموضوع على اللي ( يسلكون له ) في ردودهم ويكتبون يعطيك العافية و.....الخ وسلامتك |
رد: مشكلة الردود كل واحد له طريقته في الرد منهم يقول شكراً ويعطيك العافية وهذا أفضل من (الذي لايرد أصلاً وهو موضوع مشكلتنا) وجزاه الله خير انه عبر ودخل وتصفح الموضوع..المهم يستفيد من الموضوع هذا الهدف في اعضاء عندهم كم هائل من المفردات والمناقشة وهذي هبة من الله وإالا فله أسبابه اللي خلته مايرد!!ماهي؟؟ ولي عوده تقبلِ مروري. |
| الساعة الآن 03:49 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..