مية عامہ لـ °•|[ بن فطيسہ ]|°• صبآحكم /مسآكم ............... .... إبدآع بن فطيسس لشاعر محمد ابن فطس ... عقبال يا ماخذ فؤادي مية عام .. .. ضيعتني منك وانا ما اهتديتك لا ..ما نسيتك كيف بانساك ما دام .. .. ذكرى الفراق تهزني لو نسيتك حبك قدر وانا على دين الاسلام .. .. مكتوب في وجه الجبين ورضيتك لك في الضمير الود والحشمه اتوام .. .. ولي في ضميرك مثل ما انا بغيتك ولك منزل في نايف القلب وخيام .. .. وذود الغلا ترعاه ولا شكيتك يفطر عليك القلب وان فارقك صام .. .. والله لونك شوك سدره كليتك القلب طيرٍ لادعي للهوى حام .. .. والا انت وكره من كثر ماهويتك كن العيون من النظر عقبك ايتام .. .. وكني ماريت الا انت من يوم ريتك وكنك معي وانا فقدتك من اعوام .. .. مع الخيال القاك كني لقيتك من صعب وصلك ما تهنيتك احلام .. .. وان جابتك فزيت شوق ومحيتك يعني وصالك صعب واهدافي اوهام .. .. يعني زرعتك للقدر ماجنيتك صبرك يقولون العرب كل الايام .. .. يوم عليك ويوم لاجاك جيتك ويا قلب ياللي ورثك اجروح وآلام .. .. بليتني ماهو بانا اللي بليتك ولعتني من عادني في الهوى خام .. .. واسرفت بي وانا خطامك عطيتك طعتك وزبدة طاعتك هم وهيام .. .. مالله كتب لي واستخرت وعصيتك لو للقلوب اسواق بايع وسوام .. .. لاابدلك وان جيتني ماشريتك والا انت ياللي جيش عينيك مقدام .. .. لا اقنعت منك والرجا مارجيتك كني سجين بين.. افراج .. واعدام .. .. وكنك سجن وانا بنفسي بنيتك تنبيك عن حالي محاصيل الالهام .. .. وتخبرك نظراتي نهار التقيتك عقب الوصال اللي على عين من لام .. .. قد هو يكفيني عن الوصل صيتك وقدني الى مريت بالشارع العام .. .. لديت من ما في الضمير ودعيتك ادري ان صوتي ماقطع عشرة اقدام .. .. وادري بي اعود الى من نصيتك ياشينها يامحنيٍ راس الابهام .. .. ماقدر على شوفك وانا عند بيتك الاعمار ما تضمن وانا اخاف الاحكام .. .. ارثيك خاف اودعك ما رثيتك ممـأ رأقـ لي / تحياتي لكم http://www.shababonaizah.com/uploade...1255042314.gif |
رد: مية عامہ لـ °•|[ بن فطيسہ ]|°• اقتباس:
كنق صح لسانك ولسان ابن فطيس ابدعت بالاختيار |
رد: مية عامہ لـ °•|[ بن فطيسہ ]|°• صحٍ لسآأنٍ قآأيلهآأٍ أبدعت فيٍ الإنتقآأءٍ لكٍ كلٍ الودٍ والوردٍ :: |
رد: مية عامہ لـ °•|[ بن فطيسہ ]|°• اقتباس:
صح بدنكـ يالغالي .. منور بتواجدك لاعدمنـآكـ . ثــآنكس .. |
رد: مية عامہ لـ °•|[ بن فطيسہ ]|°• اقتباس:
ومنوره بتواجدك العطر مشكوره والله لايهينك |
الساعة الآن 11:02 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..