مسلخ الرويضة وامراض بالمجان.!! بسم الله الرحمن الرحيم ... السلام عليكم ورحمة الله وبركاتة... في الحقيقة لا ادري الى متى سيتم نقل مسلخ الرويضة الى مبناه الجديد القريب من الدخل المحدود الذي استبشرنا بنائُة , حيث ان المبنى الجديد جاهز وينتظر العمل فيه وهل تعرفون لماذا اهالي الرويضة يذبحون في طحي والراشدية ويتجنبون مسلخهم.؟ لأنة صار مصدر للأوبئة ومكان لتجمع الذباب والحشرات اللي تشارك العمال في الذبح!! ولايوجد فية نظافة الا بنسبة 5% او اقل.!! وصارت القطاوة تسابق على الذبيحة!! ولايوجد فية بيطري يكشف على الذبايح , مع اني اذكر العام كان فية واحد مصري وهو اللي يسجل لي فاتورة وبدون معطف ولا دسوس ولاكمامة , المهم يوم سجل لي الفاتورة وهو يروح يشوف الذبيحة وقال لي على طول الكبد فيها تليف ولازم تنطلها ومن هالكلام., قلت لا عادي باخذها قال لا هذي مهيب صحية واذا بتاخذها بشرط توقع وتكتب اسمك وبعدين خذها , المهم خذا له قطعه كرتون وقال وش اسمك واعطية اسم من راسي , طبعاً لا تأكد من الاثبات ولا شي ووقعت على كرتونة اللي هو جايب ورحت والرجال طق الكرتون في مخباتة.!! ووالله العظيم انها احلى كبدة اذوقها في حياتي.! بالله وش غير هذا.؟ وهل تتوقعون انه موجود الى هالحين؟ ويشرف على الذبايح.؟ هذي بعض الصور للمسلخ الحالي والمسلخ الجديد.. http://www.rwwwr.com/upload//uploads...e2bde29bbd.jpg مكان الحسحسة كأنة حفرة زيت , وترى اللي على يسار فرسن نعيمي هههههههه http://www.rwwwr.com/upload//uploads...ac02d8c532.jpg وهذي سخانة موية! عليها فرسن وتحتها فرسن والساطورة واللي جنبها دم , والارضية مرض بحد ذاتها.. http://www.rwwwr.com/upload//uploads...f334cf6e89.jpg وهذا جلد حاشي وطلي منطولة عند الباب من برى.!! ماتحتاج تعليق.! http://www.rwwwr.com/upload//uploads...8ed1a68a2a.jpg الظاهر ان العمال يبون يلبسون الفرس الزنوبة.! http://www.rwwwr.com/upload//uploads...8de3a1e0d8.jpg وهذي الصبة اللي يقطعون عليها ويجلسون سكاكينهم عليها , جوانبها دم يابس وبلاطها متصدع.!! http://www.rwwwr.com/upload//uploads...0cfa88c45f.jpg المروحة واثار الذبان عليها!! يالله سترك.. http://www.rwwwr.com/upload//uploads...67af9ed7a6.jpg وهذي البراميل اللي ينطلون الفرث والكروش فيها , متكسرة!! والالباس من يومني عرفتهم وهم ماغيروها , اذا اقبل عليك العامل وهو لابسها الا كنه جزرة... والاّن صور المسلخ الجديد.. http://www.rwwwr.com/upload//uploads...0a423eddfe.jpg http://www.rwwwr.com/upload//uploads...611a42a3d4.jpg http://www.rwwwr.com/upload//uploads...74c397da83.jpg http://www.rwwwr.com/upload//uploads...1af687675c.jpg ماشاء الله علية ما ازينة., متى نذبح فيها عاد.؟ انتهى التقرير والقاكم في تقارير جاااية ان شاء الله... |
رد: مسلخ الرويضة وامراض بالمجان.!! يالله سترك بس ياحليلهم البلديه نايمين في العسل ,, سلملي على العبـــدان! |
رد: مسلخ الرويضة وامراض بالمجان.!! وش ذا انتو كيف ساكتين وكيف عايشين علي كذا جد شي مقزز الله يعنيكم بس بقايا تقرير مهم جدااااااااا ولفتت نظر مهمه وتشكر عليك ودمت وداااااااام تميزك |
رد: مسلخ الرويضة وامراض بالمجان.!! بقايااااااااا مشالله عليك كيف غامرت بنفسك ودخلت عندهم كله قررررف ووووووووووع ............. لاتعليق الصور تسد النفس ع هالصبح يعطيك العافيه بقاااااااااايا. . على التقرير |
رد: مسلخ الرويضة وامراض بالمجان.!! لاتعليق على هاصور يعطيك العافيه بقااايا |
رد: مسلخ الرويضة وامراض بالمجان.!! بقايا بيض الله وجهك بالفعل انعداام تاام للنظافة وما خفي كان اعظم تستاهل التقييم |
رد: مسلخ الرويضة وامراض بالمجان.!! ياحوووم كبدي.. طيب ليش الناس ساكتين على هالوضع والمشكله مامتضرر الا هم!!! مشكور بقايا عالموضوووع |
رد: مسلخ الرويضة وامراض بالمجان.!! بقايا جروح الله يعطيك العافيه على هذا التقرير وهذولا ما عليهم ملامه الوم على البلديه لا ما تدري وش صآآآير مانقول الا الله يحفظ المسلمين من امرآض هالمسلخ ..~ |
رد: مسلخ الرويضة وامراض بالمجان.!! بقايا بيض الله وجهك على هذا التقرير المميز وتستاهل التقييم |
رد: مسلخ الرويضة وامراض بالمجان.!! بقايا جروووح والله وازيدك من الشعر بيت العمالة تاخذ لحم من الذبيحة واذا قلت لا تصرف هو واخذ يقطع من ها الحم وانت ما تدري واذا صرت منتبة وركب المفطح في السيارة قال عطني اكرامية اي اكرامية هذا مسلخ ولا طرارة ..... وغيرة وغيرة وتستاهل التقييم |
رد: مسلخ الرويضة وامراض بالمجان.!! 8 88 8888 لا والكبدة والكرشة والرية دايم عندهم خربانة يبون بيعهها على المطاعم |
رد: مسلخ الرويضة وامراض بالمجان.!! بقايا جروح هي وقفت في البلدية على المسلخ !!! لكن انت جبتها المسالخ البديله قايمة بالغرض حتى يفتح المسلخ الجديد يعطيك العافية على التقرير الجميل اللي يستحق التقييم |
رد: مسلخ الرويضة وامراض بالمجان.!! بقايا موضوع رائعه أين البلديه من هؤلاء |
رد: مسلخ الرويضة وامراض بالمجان.!! الله يسلم حوش البيت احلى مصلخ ونظااافه بيت يعطيك العافيه اخوي بقايااا جروووح ع الصور اتمنا ينقلون للمصلخ الجديد عجل الكبده تبيها يا المصري هههههه تحياتي.. |
رد: مسلخ الرويضة وامراض بالمجان.!! اقتباس:
هلا وغلا... نايمين وبقوووة.., اسم بلدية فقط.., الله يسود وجه من يتساهل في العمل.. العبدان ذا منهو؟ نسمع به بس مانشووفة... كل الشكريات على المرور.. |
رد: مسلخ الرويضة وامراض بالمجان.!! اقتباس:
والله مافي اليد حيلة يابنت الحلال , اذا الواحد دخل على الرئيس وقالة مطالبة قال ابشر , واذا تعدة نسى الموضوع والشواهد واجد... حسبنا الله ونعم الوكيل.. |
رد: مسلخ الرويضة وامراض بالمجان.!! اقتباس:
تسد النفس وبقووة ولا ليش مانذبح الا في طحي؟ كل الشكريات على المرور.. |
رد: مسلخ الرويضة وامراض بالمجان.!! اقتباس:
هلا وغلا... لاتعليق لاتعليق يابو عبدالله... كل الشكريات على مرورك |
رد: مسلخ الرويضة وامراض بالمجان.!! اقتباس:
ووجهك بعد ياسمسوومي.., وترى الموضوع على شانك.. والله يستر على اللي يذبحوون عندهم... كل الشكريات ولا شفنا ترى تقييمك... |
رد: مسلخ الرويضة وامراض بالمجان.!! اقتباس:
الناس وش يسوون.,؟ اذا صار القاضي راضي وش السوات.؟ لاهنتي على مرورك.. |
رد: مسلخ الرويضة وامراض بالمجان.!! اقتباس:
الله يعافيك.. والبلدية لم تتحرك في الرويضة بكبرها , فما بالك بمسلخ الله يسلخ جلود اللي معادنيب قايل.. كل الشكريات |
رد: مسلخ الرويضة وامراض بالمجان.!! اقتباس:
هلا وغلا.. ووجهك كذلك.. هع تشكرات على مرورك وتقييمك.. |
رد: مسلخ الرويضة وامراض بالمجان.!! بارك الله فيك بقايا جروح تقارير كافيه ووافيه لكن وش نقول الله يجازي من كان السبب |
رد: مسلخ الرويضة وامراض بالمجان.!! يعطيك العافيه على التقرير الرائع... هذا التقرير صورة مع التقدير والإحترام لـ: ــ سعادة مدير بلدية الرويضة سعادة رئيس المجلس البلدي ـ سعادة عضو المجلس البلدي ـ المراقب الصحي. كلكم راع وكلكم مسؤول عن رعيته |
رد: مسلخ الرويضة وامراض بالمجان.!! الصور تتكلم - احييك على حرصك اخوي ْ وكلنا امل وترقب للأفتتاح المسلخ الجديد ْ والله يسلم المسلخ النموذجي بمزرعتنا انظف منه بمليون مره - ابو سيف اذا افتتحوا المسلخ الجديد عشاك عندي وبنذبح عندهم نجربهم خوي ينتقلون العماله الاوله له لانهم دمروا الاول دمار ْ دمت بخير وتقييم يستحقه الموضوع ْوصاحبه ْ :nabd: |
رد: مسلخ الرويضة وامراض بالمجان.!! يعععععععععععععع عععععع حامت علي كبدي تسنه ورشة سيارات ياربي وراه كذا اوف بس شي يقرف طيب الثاني صدق ليش مافتحوه؟؟ يعطيك العافيه |
رد: مسلخ الرويضة وامراض بالمجان.!! ياليت غيرت العنوان إلى: صحة البيئة ببلدية الرويضه وأمراض بالمجان |
الساعة الآن 11:26 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..