خلك عزيز لاصد عنك من توده وجافاك خله وجازه بالجفا مثل صده خلك عزيز النفس والعز مأواك وكلن عطه تفصيل ثوبه بقده ويش رايكم هل من الحكمة والصواب ان نطبق هذا البيت أو ان لا تكون المعاملة بالمثل فالتمس له الاعذار من موقف لآخر ودي اسمع آراء الاخوان والاخوات وتصير مثل ما قال (خص الرفيق اللي اذا جيت حياك / وان غبت عنه ياصلك بالموده) أبي آراء تطبقها فعلا مع اقاربك واصحابك وزملائك وتقبلو تحياتي |
رد: خلك عزيز لاصد عنك من توده وجافاك خله وجازه بالجفا مثل صده خلك عزيز النفس والعز مأواك وكلن عطه تفصيل ثوبه بقده 0000000000 بدايه يعطيك ربي الف عافيه الطرحك ودمت وداام تميزك000 ثانيا00 احترت كيف ارد والكن اكون صريحه بردي مهما كان الشخص غالي ومهما كان عزيز علي القلب وصد وجفا بدون عذر اكيد اكيد بقابله بنفس الشي اذ حاولت التقرب منه ولازال علي صده الازم ماعلي عزت نفسي وشموخي ومكانتي بين الناس اذ هو صد انا ما انزل نفسي له مهما صار صحيح اتعب ببعدهم والكن عزت النفس عندي اهون بكثير والشخص يستاهل بالمثل كانه مقدر وجودي ينحط علي الراس ومسكنه العين وكانه مومقدر من انا لا والله اعطيه علي قده لازود عليه (خص الرفيق اللي اذا جيت حياك / وان غبت عنه ياصلك بالموده) هذاالبيت فعلا صحيح الصديق والرفيق الحقيقي اذ جيت لمه يحيييك ويحطك علي راسه وان غبت عنه ما يخليك هذا بذات القلب منزاله ويستحق كل التقدر ولو خطاء له العذروالسموحه |
رد: خلك عزيز ياعين ادمعي من صاحب مختفي l مدري غيابه امتحان ولا هذا اللي يبي * أنا مزاجي و أطيع إللي يطاوعني ،،، و إن كان لي خلق امررها..أمررها إن كان صدر إللي أعزه وسعني / ماهمني ضيق الزمن و إتساعه |
رد: خلك عزيز وهج السهول يعطيك العافية متميزه بردودك ولا في احسن من الصراحه كل انسان له طريقته في التعامل ولذلك احب ارى اكثر من راي دمت بخير |
رد: خلك عزيز نفسي عزيزة من جفاني جفيته |
رد: خلك عزيز سمو الاحساس شاكرا لك مرورك الطيب فهل نلتمس للآخر العذر اونجازيه دون ان نبحث عن اسباب او مبررات هذا ما اود الوصول اليه شاكرا تفاعلك |
رد: خلك عزيز التسامح شىء جميل يا متعب ..وعلى فكرة لسنا جميعا قادرين عليه.. أحيانا مانقدر نسامح حسب الجرح اللى سببه أقرب الناس لنا .. يعنى فيه غلطات لا يمكن التسامح فيها .. لانه لو دخل الجرح فى منطقة الكرامة والكبرياء هنا اضع له لوحة مكتوب عليها عفوا لقد نفذ رصيدكم عندى. وفى النهايةالقدرة على التسامح بتكون نتاج حاجات كثيره منها الشخصية وطريقة التفكير واللى تربى عليه الشخص .. |
رد: خلك عزيز سلطان الشوق أبدعت بارك الله فيك |
رد: خلك عزيز السلام عليكم ورحمة الله وبركاته اول حاجه المفروض انو الواحد ما يغير طبعه عشان موقف ثاني حاجه بالنسبه لي انا إذا غلط علي احد ما راح اسكت لهـ وإذا طلعت اللي في خاطري كله انسى كل شي خلاص خذيت حقي انتهت المشكله بالنسبه للشخص اللي تمشكلت معه او اللي صار لي الموقف معه بعد ما تنتهي المشكله إذا هو هبط ونسى مثل مانسيت عادي عندي ممكن ارجع لأنو الله ورسوله صلى الله عليهم وسلم يسامحون من احنا عشان مانسامح ولا راح احقد طول حياتي عليه لاني خلاص تقاضيت منه .. وصرنا متساوين بس إذا هو من النوع اللي يحقد وعرفت انه كرهني ممكن اعامله بالمعامله اللي احب انو الناس يعاملوني فيها إذا مثلا حصل شي يجمعني فيه بس مسألة انو يصد واروح الحقه لا .. ماتوصل لهذي الدرجه هذي اشوف انها إهانه وإذا كان شخص غالي علي والله اعطي اكثر من فرصه وإذا تعدت الثالثه يطفح الكيل عندي واتركه .. إذا يغليني بيرجع من نفسه وإذا ما عادنيب غاليه بيستمر في صدهـ بس في قلبي وبيني وبين نفسي مسامحته على اي شي يسوي الحكي واجد بس هذا اللي متوفر عندي الحين ^_^ |
رد: خلك عزيز صديقة القلم مواقفك تدل على التسامح وهذا شيء نادر لا تحقدين على أحد وهذا دليل على ان كل شي انتهى في وقته إذا يغليني بيرجع من نفسه وإذا ما عادنيب غاليه بيستمر في صدهـ مواقف تدل على انسان متميز أشكر لك حضورك وما أضفتيه من أمثلة سلوكية راقية ( نموذج يحتذى ) |
رد: خلك عزيز اللي يصد بصد عنه واللي يعزني بعزهـ يعطيك العافيه |
رد: خلك عزيز كل شخص فينا يصادف مثل هذي الامور ان يشوف نفسه كان واقف مع ناس وقت الحاجه اول من يخذله هم وبالنسبه لي على حسب الموقف ومن الشخص نفسه في ناس مهما نواجه منهم نتحمل ونسكت وناس لا لازم تبين لهم قدرهم عشان يوقفون وتاكد ان كل شخص يبين على حقيقته وبين قناعه تاكد لما يعرف قدره وانه ما اثر معاك راح يرد احسن من قلب قالوها ((الحقران ...........)) |
رد: خلك عزيز خلك عزيز النفس والعز ماواك وكلن عطه تفصيل ثوبه بقده |
الساعة الآن 01:47 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..