|
قلّة أدب .. ليه كذا ؟ بوضح لكم العنوان علشان ماتفهمون غلط :) هو مكون من جزئين :) الجزء الاول ( قلة أدب ) هو عنوان احد قصائدي القديمة يوم كنت جذيع وبحطها لكم الان هنا :) الجزء الثاني : ( ليه كذا ) : اقصد فيه ليه منتدى همس الكوافي مافيه حركة ونشاط مثل بقية الاقسام :) والان نقدم لكم الشاب اليافع سعود الغزواني في قصيدة من ملفاته المغبّرة :)
دام انت يا راسي سليم من العطب = تقدر تقول السالفة نزوة كلام هذي نمرّرها على شانه غضب = رغم انها كلمه خفيفه والسلام نهدي قصيده كلها لوم وعتب = ماترخصه عندي وهو عالي مقام ايوالله انه زلزل الحال ونهب = عقلي وتوّج هالغلا بالاحترام لو طل في الخفّاق بيشوف العجب = كيف اختصر وقت الغلا بين الزحام عيني تشوفه بالعشم لين اقترب = حتى توسمت انه انفاس الغرام ويلاه يا مرخي لي جفون التعب = لا تنتهك بعض المشاعر باتّهام دامك مفسر كلمتي قلّة ادب = بروح ادور قيمتي عند الكرام |
سعود الغزواني ... مبدع... ولكن هل لنا ان ننهل من نبع قصائدكم الحديثة .. طلب آمل أن يجد لديك القبول وتقبل احترامي |
ايـوالله انـه زلــزل الـحـال ونـهـب عقـلـي وتــوّج هالـغـلا بـالاحـتـرام لو طل في الخفّاق بيشـوف العجـب كيف اختصر وقت الغلا بين الزحام ياسلام عليك يالغزواني هذا ابداع ايام الشباب!! بكل تاكيد كانت ايام جميله نص جميل بجمال حضورك اخى سعود |
. . شاعرنا الرائع سعود الغزاوني . . قصيدة رائعة وشامخة صح إحساسك ونبضك ونبع فكرك الذي لاينضب كل الود لك http://www.ksa-7be.com/up/up17/afb467fe34.gif إيمان |
رد: قلّة أدب .. ليه كذا ؟ صح لسانك ابوعبدالمحسن |
| الساعة الآن 09:01 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..