مجالس الرويضة لكل العرب - هل تتمالك نفسك امام عبارات هذه القصيدة المحزنة

أحزنتني هذه القصيدة .. كم هو آلم .. برائحة عذاب الفراق .. صورها قلب الشاعر الجريح .
. فخالج حرفه المجروح نعومة قلبي .. فنقلت لكم حرفة ووصفة وجراحة بمشاعره الجياشة عبر معرفي
فرحم الله الفقيدة وبارك الله في الشاعر وان تعددت الروايات حول صحتها ولكنه عمق الحرف الجميل

قلت الوداع.... وجاوبت دمعة العين

تجرح.... بساتين الخدود... الندية

وأغضت..وشفت بعينها الحزن..حزنين

وصاحت ..على الفرقا ...أنا مو قويه

وجاوبنها....أرج وك ..تكفين.. تكفين

والله دمعك....يشعل النار...فيّه

وقالت ...تعاهدني..عها د المحبين

الله يخون... اللي يخون ...بخويّه

قلت ابشري...واللي خلقك لاتظنين

حرام...ماغيرك.. .عشقت ..آدميه

وقصّت شعرها...قلت أنا..وش تسوين

قالت أبي ..من غرتي....لك هديه

ونادتني الغربه...على الهم والبين

احسّب الأيام... روحه... وجيّه

وفي كل ليله...ترتسم بين رمشين

خيالها...بين الرموش... الشقيه

غربة سنه...في ذمتي غربة سنين

متى على الله.. يلتقي الحي... حيه

خلاص...هانت...م ابقى غير يومين

خلالالالاص ... قفّت..غربةٍ جرهديه

ورجعت....شوقي في خفوقي... براكين

ورجعت أنا... كلي لها....جاذبيه

وسألت ما ردّوا...وانا أصيح هي..وين

وكلٍ نثر... من داخل العين... مَيّه

وفي معمعة حزني...تلقيت رمحين

قالوا توفت ..غافلتها ...المنيه

وفي غرغرتها...ماذكر ت...غيرحرفين

تشهدت بسمك... شفاه البنيه

وتزاحمت في داخلي...ألف سكين

والحزن..يطويني ثمانين....طيّه

صدمه..وجابتني على الأرض..نصفين

وشلون راحت دون... ذنب وخطيه

تكفون....دلوني على القبر..هالحين

ماعااااد فيني للصبر....مقدريه

ووقفت اطالع قبرها...بين نصبين

وجلست..أضم أغلى النصايب عليّه

وأصيح....وش بك يا غلا.. ما تردين

اشتقت.. همس..إشفاهك...ا لنرجسية

وش فيك...جيت من السفر...ما تهلين

ماهي بلك عاده....ولا أنتي... رديه

وحاولت في لحظة جنون...اجرح الدين

وأزيح تربة قبرها....في يديّه

وبالغصب شالوني...حشا تقل مسكين

واصرخ بهم...والله...و الله حيّه

اقفت...وتاهت بي جميع..العناوين

والحزن يلعب...داخلي ....سامريه

ورجعت لدروب الشقا.. قبل عامين

مدري من اللي صار.. فينا ضحية

منقووول