|
قصيدة الأم للشاعر حامد زيد من اجمل ما كتب حامد زيد http://hamedzaid.com/gallery//image.php?imageid=302 http://www.saudinokia.com/vb-pic/alslam.gif هذي قصيدة للشاعر (حامد زيد ) لامه ما ابي اطول اترككم مع القصيدة http://www.saudinokia.com/vb-pic/floral7f.gif قصيدتـي زاد بعيونـي جمالـهـا واخذت أنقـي بالمعانـي جزالهـا واكتب معانيها من الشوق والغـلا لأمي وأنا اصغر شاعر ٍمن عيالهـا كتبتها في غربتـي يـوم رحلتـي لمـا طرالـي بالسفـر ماطرالهـا امي وانا بوصف لهـا زود حبهـا وان ماحكيت لها قصيـدي حكالهـا امي لها بالقلب والجـوف منزلـه مكانـة ماكـل محـبـوب نالـهـا اقرب من ظلالي وانا وسط غربتي وانا تراي اقرب لها مـن ظلالهـا ماشافت اعيوني من الناس غيرهـا ولا خلـق رب الخلايـق مثالـهـا اغلا بشر في جملة النـاس كلهـم واكرم من ايدين المزون وهمالهـا اتبع رضاها ورتجـي زود قربهـا واللي طلبته من حياتـي وصالهـا الصدق مرساها والاشواق بحرهـا والعطف واحساس الغلا راس مالها اهيم فيهـا وابتسـم يـوم قلبهـا يسأل وانا قلبي يجـاوب سؤالهـا وان اطلبتني شـي فزيـت مندفـع اموت أنا واحمـل تعبهـا بدالهـا واصبر على الدنيا والاحزان والتعب واحمل على متني فطاحـل جبالهـا واسهر اعذب راحة القلب بالشقـا واعيش اعاني بس يرتـاح بالهـا تربية ابوي اللي على الطيب بذكرة اللـي وهبنـي الحيـاه ومجالهـا نور لي ادروبي وانا طفل مبتـدي حتى تركني واحـد مـن رجالهـا الوالدين اولـى بالاحسـان لجلهـم وأولى بتكريـم النفـوس وعدلهـا اقولهـا وانـا علـى الله متـكـل والله عليـم بقدرتـي واحتمالـهـا ياكلمة اغلـى مـن النـاس كلهـم ياشمـس بقلبـي بعيـد زوالـهـا يافرحة تملي لـي الكـون باكملـه ياشجـرة تكبـر ويكبـر ظلالهـا تضحك لي الدنيا ليا شفـت زولهـا مثل السمـا تزهـا بطلـة هلالهـا والبعد عنها ياهل العـرف ماقـدره لاشـك نـاري زايـدة بشتعالهـا ماعيش ببلاد ولاهيـب بأرضاهـا ولابي عيوني كـان ماهـي قبالهـا أرض ٍ تدوس امي بالاقدام رملهـا اموت فيها واندفـن فـي رمالهـا http://www.saudinokia.com/vb-pic/floral7f.gif |
رد: قصيدة الأم للشاعر حامد زيد من اجمل ما كتب حامد زيد صح لساان قايلها وعلا شان ناقلها.. مازاد من جمال القصيد انه تكلم فيها عن اعظم انسااانة بالوجود..الا وهي الام تلك الانساانة الراائعه..المرب ية الصاالحه..التي مهما قسى اولادها عليها تتحلى بالصبر وتلجاء للمولى وتطلب من الله الهدااية والستر لهم.. تحتضنهم عند الالم ..وتدفعهم لنجااح .. حفظ الله لنا امهاااتنا ..وجعل الله لهن في قلوبنا رحمة ورااائفهـ انشودة اختيااار رااائع لاشلت يمينك.. تحيتي القلبيه لشخصك.. |
رد: قصيدة الأم للشاعر حامد زيد من اجمل ما كتب حامد زيد اقتباس:
الله يسلمك ويخليك يالغلا ... شكرا على المرور الحلوو ... |
رد: قصيدة الأم للشاعر حامد زيد من اجمل ما كتب حامد زيد كلمات رائعة كل الشكريات على الابدااااع |
رد: قصيدة الأم للشاعر حامد زيد من اجمل ما كتب حامد زيد اقتباس:
اسعدني مرورك |
| الساعة الآن 04:21 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..