|
أحن لشوفتك وأشكي على السلسآل وثيآبك ! مـدخـل : أبطيت عني وأشوفك ماتكلمني ............ ماتدري إني أشوف النور من نورك أبكي غيابك عشان أغريك ترحمني ............ مدري متى تستخير وتعتق غرورك ماني معاتبك بس أبغاك تفهمني ............ حسسني إنك تبيني وإتبع اشعورك وان كان تبغى فراقي لاتعلمني ............ خلك مقفي وانا بتأمل حضورك أحبك يابعد نزف الشعور اللي ضماه الجور ............ أنا مالي سوى قلبك أموتك شوق وأحيابك تباكاني طموحاتي وحلمي خاطره مكسور ............ قهر تستنزف جروح الغلا والود يزهابك تعبت أبكي على غيابك وأجاوب صرختي مقهور ............ تعبت أعزف على أوتار الشقا والجرح غنابك تعبت أحبس خيالاتي ولاكن الأمل مقبور ............ أنا كل مابغيت أنسى وداعك هاجسي جابك يغص الضحك بأانفاس الحزن وأستوعبه مجبور ............ عجزت أتنفس افراحي عزيت الضحك بأسبابك أخيلك والغلا باقصى محاديب أضلعي مأسور ............ وأحن لشوفتك وأشكي على السلسال واثيابك حرام إنك تخليني وأنا كلي غلا وشعور ............ أسولف باالطريق اللي جرح قلبي وقفابك تعالي يابعد وجه الصباح وياسبات النور ............ متى مابان نورك غاب نور الشمس بااهدابك تبطايتك وأحس إن الفضا من غيبتك مهجور ............ قسم بالله من رحتي عجزت اتحمل اغيابك مخـرج : صبري نكرني من كثر ماأتصل فيك ............ مدري متى تعطف على اللي مقدرك كل مانسيتك قمت أهذري بطاريك ............ ساعدنى أنسى وأوعدك ماأتذكرك |
رد: أحن لشوفتك وأشكي على السلسآل وثيآبك ! مااروع كلماتكـ أستوقفتني هنا كثيراً لأجد ماقد يكفي لإبداء إحترامي وتقديري لكـِ فعجزت أن أجد مايكفي بـنــت كــوووول دمتي لنا بحظوركـ المميز ومواضيعك الراائعه يالغاليه لكِ ودي |
رد: أحن لشوفتك وأشكي على السلسآل وثيآبك ! اقتباس:
وإيُ .. حضورٍ يخُجل غير هذا الحضور يارقــيق :nabd: |
رد: أحن لشوفتك وأشكي على السلسآل وثيآبك ! يسلم ذوقك على هذه الرائعه اختيار جميل منك بنت كول ... |
رد: أحن لشوفتك وأشكي على السلسآل وثيآبك ! حرام إنك تخليني وأنا كلي غلا وشعور ............ أسولف باالطريق اللي جرح قلبي وقفابك رووووعه يسلم اختيارك .. |
| الساعة الآن 04:00 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..