|
وجه بن فهره أخواني الأعزاء أسعدالله اوقاتكم بكل خير زارني بعد صلاة العشاء ليوم الجمعه 14/2/1431هـ أحد الأصدقاء المقربين الى قلبي ( يعمل محامي ) وقد فرحت بزيارته وتناقشنا في العديد من قضايا مجتمعنا الطيب بفطرته والكريم بعطائه وبعاداته . لقد شدني في حديثه وطرافته واسلوب القائه وكنت أتآلم في داخلي لما سمعته منه ونحن في قرننا ( 20 )عما يدور في مجتمعاتنا من قصص مبكيه ، فقد روالي كم هائل من الأحداث المؤسفه في مجتمعنا . الشاهد من كلام الرجل انه اغرقني بعبارة ( وجه بن فهره ) وعندما اراد أن يغادر قلت له اتمنى ان يكن راق لك عشانا المتواضع لهذه الليله فاثنى وطلب مني أن أزوره فوافقت بشرط أن يشرح لي مامعني ( وجه بن فهره ) والحادثه لهذه المقوله ومكانها . فتلعثم الرجل وحسيت بأنه أنحرج وقال والله نقولها ولا نعرف معناها ، فقلت له وانا كذلك سمعتها ولا اعرف معناها وحبيت ازود نفسي عن معلومه فقط وغادر الرجل وانا ارغب في معرفة هذا المعنى . أتمنى من يملك الإجابه ان يزودني بها من باب العلم والفائده للجميع ( والعشاء زاهب )......تحياتي جم. |
رد: وجه بن فهره vip1 حياك الله اخوي ويا مرحبا بك وجه بن فهره هوا الانسان الي ما في وجه حياء ما يستحي ابد وبجح ويكذب عيني عينك وجهه مغسول بمرق ولسانه طويل هذا الي اعرفه وباقي الاعضاء ان شاء الله يضيفون الي عندهم امل اني افدتك ولو قليل |
رد: وجه بن فهره اكتب في قوقل القموس العربي وجه ابن فهره وتلقى معناااهاااا والمشكله قاااعد معك ويسبك من اليوم وانتم يااغافلين لكم الله |
رد: وجه بن فهره سلطان الشوق مرورك افادني واشكرك الأماكن بحثت قبل الكتابه لكن معلومات سطحيه العرب العاربه لا يعتدون على ظيفهم ولا ينهرونه اسعدني مرورك وشكراً |
رد: وجه بن فهره ما اتوقع انك بتلاقي معناها فقوقل انا اتوقع ان ابن فهره..شخص (إنسآن) فيه الأوصاف الي ذكرها اخونا سلطان الشوق.. وصآروا يقولون وجه ابن فهره يعني وجهك مثل وجه ابن فهره.. مايستحي.. وأختآروا الوجه.. لأن الوجه يعني دآيم تنطبق عليه هالأشيآء..مثل وجهه مغسول بمرق.. والا الوآحد لما ينحرج من احد يقول مدري وين اودي وجهي.. وكل هذا هو مفهومي انا لها الكلمه..مو المعنى الأساسي لها.. ومشكور^_^ |
رد: وجه بن فهره الأمآكن فيه اسلوب..لو سمحتي يعني لاتطلعين برا الموضوع..^_^ |
رد: وجه بن فهره هو استفسر وحنا جااوبن ولكل مجتهد نصيب وانا ماطلعت بر ا الموضوع وانتي ترضين احديسبك وتسكتين له مع احترامي شكرا اختي |
رد: وجه بن فهره يااخواان مااضن معنااها سب وشتم لان ضيفه يوم يتحدث يمكن يصفها للناس الي يتكلم عنهم مولاخونااا بس للاسف الشديد مااعرف معنااها بالضبط وفيه كلماات كثيير من وااقعنا اجهلها ويوم تنقال قداامي ماافهمها<<<<<<<<<<<<<مفهيه خارج التغطيه |
رد: وجه بن فهره اتوقع وهذا اجتهاد ان التفسير ربما ( الوجه معروف ) بس (فهره ) الفهر الحصاء والحصاء قوي ولا يتأثر من شي ولا يهمه احد والعلم عند الله ..... ودمتم سالمين,,,,,,,, |
رد: وجه بن فهره اللي مايستحي وقوي وجه ولا علية احد ولا في وجهه حيا .., والعلم عند الله |
رد: وجه بن فهره وجه من فهره !! وجه ابن فهره !! وجه من فهره هي الجمله اللي اسمعها دايم نفس المعنى اللي قالوه الاعضاء زيها زي وجه مغسول بمرق |
رد: وجه بن فهره التوقع واقول عكس الاخوان والاخوات وجه ابن فهره هوانسان ليس معناه كذاب ؟!! ولكن معناها انه لايستحي من الحق ويقول كل شي فيك اوفي غيرك زين او شين بعكس الناس لا تقول اي شي حتي ولو كان على حق وذلك احترام اويستحي منك وجه ابن فهره يقول كل شي ولا يراعي شعور الشخص المقابل ولو ما يقوله صدق ولذاك الناس تتجنبه 0 |
رد: وجه بن فهره 8 8 8 نفس الكلام اللي نقصده |
رد: وجه بن فهره اقتباس:
سألت عن هالعبارهـ وكان شرح المعنى قريب لها الشرح فـ أتوقع ان الأخ سنود جاب اقرب معنى ^_^ |
رد: وجه بن فهره صديقة القلم بقايا جروح الله معي سنود زورو ابومازن محيرقه أشكركم جميعاً على مروركم الذي اسعدني واتمنى من الله التوفيق للجميع . تحياتي ....جم |
| الساعة الآن 10:03 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..