|
فارعات الطوووول فــارعات الطول ياصاحبي لاتباطيتك وقلبي حزين رحـت أنشـد الدالهيـن اللـي ( عليهـم تمـر ) !! يامعشر اللي على ضو القمـر ساهريـن مامرّكـم عـود مـوزٍ فـي علـوّه ثمـر ؟! الحب مثل ( العباده ) .. و ( أنفس المؤمنين ) أشرّها مانفر .. وآخيرهـا مـا أستمـر ياليت روحي على روحك تذوب وتلين وأنـا اتكـوّن سحابـه وأنهمـر .. وأنهمـر !! نظراتـك يعلمنّـي ضحكـة العاشقيـن والا يكتّـنّ فـي راحــة كفـوفـي جـمـر بقى من اللي خذيته قلب بين أصبعين وأن قلت : هاته .. ( من عيونـي وتامـر امـر ) وأن قلت لي : موقعي من عالم الحسن وين ؟ بعد الثلاثين كـان الله عطانـي عمـر ؟! اقول : مزيون وأشباهك ماهيب أربعين أشباهك أثنين يا أمّا ( شمس ) والا ( قمـر ) !! يكفي أنّك أوّل ظبْي ياخذ من الصقـر عيـن ومـن الذلـول العمانيّـه هيـام وضمـر ( معنّقك ) شبر فوق متونك وقفلتين و ( يديك ) منجم ذهب .. و ( شفاك ) حانة خمر .!! مدري وش اللي خذا الله منْك وأعطاك زين ما لا عطا فارعات الطول بيض وسمـر !! ماشفت ( هالوجنتين ) وشفت ( هالجمرتين ) لهن ثلاثيـن عـام ولايزالـنّ حمـر ..!! همسة لكم ..... اشهد بالله انها حمر ولو توصل لستين عام جعلهن يسلمن ...ههههه |
رد: فارعات الطوووول هـوى الـديـره أبيات راااائعه سلمت ذائقتك ودام لنا إبداعك لا خلا ولا عدم |
رد: فارعات الطوووول اقتباس:
هوى الديرة ياعيني عليك ماشاء الله تبارك الرحمن عندك موهبة الجمع بين الذاائقة الجميله وخفت الدم الرهييبة ربي يسعدك دووم لاعدمنا وجودك بيننا |
رد: فارعات الطوووول شكرن رقيق المشاعر من القلب ياعزيزي وسلمت لنا عيناك واناملك للرد على مواضيعي ...... |
رد: فارعات الطوووول سموووووووو لاعدمت ردك على مواضيعي ياطويل العمر ..... |
| الساعة الآن 05:58 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..