مجالس الرويضة لكل العرب - بلدية الرويضة تمنع بيع الدخان في الرويضة %%%%

مجالس الرويضة لكل العرب (http://www.rwwwr.com/vb/httb:www.rwwwr.com.php)

- أخبار الرويضة (http://www.rwwwr.com/vb/f27.html)

رد: بلدية الرويضة تمنع بيع الدخان في الرويضة %%%%

يالربع ليش نلعب على أنفسنا؟؟

هالحين نجي نمنعه وهو من فوق مسموح

وش هالتناقض هذا؟؟

هالحين تأكدت أن حنا من قوم طقها وألحقها وكلها قرارات تعسفيه كل من جا قام يقص ويلزق وحنا يالمواطنين المساكين ماكلينها على روسنا

أنا ولله الحمد ماني مدخن ولانيب مدخن ان شاء الله

بس ليش تمنع الدخان والدوله سامحه أنه يدخل البلد وطبعاً البلديه تمثل الدوله يعني الدوله تناقض نفسها بنفسها ولا كيف؟؟

انا متفق معكم ان الدخان حرام ومضر بالصحه وكل هالأمور بس في أشياء ماينسكت عنها
أولا: راح يكون فيه سوق سودا لبيع الدخان.
ثانياً: المدخنين أنفسهم راح يتضررون لأنهم مو لاقين دخان هالحين بيجي واحد منكم ويقول أحسن عشان يقلع عن التدخين وأقوله يابابا هذا ماهو حل الحل أنك تعالجه أما تقطع عنه كذا مايجي
أما أن المدخن راح يسافر عشان يجيب دخان أو أن الأخلاق بتقفل ماله نفس يشتغل ولا له نفس يقابل أهله

أنا أقول أذا الدخان بيمنع خله يمنع من فوق خل السعوديه مايدخل فيها دخان عشان كذا نضبط القرار صح وأي واحد يدخن يدخل مصحه يتعالج فيها

عالعموم ما أقول الا الله يصبرنا على الناس اللي ما أدري وش تبي في حياتها

وشكرن

رد: بلدية الرويضة تمنع بيع الدخان في الرويضة %%%%

أهم شيء يقضون أيضا على سبل دخول الدخان بطرق سرية والحصول عليه بأسعار سياحية وربنا يوفق الجميع لمنع هذا الشر .... الدخان القاتل الصامت...

رد: بلدية الرويضة تمنع بيع الدخان في الرويضة %%%%

السلام عليكم ورحمة الله وبركاته

ابو رند يعطيك ربي العافيه وانا معك في كلامك وايده بقوة ..... ولكن كما اسمع ان قرار منع بيع الدخان في المدن قرار او بند موجود عند جميع البلديات في المملكة ولكن البعض يطبق هذا القرار والبعض يغض النظر عنه السؤااال اين الرقااابه عن ذلك.... وكما قلت انت الدوله تناقض نفسها بنفسها