مجالس الرويضة لكل العرب - || ... عضو في ضيافه قوافينا الشعريه ...||

مجالس الرويضة لكل العرب (http://www.rwwwr.com/vb/httb:www.rwwwr.com.php)

- احتواء ما لا يحتوى (http://www.rwwwr.com/vb/f2.html)

رد: || ... عضو في ضيافه قوافينا الشعريه ...||

شكل عازف بيتاخر عشان كذا راح نختار ابو نواف ..
واذا رجع عازف المكان له ..

رد: || ... عضو في ضيافه قوافينا الشعريه ...||

طيب اللي تختارونة ارسلو لة رساله عشان يجي..

رد: || ... عضو في ضيافه قوافينا الشعريه ...||

بقايا انا ارسلهم بس للاسف عازف ما دخل المنتدى ..

رد: || ... عضو في ضيافه قوافينا الشعريه ...||

ابو نواف

ايضا غير متواجد الان

الليلة ان شاء الله اشوفكم

رد: || ... عضو في ضيافه قوافينا الشعريه ...||

اجيك يسلم راسك وشلون ماجيك حفيد

اعتذر لانشغالي هالايام

اقتباس:

1- مامدى علاقتك بالشعر ؟!!

علاقه عشاق لايبتعد احدهما عن الآخر

اقتباس:

2- من هو شاعرك المفضل ؟!!

البدر

اقتباس:

3- اذكر الأعضاء الذين تثق في ذائقتهم الشعرية في منتدانااا ؟!!

الرسام

اقتباس:

4- بيت شعر يحضرك دائما ؟!!

ما الومك الزمن سوى العجب = هو بقى غير الكرامه بالجفير

اقتباس:

5- قصيده تعدها من اروع القصائـد ؟!!

(صلوات في هيكل الحب ) لابو القاسم الشابي

اقتباس:

6- اذا لم تكن شاعر .. هل لك محاولات في كتابه الشعر ؟!!

مجرد ابيات فقط

7- لك مساحه بلآ حدود امتعنا بقصيدة على ذوقك ؟!!

هي قصيده كتبها البدر للمغفور له بإذن الله ( سيد العرب الاحرار ) خادم الحرمين الشريفين الملك فهد بن عبد العزيز آل سعود .

ارددها لخادم الحرمين الشريفين الملك عبد الله بن عبد العزيز آل سعود حفظه الله

يـا سـيّـدي هبّت وثوَّر لها غبار
لاشـك خـشـم الـعان باقي محلّه ii
وسـودة تـهامة طلها فوق الأزهار
وعـلـى الـشمال أمطار وسمٍ تعلّه
كـان العجاج ينقص الشمس iiمقدار
مـقـدار دارك مـا نقص يوم iiوالله
والـلـي جـمـعهم مسلمين وكفار
فـي حـربـنا صفٍ وذي حكمةٍ له
مـا غيروا في قلوبنا خمسة iiأعشار
مـن الـوفـا والحب والصّدق كلّه
مـن فيه خيرٍ ما يدوّر ف iiالأشرار
أهـل وسـكـن ويجيبهم فزعةٍ iiله
على هله وأرضه وعرضه ولو iiجار
عـلـيـه أخوه وشاف ضيمٍ iiوخلّه
لـي ملةٍ ما تعرف ظروف iiوأعذار
تـرى الـعـذر عن ملّة الحق iiملّه
ومـانـيب الوم اللي على داره يغار
الله يـثـيـبـه والـوطن غايةٍ له
الـعار من يجلب على أرضه العار
كـشـاف عوراته على الناس iiخلّه
يـا سـيـدي حنا هل الحق iiواكثار
ولاّ هـل الـبـاطـل أبـشّرك قلّه
غـاراتـهـم تذكر بشاشات الأخبار
وغـاراتـنـا نـحمي وطنا ونجلّه
نـعرف فضل من وحدونا iiوالأخيار
مـن أهـلـنـا اللي ذِبّحَوْ فدوةٍ له
أقطار كنا ويا ترى وش هـ الأقطار
كـل نـخـلـتـيـنٍ دولةٍ مستقلّه
فـقرٍ وجوع وخوف ما يامن iiالجار
جـاره ولا يـعطف على الخلّ iiخلّه
ثـلاثـة قـرونٍ ولا مرت iiاقصار
يـطـوي الوطن سيفٍ وسيفٍ يفلّه
لـيـن انتهت يا سيدي خير وإعمار
والـمـمـلـكـه في أمنها مسفهلّه
مـن الـيـمن للشام لو كوكبٍ iiسار
فـيـهـا وحـيـدٍ دور الـلي يدلّه
الـفـعـل يشفي غلّ وافين الأشبار
والا الـردي يـشفي من الحكي غلّه
فينا عيوب ومن بلا عيوب ما صار
مـن فـيهم الكامل ترى الكامل الله
وفـيـنا مزايا شعشعت مثل الانوار
مـشـاعـلٍ في الليل شهب iiوأهلّه
مـا تـنجحد لا شك في الخلق فجّار
مـا يـقـبـلـون الحق دقه وجلّه
ومـجـادل الـحاقد مثل لعبة قمار
مـا هـي حرام وبس.. خسر ومذلّه
يـا سـيـدي وانته لنا ستر iiوجدار
وانـت الـذي نـبني ونزرع iiبظلّه
وانـت الحليم وسيّد العرب iiالأحرار
ومـا صـعـب من أمرٍ علينا iiتحلّه
وان عـجعجت يا سيدي كلّها iiغبار
يـمـضـي وخشم العان باقي محلّه

اختيار اخي ( عبد الله ابن فيصل )

للجميع ارق التحايا

رد: || ... عضو في ضيافه قوافينا الشعريه ...||

اعتذر للجميع

بانتظار المراقب الاداري عبدالله بن فيصل

لي عودة

رد: || ... عضو في ضيافه قوافينا الشعريه ...||

لاقبل عبد الله انت يادب

تم اختيارك قبلي

رد: || ... عضو في ضيافه قوافينا الشعريه ...||

.

يسلّم لي حضورك ياعازف
لـ حضورك لذّة ..
ولتواجدك نكهه ..

دمت بـ بنقـاء ..

http://www.tfasel.com/vb/images/smilies/flower.gif

رد: || ... عضو في ضيافه قوافينا الشعريه ...||

الفجر البعيد الف شكر على الموضوع المميز

و الشكر موصول لـ ابو حامد على اختياري

1- مامدى علاقتك بالشعر ؟!!
متذوق للشعر و لست بشاعر

2- من هو شاعرك المفضل ؟!!
شعراء و ليس بشاعر
الامير الراحل سعود بن بندر رحمه الله
محمد بن فطيس المري
سعد بن جدلان

3- اذكر الأعضاء الذين تثق في ذائقتهم الشعرية في منتدانااا ؟!!
ايضا هم كثر ولله الحمد
انشودة المطر
الرسام
سمو الاحساس
الفجر البعيد

4- بيت شعر يحضرك دائما ؟!!
ياليتني بينك وبين المضره **** من غزة الشوكه الى سكرت الموت

5- قصيده تعدها من اروع القصائـد ؟!!
( لاضاق صدرك ) لابن فطيس
لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد

6- اذا لم تكن شاعر .. هل لك محاولات في كتابه الشعر ؟!!
انا لست بشاعر و ليس محاولات لأني لو حاولت مستحيل اكتب قصيدة

7- لك مساحه بلآ حدود امتعنا بقصيدة على ذوقك ؟!!

ون ابن جدلان مـن لايعـن لاعـه ***كن في صدري دوافيـر صناعـي
العب المنكـوس واحـب روباعـه ***مملن في الوقت والوقـت خداعـي
ما دريت ان ضحكة الوقت خداعه ***شفت مدخالي ولا شفت مطلاعـي
لا بغيت اسـج ولا انبسـط ساعـه ***دق قلبي من ورا حدب الاضلاعي
كن من بين الضلوع الـة طباعـه ***تشتغل لا نمـت واقـوم مرتاعـي
وهـم قلبـي مـا يفـرق تجماعـه ***غير جر الصوت والناس هجاعـي
فاقدن لي سلعتن واكبـر بضاعـه ***سلعتـن تشـرا ولاهـي بتنباعـي
رفقـة الطيـب الا غيـر اطباعـه ***اشهد انها كيتـن توجـع اوجاعـي
راكب اللي صممه صاحب صناعه ***جمس بيك اب من حديثات الانواعي
لا وطا الارض العتش كن تهزاعه ***بنت شيخٍٍٍٍٍن طامحن من ولد راعـي
في رجا الغايب تحـرا لمرجاعـه ***تنقد العشـاق وتطـق الاصباعـي
نفسها مـن جملةالنـاس منصاعـه ***ما تبغي الا واحدن ذكره ايشاعـي
تدور اللي ياخـذ الطيـب بذراعـه ***الصديق الصافي الصامل الواعـي
الوفـا والطيـب ساسـه ومنباعـه ***يوم بعض الطيب تقليـد وصناعـي
انشدو ويـش السبايـب بمهزاعـه ***لا علي ناقـص ولا ابيـه فزاعـي
كان يبغـا الحـق للحـق قطاعـه ***نقنعه والحق مـا عنـه مجزاعـي
وان كان مبغظ فالرياجيـل بتاعـه ***لا يجـي ناقـد ويلحقنـي رياعـي
للصديق نخلـي النفـس خضاعـه ***مـا نوريـه الجفـا والتمطـاعـي
الصداقـه عندنـا ذخـر وطماعـه ***صحبتن ماهـي بصحبـة تمتاعـي
حد جدتهـا علـى البـرق لماعـه ***وان خذت يومين مفعولها ضاعـي
فان تليمنا علـى العـز والطاعـه ***وان تفرقنـا فجـوج الله وساعـي
مطرد المقفي اليـا سفـط شراعـه ***مخبـل اللـي للمقفيـن تبـاعـي
ومن يحط اذنه على كـل سماعـه ***جاه فرقـا مـا بعدهـا تجماعـي
والزباد اختام هرجـي ومطلاعـه ***يدفعه مع ريحة المسـك ذعذاعـي

اختار من بعدي ابو نواف

رد: || ... عضو في ضيافه قوافينا الشعريه ...||

عبدالله ابن فيصـل
شكرا على مروركـ الرائع
وحضـوركـ العذب
تقبل ودي ومودتي ...

رد: || ... عضو في ضيافه قوافينا الشعريه ...||

انا اتوقع ابو نواف يكتب قصيدة جديده حتى يشارك بها هنا عشان كذا تأخر

رد: || ... عضو في ضيافه قوافينا الشعريه ...||

هههههههههههه
وانا بعــد اتوقع هيــــك
بس بننتظر ونشوف ...

رد: || ... عضو في ضيافه قوافينا الشعريه ...||

اعتذر كثير على التاخير

1- مامدى علاقتك بالشعر ؟!!

علاقتي بالشعر مجرد اطلاع وتذوق وتخيل

2- من هو شاعرك المفضل ؟!!
ناصر القحطاني - بن فطيس - سيف بن مهنا
3- اذكر الأعضاء الذين تثق في ذائقتهم الشعرية في منتدانااا ؟!!
انشودة المطر - رقيق المشاعر - خالدية كول

4- بيت شعر يحضرك دائما ؟!!

لابوك لابو من ترجى حنانك00
لابو قلوب بالهوى تشكي الضيم000
كلمة احبك لاتجي في لسانك00
شوهت باسم الحب كل المفاهيم00

5- قصيده تعدها من اروع القصائـد ؟!!

خارج نطاق التغطية .. او .. تغطيه دون النطاق
...... فرق الخروج المنطقي حسب اختلاف المنطقه

ماهيب لعبة مفردة .. بين التجانس والطباق
....... لا لا ولا هي فلسفة شاعر فراغ وهرطقه

المسأله !! ركز معي .. يمكن ترد ضمن السياق
...... لاتسبق احداث الشطر قبل انطقه لا تنطقه

شي يطاق بهالزمن .. واشيا كثيره ماتطاق
...... شعر الغزل غير الهزل .. والطق غير الطقطقه

المشكله مو بالطراق المشكله بعد الطراق
......يامحللين المشكله .. بلاش .. كذب وتريقه

إتي اتحاد ... وتختصر إتي .. بعد للاتفاق
...... لكن ولاإتي .. بقت في ظل عصر التفرقه

ناخذ طراق ونبتسم .. احلى عرب ..!! واحلى عراق

.......واحلى فلسطين ونقط .. لا خر حدود المنطقه

6- اذا لم تكن شاعر .. هل لك محاولات في كتابه الشعر ؟!!
للاسف لا

7- لك مساحه بلآ حدود امتعنا بقصيدة على ذوقك ؟!!

الله اللي راد والعقده قطعها اللي عقدها
............... ....لا على الدنيا سلام ولا لباقي العمر زينه
الفضا ماكنه ألا خيمةٍ طاحت عمدها
............... .......والفرح ما كنه ألا شيخٍ أنقصت يدينه
والعمر قطعة زجاج أنكسرت ولا طال أمدها
............... ..والعرب في العيد بدموع اليتامى مستهينه
والشوارع لفها ثوب الظلام اللي هجدها
............... .والبيوت أطلال من عقب المحبه والسكينه
والشتا واليل والبرد وسما يصرخ رعدها
............... والعيون اللي ورى الشباك مذعوره حزينه
طولوا في الكهف الاصحاب وبقت روحي وحدها
............... ......كنها في كوكبٍ ثاني خلا من ساكنينه
الوداع اللي بعلم العين يعبر من رمدها
..............و الوداع اللي بلا علم القفص صدري غبينه
والوداع اللي بلا رجعه علي أمر وادهى
............... .....والله أنه غرغرت سم وسكاكينٍ سنينه
والعنود اللي جفيت الناس والدنيا بعدها
............... ......مدت الفرقا لغاليها وهي تعطي الثمينه
وينها كيف تركتني ليه ما جت في وعدها
............... .......والقمر لاطل خابرها تجي بيني وبينه
رحت أنادي واتلمس في مهب الريح يدها
............... .كني حصانٍ بلا صاحب طوى البيدا حنينه
رحت أصيح الصبح وينه والعرب ما رد أحدها
............ما سمعت إلا صدى صوتي يقول الصبح وينه
كنهم من يوم ذيك الشمس غابت عن بلده
............... . طلعوني في النفود وصكوا أبواب المدينه
كنهم من يوم ذيك الذاهبه محدٍ وجدها
............... ....كل رجال من الشرهه قلع فالدرب عينه
أثرها ماتت وماتت كل فرحه في مهدها
............... ....والربيع أقفت به اللي كانت التاج لجبينه
جاورت عقب الحدايق حفرتٍ مقسى لحدها
............... ...حفرةٍ ماني مصدق كيف ضمت ياسمينه
للحزن فيني مثل ما لطهاره في جسدها
............... ويش أسوي لافتشت اللي لها وسط الخزينه
زخرفت حلم وبنت له مسكن وسمت ولدها
............... ..........أه لو غرت ولدها في خميلة والدينه
عاهدتني وظفرت بيمينٍ أقوى من عهدها
............... .....والصبي لا خير فيه أن كان مانفذ يمينه
ماتثقى عن رثاها عرقٍ أكتظ بشهدها
............... ..ولا بقى خلف جدران الجفن عذرى سجينه
كيف عند العالم أيام العرب ما حصى عددها
............... ....ولا أنا طالت شهوره والله أعلم كم سنينه
لا الثرى فيها نبات ولا المشي خفف نكدها
............... ....لا السما فيها طيور ولا البحر يمه سفينه
لا القمر هذا مساه ولا العصي هذا رغدها
............... .....لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها
............... .......قال يبشر بالعوض والعلم جينا ناقلينه
ساق لك بدر البدور اللي نشدها من نشدها
............... ...جادلٍ هزت عروش وخيبت روسٍ ذهينه
قسمها في جسمها في رسمها الا في رشدها
........واسمها ان جال الغضب قومه على الألسن رطينه
أترك الناي وعطية شيخنا عن لسعدها
............... وانبسط ياعم وأنسى اللي ورى التربه دفينه
قلت ولصدري تناهيت تروع من شهدها
............... ....آه واويلاه من يجلب على صدري غبينه
خلوا أغلى ذاهبه ترعى ربيع اللي فقدها
............... ......والعطا راعيه محدٍ صوبه الله لا يهينه
لو ظمنت الجنه تفاحة القلب وشهدها
............... ..قلت من بكره عسى مجنونها تاقف سنينه

ناصر القحطاني

اشكرك اختي على الموضوع واشكر ابو فيصل على اختياري

اختار بعد سلطان الشوق

رد: || ... عضو في ضيافه قوافينا الشعريه ...||

ابونواف
اسعدني حضوركـ الراقي ’’
وهمسكـ العذب ’’
اخجلتي الابجديآت بجمآل كلمآتكـ ’’

رد: || ... عضو في ضيافه قوافينا الشعريه ...||

اشكرك ابو نواف على ترشيحي

1- مامدى علاقتك بالشعر ؟!!
قريب جدآ ومتذوق لجمال الكلمه
2- من هو شاعرك المفضل ؟!!
بن فطيس
سعود بن بندر
- اذكر الأعضاء الذين تثق في ذائقتهم الشعرية في منتدانااا ؟!!
بقايا جروح
رقيق المشاعرهو
د4- بيت شعر يحضرك دائما ؟!!
اضحك ولى كل الوجيه احترمها
بعض الوجيه اهينها با بتسامه

5- قصيده تعدها من اروع القصائـد ؟!!
بعض العرب حبة يوردك الجنون
ولا يوصف لة غلاة احكاك لة

ما يقنعة وصف الغلا وش يكون
لو كل حرف بالحرير يحاك لة

الموت جاك وهو تقبلة الظنون
ولا لك الا الصبر ....وش وداك لة

ان قلت ضاق ..قال..هونها تهون
مايدري ان ضيقتك لة ..وبكاك لة

تقعد تحبة وانت ساكت ومغبون
يمكن بيوم يقال لة ما اوفاك لة

وكانك مشكك هو يمون ..او ما يمون
تخيل ان عفت الصبر فرقاك لة

غلاة من فوق الغلا ماهوبدون
وحكاة سمعك يجبرك بارخاك لة

ودك تحطة فالعيون من العيون
وتبسط على رمضى الثرا يمناك لة

وتظلة من الشمس في ظل الجفون
ولا يمر اذنة سوا لباك لة

وتسج من غيرة لونهم يذكرون
ومنين ما سجت القدم ممشاك لة

فلو يميلة الترف ميل الغصون
غصن ليان ومكرمة بسقاك لة

جديلة الى اقفي ستر منة المتون
كني بريحة لا لتفت لدعاك لة

يزها الملابس ..اي لبس..واي لون
وفالليل وجهة لا ظهر قداك لة

كيك وعسل لكن ما هو في صحون
ودعاك من عين الحسود اغطاك لة

اللة لا يعطية ناس س ينضلون
ويستر علية من النحل لا ياكلة

والوصف والتعبير في وصفة يخون
غير اطلب الله يستجيب ادعاك لة

وهذال قلبك في محبتة يجسون
سكينهم عن قطع حبلة حاكلة
اللي من لحوم الاوادم ياكلون
وحلوقهم دافعالبلا متواكلة

ناس عن اعراض العرب ما يعرضون
ودايم على نفس الشكل والشاكلة

في سلمهم او لا بالاكل الاقربون
واطيبهم اللي صيدتة شكواك لة

يدعيهم الشيطان للذيب ويجون
هذا يقطع لة وذاك يواكلة

من جاك منهم لا تبين لة سنون
واضرب يمينة لا بغى يسراك لة

يا جعلهم فدوة ثر الغض الفتون
اللي على درب الطويل اخطاك لة

طيفة الى نام البشر زادك بهون
وطيفك الى نام البشر سراك لة

حبة دفان ومقبرة خضر الطعون
بين العظام العوج كنك ناكلة

فلو غلاة يوردك حوض الجنون
ولا يوصف لة غلاة احكاك لة
6- اذا لم تكن شاعر .. هل لك محاولات في كتابه الشعر ؟!!
محاولات وخربشات لم ترا النور

7- لك مساحه بلآ حدود امتعنا بقصيدة على ذوقك ؟!!
مشتاق لك يا زين و الله مشتاق ..
مشتاق للعين هي و الجديله ..
مشتاق اشوف البدر و الزين مياق ..
يرسل لنا من نور وجهه سديله ..
مشتاق اشوفك يا منى الروح منساق ..
يمي ولا غيري تدور بديله ..
ترى الجفى يا زين و الله ما لاق ..
ما لاق لك لا و الذي ندعي له ..
متى اشوفك عند غيبات الاشفاق ..
و تبري جروحن قبل هذا عليله ..
شاكر لكم حسن الاستضافة
واتمنى اني ماثقلت عليكم
واترك لكم اختيار الضيف التالي
ة

والناس نادوا عنترة باسم مسعود

رد: || ... عضو في ضيافه قوافينا الشعريه ...||

سلطان الشوق

أنار تواجدك عتمة صفحتي

لا حرمني الله هذا المرور القيم

أدامك الله بكل خير

رد: || ... عضو في ضيافه قوافينا الشعريه ...||

1- مامدى علاقتك بالشعر ؟!!
احبه بس ما اعرف اكتب

2- من هو شاعرك المفضل ؟!!
سالم السيار / محمد جار الله السهلي

3- اذكر الأعضاء الذين تثق في ذائقتهم الشعرية في منتدانااا ؟!!
رقيق المشاعر

4- بيت شعر يحضرك دائما ؟!!

http://www.salemsayar.com/site/tfa9e...s/tfa9el20.jpg

5- قصيده تعدها من اروع القصائـد ؟!!

http://www.salemsayar.com/site/leeh/...msayar-com.jpg

http://www.salemsayar.com/site/leeh/index.htm

6- اذا لم تكن شاعر .. هل لك محاولات في كتابه الشعر ؟!!
لس لدي محاولات ..
اتمنى اكون ممن يكتبون الشعر

7- لك مساحه بلآ حدود امتعنا بقصيدة على ذوقك ؟!!

http://www.salemsayar.com/site/tfa9e...s/tfa9el24.jpg

رد: || ... عضو في ضيافه قوافينا الشعريه ...||

نغــم الحب
كم انا سعيده لاحتضان متصفحي
كلماتكِ الرقيقه
من القلب اقول لكِ شكرا
شكرا تعانق عنان السماء ..

رد: || ... عضو في ضيافه قوافينا الشعريه ...||

اقتباس:

المشاركة الأصلية كتبت بواسطة الفجر البعيد (المشاركة 540291)

نغــم الحب
كم انا سعيده لاحتضان متصفحي
كلماتكِ الرقيقه
من القلب اقول لكِ شكرا
شكرا تعانق عنان السماء ..

بعد عمري فديتك والله

انا الي اشكرك على طيبت قلبك

الله لايحرمني منك