الوردة الحمراء طرّف الليل والأشواق حرّاقه والمواعيد ملّت من تحرّيها كل ماوايقت عيني مع الطاقه !! تلمح وجيه تبغاني .. ولا أبيها مالها لا جمل عندي ولاناقه كل عينٍ تلد لعين غاليها ماثنى عرق صدري فوق خفّاقه غير مهرة عقيدٍ عند راعيها بنت قومٍ على الوقفات سبّاقه تعرف فعولها .. قدام أساميها الطواري تمر ابها على فاقه حي طاري الغرام !! وحي طاريها بعد غيبة شهر للوصل مشتاقه كابرت لين جاب الشوق تاليها أقبلت للقاء والعشق توّاقه كل غصن إيتثنى من تثنيها خلّت أطول ظفايرها على الساقه كنّها الصبح والليل امتقفّيها غيمةٍ من حقوق الوسم منساقه دكّها البرق .. وأشتبت مثانيها أستباحت حشاي !! وقدّت ارواقه وأمطرت في ضلوعي .. عز واليها قالت : البعد هزّ الغصن واوراقه قلت : حبلٍ خذا الدلو بعراويها أعطي الطير حريته ومسباقه ودّه يصيدها .. والاّ يخاويها لكن ( الورده الحمراء ) من الباقه أخذي العمر يفداك .. وعطينيها !! مطلق بن شويه |
رد: الوردة الحمراء |
رد: الوردة الحمراء صح لسانك قصيده جدا رائعه يعطيك الف عافيه دمت بخير |
رد: الوردة الحمراء فيصل مرورك الاروع يالغالي |
رد: الوردة الحمراء انشودة مرورك يسرني |
الساعة الآن 07:38 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..