خل نتنآقش شوي..

بسم الله الرحمن الرحيم

‏<‏<مدخل
عآمل النآس كما تحب ان يعآملوك..

السلام عليكم ورحمة الله وبركاته


لاحظت فالآونه الأخيره ان بعض النآس صاروا يتخلون عن صفات حلوه مع بعض النآس..والسبب
انو عندهم مبدأ ..عامل النآس كما يتعاملون مع الغير..
يعني كل واحد عامله على حسب شخصيته..على حسب مايعاملك..

ليه طيب..
كذا يبقى الخطأ خطأ..


انت عامل الناس كلهم معآمله حلوه..إلا في حآله وحده إذا غلطوا عليك اكثر من مره سوي حاجه تخليهم يوقفون الغلط وبس..وضح لهم انهم على خطأ..وبعدها لاتحقد عليهم..ويكون حقد فدآخلك لما تموت..ولا تخلي خطأهم يعميك عن حسنآتهم إللي سووها قبل الخطأ وبيسوونها بعد الخطأ..


نرجع لموضوعنا..المعا مله..


اول مثآل: انت مو من عادتك تذكر عيوب الناس الخلقيه ..
بس انك جلست مع شخص يذكر عيوب الناس دايم وانت تدري انه يذكر عيوبهم عشان يخفي عيوبه..
تقوم تطلع له عيوبه..وقدام الناس..و بطنازه بعد ..
ليه..؟ لأنه يسوي كذا مع الناس

هالطريقه خطأ..وممكن يعاقبك الله عشانك سويت كذا..
طيب هو يسوي كذا مع الناس الله يحاسبه..انت يعني تبغى تكسب ذنب عشان تعامله مثل معاملته مع الناس..

^
^
طبعا" هذي اكثر شي تصير عند الحريم..


مثال ثاني..
انت مسوي عزيمه..
تروح تعزم كل الناس الا جارك..
مع العلم انو جيته ماراح تنقص شي من اللي بتقدمه للرجاجيل..

نجي للسبب
السبب انه مايعزمني..طيب.. انت منت محتاج لعزيمته..بس الرسول صلى الله عليه وسلم وصآنا بالجآر..يعني مآراح نسمع وصية رسولنا عليه الصلاة والسلام إلا إذا جارانا سمع وصيته وقآم بها.؟




بالنسبه لي ومن وجهة نظري..لازم نعآمل الناس مثل مانحب انهم يعاملونا..







انتم يالقرآء وش رآيكم...؟

صديقة القلم

انا من النوع اللي ممكن اعاملك مثل ماتعاملني بس في حالات نادرة خاصة اذا شفته مو معي مع كل الناس هذا اسلوبه خلاص اعرف ان هذا مافية حيله واعامله بالمثل

هلا فيك اخوي سمو الإحساس..رايك على العين والرآس مع انه مخآلف لرأيي..بس انا اقول المفروض مانشوف الناس وش يسوون ونسوي مثلهم المفروض نصير احسن منهم..تقدر تبين له انه على خطأ..

على العموم وجهة نظر اقدرها..وهذا رايك..^_^ مشكور على مدآخلتك الصريحه..

صـديـقـة الـقـلـم

أولاً : أشكرك على الطرح القيم

ثانياً : أنا من وجهة نظري إن أعامل الناس كما أحب أنهم يعاملوني حتى ولو أخطأو بحقي أو لم أجد منهم تعاون أو

تغيير

فهذا لا يهمني أهم شي نظرتي لنفسي

أشكرك على الطرح الراااائع

كلام جميل

وطرح قيم ومفيد


والدين المعاملة.
السلام : سلم على من تعرف ومن لا تعرف
الدعاء: أدع للناس بالخير، و صدقني الدعاء في ظهر الغيب له تأثير عجيب بين قلوب الناس، لأن هناك ملك خاص يقول "و لك بمثل" تخيل أن الملك يدعو لك كما أنت تدعوا للآخرين! فتحل البركة بينك و بين الذي تدعوا له.
و كما تدين تدان، فأعلم أن كل ما فعلته للآخرين سوف يعمله شخص آخر لك، فأنتبه ماالذي تقوله و ما الذي تفعله.