ادارة مستشفى الرويضه خافو من ربكم

السلام عليكم ورحمة الله وبركاته

صراحه انا لا اعرف هل يوجد ادارة في مستشفى الرويضه ام لا .؟؟ !! هم ماذا يفعلون ؟ ! ما يخافون من ربهم ..

قسم الاشعه .. حدث ولا حرج لا تقيد بزي الرسمي الخاص بقسم الاشعه اليوم الصباح لقيت واحد منهم متكي في سيارته بلغتره والعقال كنه في بيت اهله قاعد يشرب شاهي والناس والمرجعين قاعدين ينتظرون حضرته والمشكله كبار السن والمعاقين . وين الاداره عنه ليش ما يلبس زي رسمي مثل باقي المستشفيات والبطاقه الخاصه بلعمل .والمشكله في فترة المساء واليل ما تلقاء احد في قسم الاشعه يا قاعد في الصيدليه مع الصيدلي او مع الدكتور في الاسعاف او مع الامن ومخلي المراجعين لا حول لهم ولا قوه .. انا عندي سوال لمدير المستشفى ليش ما يطبق النظام ويخليهم يلبسون الزي الخاص بــ الاشعه والبطاقه وهنا ما اقول الا الله يرحم ايام الاستاذا خالد الفيفي . المشرف العام السابق على المستشفى كان يخليهم يتقيدون بزي الخاص بهم غصب عنهم .. والله يرحم بعد ايام الاجانب اللي كانو قمه في العمل في السابق قبل ان ياتي النظام الجديد . اللهم لا شماته في ربعنا ..

وقسم المختبر في شهر رمضان والله العظيم وانا عندي المعلومات من موظف في المستشفى يقول احيانآ قسم المختبر ما يكون فيه احد وحصلت معي انا بعد جيت في اليل الساعه وحده تقريبآ ما لقيت احد سالت شباب متكين عند الاسعاف قالو بيجيك بيجيك واعتقد انهم في قسم الاستعلامات وسويت نفسي رحت وسمعت احدهم يكلم واحد بجوال يقول له ترا فلان ما جاء تعال شف وش يبي الرجال وبعدها عرفت ان ما فيه احد اصلآ في المختبر . وان الرجال في ديره بعيده وطنشهم اليوم طيب اذا جاء حادث وطلب دام او حاله خاصه تبي تحليل وش راح يسوي المستشفى والمشكله الاكبر ما فيه مدير مناوب واكيد يلعبون على انفسهم المدير المناوب بتلفون من جاء ومن راح من الموظفين والمرجعين ما عليه منهم ومكتبه دايمآ فاضي . اذا كان كذا ليش ادارة المستشفى تخلي فيه مدير مناوب تخليه يقعد في بيتهم احسن ..؟؟ !

الخدمات المسانده ... لا نظافه وبنقاله وسخين وعاملات نظافه وسخات وتنظيم فاشل ومضحك مدخل الاسعاف بدال ما يحطون فيها ورود وشي يفتاح النفس حاطين شجر ههههه وخدماتهم سطحيه جاهليه
وريحت البياره وانتم كرامه عند درايش تنويم الحريم اول مره تصير في مستشفى صراحه .هذولاء بيمرضون الناس مو بيعالجونهم .. ؟ ! والاستقبال ما فيه احد والتلفون يرن ولا احد يرد عليه ؟ !

خافو من ربكم انتم مسئولين عن ناس حاسبو المقصرين بدون مجاملات . وين هئية الرقابه والتحقيق العام عنهم وين التفتيش عنهم ما يخافون من الله هولاء ...

اللهم اني بلغت اللهم فشهد ...

أضم صوتي لصوتك مستشفى الرويضة يبي له ادارة تعرف تدير مستشفى ماهوب الحاصل الان ماشي بالبركه ودقة الحنك !!

وانا اضم صوتي بعد

لاكن هناك مشكلة تواجهه المديرية وهي عدم وجود من هو اهل للمساؤلية لادارة المستشفيات وهذي لمستها

من مراجعتنا لهم للمطالبة بما يخص المستشفى لاكن مستشفى الرويضة نواقصة كثير وليست مجرد نظافة او التقيد

بالزي الرسمي او عدم الالتزام بالعمل فهناك مصائب خافية وارواح ناس بسبب الاهمال

مثلا انا في بداية رمضان وبحكم تواجدي في المستشفى وقتها عندما كان عمي منوم بالعناية

كان هناك مصاب من العماله الوافدة ولدية نزف شديد وكان الاطباء موجودين و فني المختبر موجود

وكان العامل بحاجة شديدة للدم ولا يوجد بالمختبر دم فعرضنا على فني المختبر انا ومجموعة معي من الشباب

التبرع بالدم لاكن رد علينا الفني يلزمكم الذهاب لمستشفى القويعية لتتبروعو هناك لان مختبر القويعية لا يوجد

بة دم وانهم يتم تزويدهم بالدم من القويعية لان مختبر الرويضة حسب كلام الفني لايوجد بة بنك للدم ولا اكياس للتبرع

مستشفى على طريق دولي حتى اكياس التبر ع لا تتوفر فية وحسب معرفتي بالمختبر غرفتين واسم مختبر على

المدخل وغيرة يفتح الله وباقي الاقسام ليست احسن حالا من المختبر

المهم فني المختبر حب يسوي شي مع العامل الي يلتقط انفاسة احضر كيسين بلازم جامدة ثلج واعطاها للمرضة

سالتة كيف اذيب الثلج فحضر قدر بة ماء حار ووضع البلازم فية كأنها دجاجة متجمدة

وبعدها تم حقنها في اوردة المغلوب على امرة العامل ولم يكن له من ردة فعل ل الا ان لفظ انفاسة ومات

وغيرها وغيرها الكثير الكثير من المصائب لاكن مستشفانا لما نتوانا للمطالبات لدى المديرية ونسمع منهم

الرفض لجميع مطالبنا وكانهم غير معنين من هذا المستشفى وبقي لدينا ديوان المظالم او الديون الجديد مكافحة الفساد

لعل الله يفرج همنا الكبير مع المديرية وبهمة شبابنا ونحن معهم بذن الله٠

المستشفى بكبره يبي له رقاابه كامله من الى

المستشفى يحتضر في ظل وجود الاداريين الذين ليسوا قد للمسؤلية لانحيازهم الواضح
ل(اخواني _ولدي_جماعتي_من قبيلتي )والكل يعرف القصد
والمستشفى طززززززززززززز