مجالس الرويضة لكل العرب - ياهل الزرفات بكرة كان مريتو طوارف خلي

http://bani-3abs.org/uup//uploads/im...75dc005181.jpg
من أجمل القصائد النبطيّه للشاعر عبدالله بن دويرج

[ياهل الزرفات بكره كان مريتـوا طـوارف خلـي
خبروه اني شكيت الهم والساموح عقـب فراقـه
مانسيت الصاحب اللي بالموّده والهوى صافي ليّ
جالي أصفا من غدير (الجلت)وحلا من حليب الناقه
مانسيته يوم أنا أنهل من كما..ذوب العسل واملي
خابرٍ نفسي عيـوف ولاتدانـي عقبـه العشاقـه
مع ثلاثٍ عارضني صبح يـوم العيـد دق وجلـي
وصفهن ثنتين جل وثالثتهٍن بالوصـوف ادقاقـه
أنهب الممشا لجلهن مير أهـن ماودهـن يدنلـي
كل ماقربـت منهـن خالفنـي وقطعـن الساقـه
يالطيف الحال غظّات الصبايا كيف مايـاون لـي
-حملنيّ من كثيب الرمل ملموض وعليه وساقـه
صابني منهن هنوفٍ من لماها علتـي ودون لـي
ودي أصبر مير قلبي من فراقـه غـاديٍٍّ حراقـه
صرت مثل اللي يعبر في زمانه كـل حـل بحلـي
الله أقوى كل عبـدٍٍ مشتكـا حالـه علـى خلاقـه
كن عينه عين شيهـانٍٍ ربـا بالنايـف المتعلـي
أو كما عين الغزال اللي يلـد أبهـا علـى دراقـه
جادلٍ تل الضمايـر فـي كلاليـب المحبـه تلـي
تل هجنٍٍ في سموم القيض عطشا والشراب شفاقه