|
|::| أمــــــي |::| الســــلام عــــليكم هـــذي قصــــيدة عــن الأم للشـــاعر " حـــــامد زيــــد " إن شــــاءالله تعـــــجبكم =============== =============== ============ قصيدتـي زاد بعيونـي جمالـهـا واخذت أنقـي بالمعانـي جزالهـا واكتب معانيها من الشوق والغـلا لأمي وأنا اصغر شاعر ٍمن عيالهـا كتبتها في غربتـي يـوم رحلتـي لمـا طرالـي بالسفـر ماطرالهـا امي وانا بوصف لهـا زود حبهـا وان ماحكيت لها قصيـدي حكالهـا امي لها بالقلب والجـوف منزلـه مكانـة ماكـل محـبـوب نالـهـا اقرب من ظلالي وانا وسط غربتي وانا تراي اقرب لها مـن ظلالهـا ماشافت اعيوني من الناس غيرهـا ولا خلـق رب الخلايـق مثالـهـا اغلا بشر في جملة النـاس كلهـم واكرم من ايدين المزون وهمالهـا اتبع رضاها ورتجـي زود قربهـا واللي طلبته من حياتـي وصالهـا الصدق مرساها والاشواق بحرهـا والعطف واحساس الغلا راس مالها اهيم فيهـا وابتسـم يـوم قلبهـا يسأل وانا قلبي يجـاوب سؤالهـا وان اطلبتني شـي فزيـت مندفـع اموت أنا واحمـل تعبهـا بدالهـا واصبر على الدنيا والاحزان والتعب واحمل على متني فطاحـل جبالهـا واسهر اعذب راحة القلب بالشقـا واعيش اعاني بس يرتـاح بالهـا تربية ابوي اللي على الطيب بذكرة اللـي وهبنـي الحيـاه ومجالهـا نور لي ادروبي وانا طفل مبتـدي حتى تركني واحـد مـن رجالهـا الوالدين اولـى بالاحسـان لجلهـم وأولى بتكريـم النفـوس وعدلهـا اقولهـا وانـا علـى الله متـكـل والله عليـم بقدرتـي واحتمالـهـا ياكلمة اغلـى مـن النـاس كلهـم ياشمـس بقلبـي بعيـد زوالـهـا يافرحة تملي لـي الكـون باكملـه ياشجـرة تكبـر ويكبـر ظلالهـا تضحك لي الدنيا ليا شفـت زولهـا مثل السمـا تزهـا بطلـة هلالهـا والبعد عنها ياهل العـرف ماقـدره لاشـك نـاري زايـدة بشتعالهـا ماعيش ببلاد ولاهيـب بأرضاهـا ولابي عيوني كـان ماهـي قبالهـا أرض ٍ تدوس امي بالاقدام رملهـا اموت فيها واندفـن فـي رمالهـا =============== =============== ========= وســـــلامتكم |
وأندفن في رمالها الله رائعة لشاعر أروع دام احساسك الراقي ( الفاتِك ) http://www.shathaaya.com/vb/images/smilies/i.gif |
تضحك لي الدنيا ليا شفـت زولهـا مثل السمـا تزهـا بطلـة هلالهـا صح لسان الشاعر الكبير حامد زيد الذي نزل للاسواق قبل ايام ديوانه الصوتي الثاني والذي يضم قصائد جميلة جدا وصح لسان اخوي الفاتك الام تستاهل اكثر من ان ينقال فيها قصيدة مشكور اخوي والله لا يهينك |
مشكور أخوي الفاتك على هذا النقل المميز عن الأم,,,,والأم تستاهل أكثر من ذلك,,, تحياتي,,, |
تسلم اخوي الفاتك والله يعافيك |
| الساعة الآن 09:08 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..