صبحية البـرد شينـة وأنـت بلحالـك
كنّك على كثر ناسـك عايـش بمنفـى

بالذات ... لا جف دمع .. وسال في بالك
والله لـتبطـي تبـي تدفـا ولا تـدفـا

تفـرك يدينـك قلـق ويزيـد غربالـك
لا شفت حلمك يشب ويكبر ويطفـى !!

رغباتك اكبـر مـن أشعـارك وجوالـك
والبـرد بحـرٍ بـلا ساحـل ولا مرفـا

ويحـدّك انـه علـى مالـك ومـوالـك
ضمير مخلوق من نطفة ندى وأصفـى !

يابنت لا جاه أبـوك ولا تـرف خالـك
هـي أمنيـة والأمانـي مالهـا تكفـى

تصير أصابـع يدينـي قفـل سلسالـك
وتعليقتـه ناحـلٍ مبطـي يبـي يغفـى

وهنـاك مـا ادفـاك ياخلـي هنيّالـك
لو هو عليّه سكنته موطـن ومنفـى !!