ذعذعي ياهبايب نجد

ذعذعي يا هبايب نجد لا طاب نـوم السالـي
وانعشيني بريح ٍ مـن ربـى نجـد للشرقيـه


رحمة الله نسناسك علـى غترتـي وعقالـي
كنها الوصل والبيد شهبـا والديـر محميـه


مرحبا يا هبايب يا هلا وان خطر فـي بالـي
صاحب ما نساني مرحبا بـه علـى طاريـه


يحسب اني نسيته وانجلى همـي وغربالـي
واثرني ما نسيت الي سبـا بالهـوا عانيـه


وكل ما هب نسناس الغلى من ديـار الغالـي
هب في القلب من ريح الصبا عبـرة نجديـه


وان جحدت الدموع مـن المـلا آه واعزالـي
وان غشتني دموعي لعن ابا الحب والحنيـه


والله اني صبور ٍ والبلا يـا صرايـم حالـي
لا تذكرت دمع ٍ ما غبـى لـو جحـد راعيـه


واحد ٍ ما جحـد حبـه ولا شمـت العذالـي
جاهر بالغلى حلو النبا مـن صفـاوة النيـة


كان ما له سوى تاج الحلى واسم جد وخالـي
صار( بلقيس) وفي وادي سباء والحشى واديه


وله جموع ٍ تنادي بالولـى منتخبتـه والـي
في خفوق ٍ حماه من الضبا وحرمه وسميـه


ولي عيون ٍ تحدى وتخلى من كراهـا لحالـي
كنها تقول للنـوم تهبـى منـت كفـو ٍ ليـه


غلق الصبر والصدر امتلى بالغالـى وامالـي
شتتتهـا ريـاح الاقربـا والسنيـن معـيـه


علتي .. علتـي والمبتلـى لا جفـاه البالـي
ما له الا حصانه لو كبـا فـي نهـار الهيـه


سامح الله خلي لو سلى عن ربيـع وصالـي
وسامح الله قلبي يوم ابا يندفـن فـي حيـه


وسامح الله هبوب ٍ بالغلى من ديـار الغالـي
ذعذعت لين ذعـذع للصبـا عبـرة نجديـه




ضيدان بن قضعان

يعطيَك الَعافِيهَ عِلَىِ الِأبيَآتَ آلرِاِئعَه ،
والكَلِمآتَ المُمَيزِهـِ ..

بـ آنتَظَاِرِ جَديدِكَ ‘,
دُمِتَ فيَ حِفظً آلرِحَمنِ ورَعآيتهَ ..

الفجر البعيد

سرني مرورك العطر

ابيات رائعة
كل الشكريات

فيصل

مرور راائع

لاعدمتك