|
ღ♥ღ(رَحَلت ْ .. وعِقبكْ الدنيا غلاها طاح مِنْ عينـي )ღ♥ღ تِصَدِّق وإلا ما تِصَدِّق .. أنا عَاجِزْ عَنْ التفكير تعَالْ وشُوفْ في عينِكْ غِيابكْ وشْ عَمَلْ فيني حبيبي ما بُقى عِندي صَبرْ .. يتْحَمَّلْ التأخيـر رَحَلتْ .. وعِقبكْ الدنيا غلاها طاح مِنْ عينـي أجَاوبْ اللِّي يسْألني عَنْ أخْبَاري وأقولْ بخيـر وأنا لا خِير بغيابكْ .. ولا حَاجَـه .. تهنينـي على طاريكْ كِلْ لحظه .. ولا أحتـاج للتذكيـر حَريصْ القلب ما ينسَى عيونِكْ , لا توصينـي مَحَدْ يِقْدَر يعَوِّضْنِي لأنِّكْ .. في عيُوني غيـر ومَهْمَا شِفتْ أنا الفرحَه .. بدونِكْ ما تسلينـي أنا خِنتِكْ .. وهالغلطه حبيبي ما لَهَـا تبريـر علاقة حُبْ مَجْنُونَه .. ما بينْ أحزاني وبينـي وكيف الحَالْ وشلوني .. جَوابٍ ما يَبي تفسير بدونِكْ إنتْ , ما تِضْحَكْ حَياتي وترْمِشْ سنيني مِثلْ شَاعِرْ عِجَزْ يوصَفْ شعُوره وخانه التعبير أنا ضايع .. ولا أدري مِنْ فراقِكْ .. أنا ويني مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر أحَاولْ أبْتِسِمْ وأنْسَى ولكنْ وشْ ينسينـي..؟! أشُوفِكْ في صباحي إنتْ مَعْنَى يا صباح الخيـر وأشُوفِكْ في مَسَائي حِلْم وردي .. لا تصحيني تِصَدِّق .. السَهَر يَرْسِمْ عيُوني ويتْقِنْ التصوير ويشِقْ النُور في صفحة حياتي .. وما ألاقيني أنامْ شلونْ ومشكلتي عِجزتْ ألقى لَهَـا تدبيـر طِلَبتْ النُومْ .. لحظاته وعيَّى النُـوم يعطينـي تغيَّر وجْهَي .. مِنْ أوَّل غيابكْ وإبْتِدَى التأثير حبيبي .. مِنْ التَّعَبْ كافي خذيتْ اللِّي يكفينـي يا أغلى مِنْ رَحَل عنِّي يا كِلْ الحُبْ والتقديـر تعَالْ: إنْ كان لِي عِندِكْ مَعَزَّه وكـان تغلينـي تعَالْ: إنْ كِنتْ تعشقني وإذا فِعلاً تبي لي خيـر تعَالْ: ومِدْ لِي .. كَفْ الوَصِلْ .. وآمِدْ كَفينـي إذا كانْ الجِفا واجِبْ بدى مِنْ قلبـي التقصيـر أبيكْ الحِينْ .. تِرجَعْ لِي ولا تِرجَـعْ تخلينـي أنا ما أقولْ اللِّي صَار فِيني ما هقيتـه يصيـر لأنِّي كِنتْ .. ( مِتأكِدْ ) .. بأنْ البُعـد ينهينـي |
رد: ღ♥ღ(رَحَلت ْ .. وعِقبكْ الدنيا غلاها طاح مِنْ عينـي )ღ♥ღ اقتباس:
:4b2d4742a4: انشودة المطر تقبلي مروري |
رد: ღ♥ღ(رَحَلت ْ .. وعِقبكْ الدنيا غلاها طاح مِنْ عينـي )ღ♥ღ أدهشتني فخامة حرفكـ هنا لكِ مني كل الودٌ وأكليل ورد |
رد: ღ♥ღ(رَحَلت ْ .. وعِقبكْ الدنيا غلاها طاح مِنْ عينـي )ღ♥ღ الله كلها روعه وكل بيت احلي من قبل سلمت يمناك وصح السان شاعرها |
رد: ღ♥ღ(رَحَلت ْ .. وعِقبكْ الدنيا غلاها طاح مِنْ عينـي )ღ♥ღ كلمات رائعة صح لسانكـ كل الشكريات عل الاختيار |
| الساعة الآن 11:22 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..