يا زين الفول مع التميس وزمردة تغني للرئيس

يالله حي كل واحد(ن) باسمه
ها الحين متى مباراة النصر الجاية ( لا تقولون نصراوي وما يدري متى مباراة فريقه )
البلا والله البلا من كورتنا تلعب في الاسبوع ثلاث مباريات ثم تنطق شهر ما تطق كورة
تخلي المشجع يقول في نفسه أكيد صدر قرار من لجنة الانبطاح بإيقاف النصر اربع مباريات
ولا تستغربون ها الشيء يحصل في كورتنا
تقوم الصبح وتلقى خبر ( اصدرت لجنة الانبطاح قرارا بايقاف نادي النصر اربع مبارايات بسبب كبري في المرشدي )
المهم كني سامع إن مباراة النصر الجاية مع نادي الشباب
وبعيدا عن تذبذب مستوى النصر فنيا وعتب معظم الجماهير
على ما يقدمه الفريق من مستوى لا يليق بالعالمي
لكن المباراة الجاية يجب على جماهير النصر أن تحظر وتشد من أزر اللاعبين
وتثير الحماس فيهم
فالمدعو البلطان ما انفك يسيء للنصر وجمهوره ولم يردعه أحد من رجالات النصر
وخصوصا رجالات الادارة السابقة البارعين في الثرثرة والطنطنة على العمل داخل النصر
وهذا يومكم يا جماهير العالمي وخاصة جمهور النصر في الرياض ،
مهوب الواحد ينسدح لي في بيتهم ويتلحف بالفروة
ويمدد كراعينه اللي كنها اصياخ كباب على طاولة التلفزيون
ابجيب تفتر ابو خمسمية واسجل اسم كل واحد يحظر
وياويلك يا الزلمة نصراويا سكاكا ان ما حضرت
ابيك تجي لو على حراثة ابومرحوم والوعد الملعب يا محمود الرواشدة

هالحين يا البلطان يومك كل يوم ناقز لي في قناة وتهين في النصر وجمهوره
ابي صفة هالنصراويين اللي في المنصة يعطونك
ولو عشرة في المية من مسرحية البلطان في قبضة الزعيق
لكن النصراويين اسود فيما بينهم نعام على خصومهم

البلطان طاقته الغلقة من فريقك اللي بدون جمهور
ورى ما يشتري النصر عقود عيال عطيف مقابل
اعارة الشباب الف مشجع من جمهور النصر
لمدة موسم واحد فقط مع راتب عشرين الف ريال لكل مشجع

البلطان يقول عن لاعبي فريقه حلالنا والفاظ
تدل على عصر العبودية والمماليك والجواري مابقى الا يقول
احظر العواد يعزف لنا موشحا اندلسيا تغنيه الجارية زمردة

سلمان القريني مدير الفريق الأول مثل ماله ايجابيات له أخطاء
ولكن ما يحدث هذه الأيام تشعر وكأنه سيناريو محبوك
والدور الآن على عامر السلهام والهدف الرئيس الاطاحة بالرئيس وتطفيشه من النصر

اللي حول الرئيس واللي يسترزقون من الرئيس
والنصر اخر اهتمامات خندريس
ويازين الفول في المربعانية مع التميس
واللي يضربون خصومهم باسم الرئيس
أقول لهم الأيام ستعريكم الاربعاء او الخميس

نغمة جديدة بدأت تظهر في لاعبي النصر واتمنى قتلها ودفنها
وطرد كل من تسول له نفسه تسويقها داخل النصر
هذه النغمة هي ولاء اللاعب لرئيس او إداري أو عضو شرف وهذه مصيبة
لو استفحلت وكبرت وغاصت جذورها في اعماق أرض النصر فولاء اللاعب للنصر فقط
فيكفي ان هناك البعض من جماهير النصر اصبح ولائها للأفراد اولا والنصر ثانيا


مدرب النصر متى بتعقل وتسنع فريقنا لو في مباراة وحدة الى ها الحين وانت تجرب
عند النصر لاعبين كويسين بس يبي لهم واحد يسنعهم مضبوط
من حسانتك يا ديسلفا هي ابعاد كبار السن عن الفريق


ثلة اصبحوا بلا هوية
او لنقل بلا راع يجزل المهية
وما يدرون وين يروحون
وجالسين عند محطة القطار يتشاورون
نروح لمنفوحة والا للجرادية
والا نمغطها لجدة نتمشى في الهنداوية
واستقر المقام في فيفا الجنوبية
احترم الشباب واقدر الشباب ولكن رئيسه لا يستحق الاحترام


منقووووول