|
تغيرت نظرتي عن الكدش (قصة)~ همس الشفايف السلام عليكم ورحمة الله وبركاته مسائكم سعيد ياربي الكل منا يعرف الكدش الي انشر وبشكل سريع << وكلنا نظرتنا لهم انهم اشخاص سطحيين جدا http://up2.m5zn.com/photo/2009/3/4/02/wb2stzffl.jpg/jpg وممكن البعض يعتبرهم خكاريه ؛< سوري على هالكلمة انا بقول لكم قصة عشتها الاسبوع الماضي وابي تعليقاتكم حولها ماشي؟ يوم الاربعاء الساعة 10 تقريبا كنت في سنتر بوينت center point< وحنا في السلم الكهربائي   قدامي في رجال معه 3 اولاد ويصفق فيهم حلو << مافيه الا قوة جلد والعالم كلها مستغربه هذا وشفيه على عياله المهم الرجال ماهمه احد وهاك ياطق وتصفيق في هالعيال العيال طبعا صغار < ماعلينا هالرجال معه زوجته حلوو < ولما شافت ابوهم يصفقهم قالت( ليت الله ولا هالطلعه) محد يلومها والله العظيم انها منقهرة على عيالها ينهانون من ابوهم وقدام الخلق المهم وش سوا الابو السنع <<< قام وعطى زوجتة كف <( جعل يده الكسر) قدام العالم والله العظيم انو برقع الحرمه طاير من قوة الكف والعالم هنا كلها هجده مستغربين وش قاعد يصير والله العظيم اني اشوف الدمعة بعين الحرمه < حسره بالقلب والله المهم والله ويجيك ولد (كدش) ويصفق الرجال بكف << والعالم الي في السوق كلها تصفق للولد وماتسمعون الا قوة تصفير وتشجيع << الله لايلومهم انقهروا من الي شافوه والكدش قال للرجال ( شف والله لوها اختي لامسح بخشمك الارض ) الغريب بالامر انو الرجال انسحب من المكان مثل المهزوم << وماحصل غير الفشيله < يعني يلقط وجهه بس الله يعين هالحرمه في البيت وش بيسوي فيها وش رايكم بالي حصل؟؟ بصراحه هذاك الوقت الولد الكدش كل الرجال جوه وحبوا خشمه << لانه تجرأ يسوي شيء محد يتجرأ يسوويه < والقصة انا عشتها ما اقول لكم قالوا لي ؟ اقولكم انا شفت يالله رايكم شباب <<< |
رد: تغيرت نظرتي عن الكدش (قصة)~ همس الشفايف همس موضوع تمنيت النقاش فية وهذا انا اقف بين سطوورهـ الكدش نظرت المجتمع لهم بإنهم شااذين وغير متربين يعني عيال شوارع بالعربي ولكن الشباب بشكل عام في سن المراهقة يحب التقليد صح انهم على غلط بس انو مانجردهم من التربية ونجعلهم مهمشين قد لايكون هناك من نصحهم وانا متأكد لو احد جلس معاهم بأسلوب الاقناع فستجدهم مستجيبن لك وشاكرين انتي رأيتي بعينك مافعل هذاالشاب امام الجميع امام زوجها بسبب القهر بسبب انهـ حس ان هذة المرأة المغلوب على امرها اختة ولم يرضى لها الاهانة فعل ماالم يفعلونة الكثير ومتأكد انه كان حاظر هذة الشاهده الجميع الصغير والكبير الشاب والشيخ والعاقل ولم يفعلو مافعله هذا الشاب قد تكون اشكالهم غريبة ولكن ليست قلوبهم وعقولهم مثل الباسهم تتغير في الحين والاخر شدني الموضوع اسف على الاطالة |
رد: تغيرت نظرتي عن الكدش (قصة)~ همس الشفايف اقتباس:
هلا ومرحبا فيك اخوي ~ اقتباس:
ايوه تماما مثل ماقلت كذا نظرة الناس لهم وانا اولهم < بعد بعد هالموقف مدري احس تغيرت نظرتي لهم كثير ومايصلح نعمم على اغلب الكدش انهم منحرفين او ماتربوا << لانو ممكن نظلمهم وقتها هالكدش كان بطل في عيون الموجودين حتى الحريم الكبار يدعون له احلى دعوات < يستاهل اكيد شاكرة كثير تواجدك خيووو لاهنت ~ |
رد: تغيرت نظرتي عن الكدش (قصة)~ همس الشفايف همس الشفايف مو شرط نظرة الناس أهم شي نظرة الشخص لنفسه لأن نظرة الناس تبنى على الشكل الخارجي فقط ولاكن أهم شي الجوهر الداخلي فهذا الشاب كان مقلد للشباب في مثل سنه وكان مظهره لدى العامه يوحي بأنه شاذ ولاكن ما فعله الشاب للرجل كان يدل على الجوهر الداخلي له وياله من جوهر رجولي عجز عنه كل الأشخاص الموجودين ومن بينهم من كان مظهره الخارجي يدل على أنه رجل بمعنى الكلمه ولا كن جوهره الداخلي لا يدل على ذلك لأنه لم يفعل شي وأكتفى بالمشاهده وأرجو أن لا نحكم على الشخص من مظهره الخارجي أداً أشكرك أختي همس وآسف على الإطاله |
رد: تغيرت نظرتي عن الكدش (قصة)~ همس الشفايف انا لا اعتبر اهل الكدش شاذين ابدآ فهم رجال ولكن غلب عليهم التقليد في المظهر الشاذ يجيك ناعم في كل شي مظهره وحركاته كلها ميوعه وانا احييء تصرف هذا الشاب وسلمت يده ومشكوره اختي على طرح الموضوع |
| الساعة الآن 07:33 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..