مجالس الرويضة لكل العرب - يامـا عطيتـك الـف إنذار..وانـذار أقـدر افارق..قلـت لـك : لاتحديـن .؟؟..

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

يامـا عطيتـك الـف إنذار..وانـذار أقـدر افارق..قلـت لـك : لاتحديـن .؟؟..

لحظه !! ترى ماجيت اقدم لك اعـذار
لحظه !! وبعده سـوى اللـي تسويـن

لحظه !! بصحِّح بيننا بعض الافكـار
وباقول لـك حاجـه قبـل ماتقولين

لا تحسبينـي بانثـر الدمـع وانهـار
والا اترجى واطلبـك مـا تروحيـن

روحي عسى دربك بساتيـن وازهـار
روحـي وغيـري بالمخاليـق تلقيـن

صحيح لك بالقلـب حشمـه ومقـدار
لكـن شسـوي لـك اذا مـا تحسيـن

لي قلب لامنـه عشـق حيـل مـدرار
ومن الغـلا عنـدي يكفـي ملاييـن

بس إن لقى صد وجفى صـار جبَّـار
وأقدر افـارق واهجـرك لاتخافيـن

يابنت انا لي عزتـي وباخـذ الثـار
وابغى انصحك لارحت اصحي تنادين

ماني براجع لاتقوليـن وش صـار؟
لاتسألينـي ليـه ؟ انتـي تعرفـيـن

غيـرك تمنّونـي وبالعـب وباختـار
واعشق بدالك الـف وحـده بيوميـن

وانتي رصيدك بالغلا عندي اصفـار
ماهـو بذنبـي ماعرفتـي تحبـيـن

وكل الذي لجلك كتبتـه مـن اشعـار
والله خسـاره فـيـك ماتستحقـيـن

حتى صورك اللي من العـام تذكـار
بادوسهـا وانتـي قبالـي تشوفـيـن

يامـا عطيتـك الـف إنذار..وانـذار
أقـدر افارق..قلـت لـك : لاتحديـن

ياما كنتي بقهر العذاري تستخفين
والحين تحمل كل الي بيجيك ياغدار

واليوم انا ليه اتعـب النفـس واحتـار
دامـك جرحتينـي وكنتـي تسلـيـن

إن كنت حي ومن طويليـن الاعمـار
لجرح بدال الجـرح تسعـه وتسعيـن

والحين يالله خلـي دموعـك امطـار
وباحاول اضحك طول ما انتي تصيحين

http://www.alzaemat.com/vb/images/icons2/fdf.gif

مما راق لي
الفجـر البعيـــــد

http://www.alzaemat.com/vb/images/icons2/fdf.gif

رد: يامـا عطيتـك الـف إنذار..وانـذار أقـدر افارق..قلـت لـك : لاتحديـن .؟؟..

ما راق لكي راق لي

أبيات رااااائعه

إختيار جميل

سلمت لنا هذه الذائقه المميزه

لا خلا ولا عدم

الفجر البعيد

رد: يامـا عطيتـك الـف إنذار..وانـذار أقـدر افارق..قلـت لـك : لاتحديـن .؟؟..

رقيق المشاعر
اشكر اطلالتكـ الرائعه على صفحاتي
واهديكـ اجمل باقه ورود
على كلمات روحكـ العذبه
دمت بخير ..

رد: يامـا عطيتـك الـف إنذار..وانـذار أقـدر افارق..قلـت لـك : لاتحديـن .؟؟..

صَبَاحُكُمّ سُكُـرّ

ذائقه رائعـه
دامت أحاسيسك تفيضُ بالجمال والتميز ..

http://forum.sedty.com/images/smilies/rose.gif وَِفيِ حِفِظّ الله http://forum.sedty.com/images/smilies/rose.gif

رد: يامـا عطيتـك الـف إنذار..وانـذار أقـدر افارق..قلـت لـك : لاتحديـن .؟؟..

احساس الورد
عزيزتي عبقتِ الصفحه بحضوركـ البهي
وبأريجكِ اريج الورد والياسمين
دمتِ بحب ..