|
بعض البشر طبعه يحب اللقافه بعض البشر طبعه يحب اللقافـه طول الليالـي ماتغيّـر اسلوبـه تسمع سواليفـه وكلـه سخافـه مشغول في غيره وينسى عيوبـه ذنب الكلام اللي يزيـد اقترافـه مايتعـض ولايخـاف العقـوبـه ينقل لك الأخبار مثـل الخرافـه ويعيدها في بعض الأحيان نوبـه الصدق في قوله يبيـن اختلافـه يكذب وظنه كل الأنظار صوبـه من يسمعه يسهل عليـه اكتشافـه واضح جهاته من شمال وجنوبـه هرج النميمه هي سبب كل آفـه اكبر خطا من لايحسّـب ذنوبـه حسن الطبايع مايبي لـه كلافـه درب الخطا محدٍ تجاهل دروبـه النـاس تفـرق طبعهـا بالثقافـه اليا اجتمع بالدين سلـم العروبـه اللي كلامه فيـه حلـم ولطافـه سوالفه في كل مجـال امحبوبـه تلقاه وقت الجد غيـر الطرافـه مثل النسيم اللي يداعـب هبوبـه بين الجهل واهل المعرفه مسافـه مثل الذي بين الشروق وغروبـه واجب على المخطي يبين اعترافه يستغفـر الله دوم ويقـول توبـه قلته وأنا بين الأمـن والمخافـه ارجي من الله العفـو والمثوبـه |
رد: بعض البشر طبعه يحب اللقافه تسلمين الغزال الشارد ماشاء الله أختيار فاق الجمال تسلم يمناكي على النقل ودمتي بخير |
رد: بعض البشر طبعه يحب اللقافه لاتقل روعة الكلمات عن روعة وجودك في متصفحي يالغاليه اسعدني تواجدك لاعدمته |
رد: بعض البشر طبعه يحب اللقافه قصيدة رااائئعه... كل الشكريات لك |
رد: بعض البشر طبعه يحب اللقافه عجزت اصيد الشطر ..كل شطر ماخذ له زاويه ههههههه ثانكس |
| الساعة الآن 05:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..