|
اهداء لمحمد بن تركي الهيضل السلام عليكم ورحمة الله وبركاته هذي القصيدة في الشيخ / محمد بن تركي الهيضل بديت بسم الله قبل ما أبدي القيل .. الواحد اللي كل خلقة تسيلة منزل الماء من ثقيل المخاييل .. معطي العطايا الطيبات الجزيلة منزل التورات وكتاب الانجيل .. اللي من الضيقات ينجي دخيلة اللي حمى الكعبة ودمر هل الفيل .. لين أبرهه عيت عظامه تشيلة أرسل عليهم سوء بطيور ابابيل .. بحجارة صارت عليهم هليلة وبعده نبا نبدي بزين التماثيل .. فأهل المواقف والفعول الجميلة نطاحت الواجب زحول الرجاجيل .. جمال التخوت أهل الحمول الثقيلة أخص ابو تركي بزين المواويل .. حيث أن نظم بيوتنا يستويلة لقيت انا اسمه في سجل المشاكيل .. اللي مواقفهم تعز القبيلة له مجلساً يعباله البن وهيل .. ونجراً على الشطات يجذب عويلة يضحك حجاجه في الليالي المقاليل .. حراً وعصمان الشوارب تجيلة شيد مظيفاً نيرته تجلي الليل .. في ملتقى الهيلا وقف للقبيلة وقفلهم موقف معزه وتكميل .. من حر ماله ما توسل وسيلة مهيب غريبة منك ياموفي الكيل .. الهيضلي دايم افعوله مهيلة ربعك دعاجيناً على العدل والميل .. ألاد مفلح مرويين الصقيلة لعل يفدونك هل القال والقيل .. ضعاف النفوس مخاشرين الحليلة صلاة ربي عد ما كتب من قيل .. على الرسول عداد وبل المخيلة الشاعر : الحميدي بن محمد الدعجاني |
رد: اهداء لمحمد بن تركي الهيضل صح لسانك يالحميدي ابيات جدا جزله ويستاهل محمد الهيضل .. حياك الله في مجالس الرويضة وإنظمامك لنا نعتز به اخوي الدعجاني ~ بإنتظار ماتحمله لنا من قصائد ~ ترى محاكيك يحب القصيد ~ حياك الله مرة اخرى :nabd: |
رد: اهداء لمحمد بن تركي الهيضل صح لسانك وحياك يالغالي |
رد: اهداء لمحمد بن تركي الهيضل الحميدي الدعجاني صح لسانك و يستاهل محمد الهيضل لان الرجال يما يمدحون الا المديح و اهلا بك في مجالس الرويضة |
رد: اهداء لمحمد بن تركي الهيضل مهيب غريبة منك ياموفي الكيل .. الهيضلي دايم افعوله مهيلة ربعك دعاجيناً على العدل والميل .. ألاد مفلح مرويين الصقيلة كفو والله بالدعاجين والنعمين بالهيضل يستاهل ابو تركي صح لسانك وبدنك وبداية رائعة يالدعجاني ومنتظرين منك الكثير |
| الساعة الآن 06:36 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..