.. آإطيب انواع المحبة .. { قبلها هوشـه ..

بعض المواقف تمثّلني وتَحكِيني
.. .. .. .. . .. .. .. .. .. .. .. .. وبعض المواقف جثث ماهيب منبوشه !
:
يالله مسا خير واركد لا تخليني
.. .. .. .. . .. .. .. .. .. .. .. .. افقد اعصابي ترى الاعصاب مجروشه !
:
وانته لحالك تموتني وتحييني
.. .. .. .. . .. .. .. .. .. .. .. .. مبطي وروحي سبب فرقاك مربوشه !
:
البعد والشوق والحرمان معميني
.. .. .. .. . .. .. .. .. .. .. .. .. بالمختصر والله اني ضعت بالطوشه !
:
مابين قلبي غديت وبينك وبيني
.. .. .. .. . .. .. .. .. .. .. .. .. بعض المفاهيم مجبوعه ومحشوشه !
:
قلبي وهو قلبي اصبح مايدانيني
.. .. .. .. . .. .. .. .. .. .. .. .. لانه هواوي وخبش وشُوشتَه شُوشَه !
:
يحسب جميع البشر متولعه فيني
.. .. .. .. . .. .. .. .. .. .. .. .. ويحسب درورب الهوى بالورد مفروشه !
:
وانا اتركد واركز واسبر بعيني
.. .. .. .. . .. .. .. .. .. .. .. .. واتعب على اصل الغلا واكب مغشوشه !
:
ولا لو اني أبي المغشوش يمديني
.. .. .. .. . .. .. .. .. .. .. .. .. ترست بيت الغرام وسطحه وحوشه !
:
العقل زينه وانا عقلي مقديني
.. .. .. .. . .. .. .. .. .. .. .. .. وخلط المشاعر تحط الرجل في غوشه !
:
ومادمت انا ابني الغلا والحب يبنيني
.. .. .. .. . .. .. .. .. .. .. .. .. مالي ومال الزمان وكثرة اخبوشه !
:
من يوم شفتك ياوردي يارياحيني
.. .. .. .. . .. .. .. .. .. .. .. .. والقلب فاقصى الحنايا حط لك كوشه !
:
ملكتني ملك من راسي لرجليني
.. .. .. .. . .. .. .. .. .. .. .. .. وامطار حبك على المعلوق مرشوشه !
:
حلاك عن باقي الخفرات مغنيني
.. .. .. .. . .. .. .. .. .. .. .. .. ومنظر غلاك أرسمه وازخرف ارتوشه !
:
والله والله ان كلك انت تعنيني
.. .. .. .. . .. .. .. .. .. .. .. .. وان صورتك في محيط القلب مخشوشه !
:
يافرحة العمر يامستقبل اسنيني
.. .. .. .. . .. .. .. .. .. .. .. .. القلب ماهو بلعبه كلن ينوشه !
:
وان كنت خاين عسى الله مايعافيني
.. .. .. .. . .. .. .. .. .. .. .. .. وان كنت كاذب عساني الرزق ماحوشه !
:
سميتك أغلى القصايد في دواويني
.. .. .. .. . .. .. .. .. .. .. .. .. وابياتي فحضرتك ماهيب ملطوشه !
:
الشعر يفخر بقيفاني ويغليني
.. .. .. .. . .. .. .. .. .. .. .. .. مثل مايفخر بضيدانه وعلوشه !
:
لاشاش راسي وطارت بي شياطيني
.. .. .. .. . .. .. .. .. .. .. .. .. خليت لك ساحة الشعار في دوشه !
:
عقبه تبسم ومد ايديه ليديني
.. .. .. .. . .. .. .. .. .. .. .. .. ومدري وش اللي حصل فالليل ودغوشه !
:
ثم قلت حاجه وهو ماعاد يوحيني
.. .. .. .. . .. .. .. .. .. .. .. .. أطيب انواع المحبه قبلها هوشه !!
:



للشَاًعُرِ / مِحمد فَهْد العّرجاًني !