|
ســلامة الحد الجنوبي من الطيــــش ~ آلسلآم عَليكُم وَرحمَة آللهِ وبَركآتُة مسآؤكُم أجمل أُمسيآت تَضمكُم مع مَن تُحبون .. وَ صَبآحكُم نُور لآ ينطفئ من سَاعتِكم ,’ كلمات رآقت لي فأحببت أن تطلعوا عليها أتمنى أن تصل لذائقتكم الشعر يه .. , هنآ بعض الصور لجنود الابطال / / ما تنتهي نشـرة علـوم المطاريـش واللي معـه علـم ٍ جديـد ٍ يضيفـه الغاويه جاء مـن وراهـا دراويـش واحدهم أسود وجه .. وأسود صحيفه تنكـروّا للجـار والملـح والعـيـش ما عندهـم غيـر الخيانـه وظيفـه سلامة الحدّ الجنوبـي مـن الطيـش ومن العبـث والشرذمـات الضعيفـه مدري فلول الشرّ تنقز علـى ويـش وشيطانهـا الاكبـر يصيـح لحليفـه روس الزيود اللي مافيهـا عراميـش قامت تعرمـش بيـن جيفـه وجيفـه يا الحوثي اللي معك رشـاش حتّيـش هات الرصاصه وأخـذ عنهـا قذيفـه غشّاش ما تحتـاج للزيـف تغشيـش والواقع المشهـود مكشـوف زيفـه المملكـه ماهيـب مرعـى كداديـش اللـي تـزوزي بالحمـول الخفيفـه مهبط وحي ربّي علـى سيّـد قريـش نقدّسـه .. ومقدّسـاتـه شريـفـه حبّه مثل وبـل المـزون المراهيـش للمسلميـن أهـل القلـوب النظيفـه ما فيه ضيفة قات .. وضيوف تحشيش و الدين قاصـر والمذاهـب سخيفـه لا والله إلاّ دار روس المـداغـيـش يكرم معزّبهـا .. ومحشـوم ضيفـه يا قايد الشرطـه ويـا قايـد الجيـش أمانـة ٍ مـن بينـكـم بالنصيـفـه حدّ الوطن ماهوب مسـرح تناويـش وأنتـم كفـو للمعضـلات الكليـفـه حطوّا عليه سيـاج وأبـراج تفتيـش بيـن العيـون المبصـره والكفيفـه و لا ترحمـون مكبريّـن الطرابيـش أبـدوا لهـم فـوق الجبـال المنيفـه تعيـش يـا دار المناعيـر ويعيـش اللي وقف مـن دون حـدّك بسيفـه / ::..ممــآ رآق لـــــي..:: :كنق الفياض: :: ________ http://www.shababonaizah.com/images/...1195975150.gif :: |
رد: ســلامة الحد الجنوبي من الطيــــش ~ كلمات رائعة كل الشكريات |
رد: ســلامة الحد الجنوبي من الطيــــش ~ أبيات رائعه الشكر كل الشكر لك أنت كــنــق الــفــيـــاض على الطرح المميز لا عـدمـــتـــك |
رد: ســلامة الحد الجنوبي من الطيــــش ~ كنق الفياض بيض الله وجهك اللهم احفظ بلادنا من كل شر |
رد: ســلامة الحد الجنوبي من الطيــــش ~ كنق الفياض لك ذائقة مميزة تلامس مشاعر القلب صح لسان شاعرها .. وتسلم يمناك يالغالي من القلب شكراً |
| الساعة الآن 02:13 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..