| |
| |
17-11-2009, 11:26 PM
| |||||||||
| |||||||||
ياحــــــــــــ لاّق ياحلاّق ياللـي عنـدك المجرفـه والمـوس تعلّم وقـص الـروس حتـى تجـي حـلاّق ولا تاخذك رحمه ليـا شفـت كُبـر الـروس تراهـا كبـار وضاريـاتٍ علـى الـفِـلاّق فيها مضرب الليور وفيهـا ضـروب الفـوس مخابـط مضاربهـا وسـاعٍ مثـل الانفـاق ولا همّهـا المشـرط ولا شكـة الـدبّـوس اخذ راحتك واصلـخ ومـن زعـل بالطقـاق هذولا رصـاصٍ يحتـري ضربـة النـادوس يطير ويعيـر ويحتـرق فـي سمـا الافـاق ولا يانديبـي فـوق وارد جـديـد جـمـوس حفيـز الجميحـي مابعـد فــرّه الـسـواق تلفّـه قراطيسـه مثـل عمّـة الهـنـدوس لا جا عاصـبٍ راسـه يبـي هـدّةٍ وخنـاق على راس خشمه ودّك انـك تبوسـه بـوس وترجع تبوس عيونه اللـي ماهيـب ضـواق لامنـه اشتغـل لاكنـه يقـول ميـدك دووس قوي العـزم مالـه شبيـهٍ علـى الاطـلاق على مركـبٍ كنّـه مثـل سلطنـة قابـوس فخامـة تسـرّ البـال وتـزيّـن الاخــلاق نبـي ديـرةٍ برّاقهـا كـن فـيـه كـبـوس سرى ليله البـارح وهـو يصطفـق صِفّـاق نجي الارض دايسها المطر طـول ليلـه دوَس مشاقيـق سيلـه شقّـت بطونهـا شِـقّـاق وغدرانهـا تطفـح زلالٍ مـهـو محـيـوس عليهـا طيـور البـر مـن بينهـن عنـاق وريحـة نداهـا تبهـج الخاطـر المتعـوس وبارد هواها يشـرح الصـدر لامـن ضـاق بعيدٍ عن الساحـل وعـن قرصـة النامـوس وعن ريحـة البتـرول مـن بيبـه الدفّـاق وعن جـوّه اللـي لا انكتـم كنّـه الكابـوس تجي في الريايـا ضيقـة النفْـس والخنّـاق وبعيدٍ عن اللـي مـاورا صحبتـه نامـوس ولا بينـهـا والطـيـب عـلاقـةٍ ووفــاق خويٍ على وقت الرخـى محْزمـه ممسـوس ولاجيـت تبغـي تحْتـزم بـه يجيـه فتـاق لا قابلْك قام مـن الطـرب يلّعـب المنكـوس ولا غبت عنه شـوي علّقـك فـي المعّـلاق هـذا والله اللـي صحبتـه كلبوهـا سـوس عسى اللي حفظ راعي الوفا يكشـف البـواق وجيه المصالـح تتبعـك حـد معـك فلـوس ولا باحـت فلوسـك يهجّـون عنـك سبـاق تجَمّعهم دروب الطمع لـو صحـن مكبـوس مشاريع صحبتهم علـى الطـاق والطربـاق ويبقى الوفا والطيب فـي صاحبـه مغْـروس يطول الزمان وراعـي الطيـب لـه سبّـاق رِْجـالٍ تبادلـك الجمايـل بطيـب نـفـوس وشيكات عـزٍ فـي رصيـدك ماهيـب اوراق ومـن جمّلـه ربّـه وزيّـن لـه الملبـوس يجي في العيون اجمل من الشمس في الاشراق ومن جا يقوس الناس يصّبر لاجـاه القـوس امـا تنهكـه الاحمـال والا يجيـه اعـتـاق هذي المرجلة ماهيـب تحتـاج مخْـذ دروس تبـي واحـدٍ يتعـب لهـا بالقـدم والسـاق وياحلاّق ياللي قمت تصّـرم كبـار الـروس قبل لا تقص الـروس حـوّل علـى الاعنـاق ولاجاك راعـي الطيـب لاتجرحـه بالمـوس تـرا راسـه الطيّـب مـا يستاهـل الدِنّـاق آخر تعديل تكفيني الذكرى يوم
17-11-2009 في 11:31 PM.  |
|
17-11-2009, 11:33 PM
| ||||||||||||
| ||||||||||||
|
رد: ياحــــــــــــ لاّق سلمت اناملك على هذه الكلمات المتميزه والانتقاء الجميل والرائع راااقت لي كثيرا دمت وداااام ابداعك وتميزك تقبل مروووري
|
|
18-11-2009, 10:03 AM
| ||||||||||||
| ||||||||||||
|
رد: ياحــــــــــــ لاّق كلمات جميلة كل الشكر |
|
18-11-2009, 12:55 PM
| |||||||||||||
| |||||||||||||
|
رد: ياحــــــــــــ لاّق تكقيني الذكرى اختيار جميل وكلماات اجمل دمت مبدع
|
 |
| مواقع النشر (المفضلة) |
|
|
 |  |
العرض المتطور
