مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)
-   صهيل القصيد (http://www.rwwwr.com/vb/f58.html)
-   -   تدري وش أكبر ذنب في الشرع والدين ؟؟! (http://www.rwwwr.com/vb/t32929.html)

محمد 09-11-2009 01:57 PM

تدري وش أكبر ذنب في الشرع والدين ؟؟!
 
تدري وش أكبر ذنب في الشرع و الدين؟!..
إنـك تسـب الـلـي خلـقـك و تـذمـه

و تدري وش أكبر عيب عند المياميـن؟!..
انـك تخـاوي لـك مـن النـاس رمـه


و تدري وش أخطار التجاوز من يمين؟!..
إنـه يكـون اللـي علـى البـاب عمـه



والمشكلـه لا سلهمـت فيـك بالعـيـن
والريـح تنثـر فـي شعـرهـا وتلـمـه



يضيـع فكـرك بيـن حـد الحجاجـيـن
و يمكـن تجيـب الكارثـه و المطـمـه



و تدري وش اللي يدبل الكبـد ويشيـن؟!..
بعض القصيـد اللـي علـى غيـر يمـه



يا بندر ابن سرور ويـن أنـت هالحيـن ؟
ويـن أنـت يـا زبـن الأمـور المهمـه



وين القصيـد اللـي يـدك المياديـن ؟!.
و يهـز شيـخ فـوق رأســه معـمـه



الشعـر والشعـار صــاروا عنـاويـن
و مهبـل تشـري القصـيـد وتصـمـه



صاروا مثـل مـا قـال لعبـة وراعيـن
وكل(ن)تربـع لـه عـلـى رأس قـمـه



يقـول أنـا الشاعـر و غيـري مجانيـن
ودك علـى مجـمـع حنـوكـه تخـمـه



النـاس تذبـح فـي العـراق و فلسطيـن
و قصايـده يـا حلـو عيـنـه وفـمـه



عساه يؤخذ في الضحـى قولـوا (آآآآآآآميـن)
اللـي بنـات النـاس شغلـه و هـمـه



أحـد يحـاول ستـر عـذراء البعيـديـن
و أحـد يـدور بالـردىء بنـت عـمـه



قـد قالهـا بنـدر قبـل عــدة سنـيـن
يثـور معهـا الـحـر و يـثـور دمــه



ولا الـردي لـو مرتـه بيـن قوسـيـن
تـزول عـن عينـه مــزول المغـمـه



يا بنت شومي عن أهـل الضعـف تكفيـن
مالـك ومـال اللـي قـريـب مجـمـه



والشاعـر اللـي مـن رجـالٍ مسميـن
علـيـك فــرض لازم إنــك تتـمـه



الـدار .. والعـادات .. والسلم..والـديـن
ثـم عقبهـا وجـه علـى أيـاة يـمـه




http://www.alzaemat.com/vb/images/icons2/fdf.gif

مما راق لي
الفجـر البعيـــــد

http://www.alzaemat.com/vb/images/icons2/fdf.gif

محمد 09-11-2009 02:03 PM

رد: تدري وش أكبر ذنب في الشرع والدين ؟؟!
 
صعب اني انثر كلمات توصف ابدااعك
وصعب اني اجاريك في روعة طرحك
ابداااااااااااا اااع متواااصل يكتبة قلمك لنا

دمتي مبدعة ووميزة بطرحك

تقبلي مروري

محمد 09-11-2009 02:05 PM

رد: تدري وش أكبر ذنب في الشرع والدين ؟؟!
 

لكـ رحيق الزهــــور اخــي
وكلمـــــاتكـ عبير للروح
دمـــــت بـــــوود

سمو الاحساس 09-11-2009 06:41 PM

رد: تدري وش أكبر ذنب في الشرع والدين ؟؟!
 
الفجر البعيد


كلمات راائعة جدا

ربي يعطيك العافية

محمد 09-11-2009 07:12 PM

رد: تدري وش أكبر ذنب في الشرع والدين ؟؟!
 

يسلمــو ع مــرورك المتواضع والمحتــرم منك
ولي الفخــر اذا موضــوعي اعجبــك ،،
يعطيــكـ العافيــه


الساعة الآن 03:16 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w