|
الحمدلله أني مدرس؟؟؟؟؟؟؟ [align=center] السلام عليكم ورحمة الله وبركاته مساء الخير أخواني وخواتي اول حاجة الحمدلله أني مدرس تبغون تعرفون ليش .طيب قلتوا لي ليش اليوم الله يسلمكم شفت وسمعت شي مدري يمكن يكون عادي عندكم بس عندي لا والله مااطول عليكم السالفة ياجماعة رحت لبنك الراجحي أبغا أطلع بطاقة وقال لي الموظف تفضل لمكتب المدير عشان توقيع وأروح للمدير شوي ويدخل علينا واحد ويصيح بأعلى صوته ويسب ويشتم أنا مدري وش السالفة حتى المدير قام المسكين مايدري وش صاير المهم الرجال ماسكت يتكلم ويصيح غصب تعطوني البطاقة المهم المدير حاول يكلمه ويهديه لكن الرجال منطلق ويتكلم على المدير انت ايش فهمك والغلط على اللي موظفينك انت المفروض يخلونك (.....)كل الكلام السئ قاله مهوب صاحي أقسم بالله وهالمدير ساكت وقاله استرح وانشالله احل موضوعك (عليه أعصاب هالمدير مو طبيعية )وشلون قدر يمسك اعصابه مدري عقب السب والشتم واخرتها يقول تفضل اجلس وتصلح الامور وخويكم اللي هو أنا خلص موضوعي بس جالس أبغا اشوف وش سالفة هالرجال من جد قهرني اقسم بالله لو أنه أنا لأقوم أجلده .المهم رحت وعطوني البطاقة ورجعت للمدير مرة ثانية عشان أحط الرقم السري المهم والى الرجال ساكت وهادي والمدير يكلمه ويقوله الموضوع بسيط خل الوالد يسوي خطاب ويوقعه أووكالة واشالله تستلم البطاقة .العميل قال طيب. باكر اسوي التوكيل وامر أستلم البطاقة وقال شكرا اخوي سعد ومشى .له وجه يشكر بعد ويتكلم كأنه ماسوى حاجة. المهم خلصت شغلي وخذت البطاقة ةقلت الله يعينكم بس وأنا ودي ألحق الرجال وأهزاءه ياجماعة فيه ناس يحسب كل شي يقدر ياخذه بطولة اللسان مثل هالرجال .وفيه ناس أحسدهم على أعصابهم وهدؤهم.ماأدري هذي طبيعتهم أو أنهم دارسين ومتعلمين كيف يواجهون هذي المواقف .بكلمتين هدأالرجال وقال خلاص .المشكلة أنا وش بيخليني أصبر عشان أكلم الرجال ونتفاهم ياوالله اللي بياصل الدم للركب .والللللللله العظيم حمدت ربي اني مدرس مو موظف في بنك .ماشالله لانحسد الرجل بس .والله يعين هالموظفين على هالنوعية من الناس .حبيت أقولك السالفة عشان تحمدون ربكم انكم موظفين حكومة مو قطاع خاص .....وخاصة البنوك.وأتمنى ماطولت عليكم وازعجتكم والله من وراء القصد |
رد: الحمدلله أني مدرس؟؟؟؟؟؟؟ الحمدلله والشكررر على كل حال والله اذا بنعصب على كل شي ونتنرفز ونهاوش بالاخير مين اللي بياكلها مو نفس الشخص ويجيه امراض الدنيا وليه والله الدنيا ماتسوى قسمن بالله والرسول صلى الله عليه وسلم نهى عن الغضب وقال لاتغضب أبي هريرة أن رسول الله صلى الله عليه وسلم قال : ليس الشديد بالصرعة إنما الشديد الذي يملك نفسه عند الغضب |
رد: الحمدلله أني مدرس؟؟؟؟؟؟؟ بدايه الحمد الله انك مدرس وصراحه لهم الحق يصارخون يبن الحلال يماطلون با الواحد يعني معقوله ورقه تتوقع 7شهور والله لو انها وشو ؟ من جد لهم حق يترفزون ويعصبوون ويكسرون الدنيا بعد انت مشي وضعك بسرعه غيرك لا الواحد تجي عنده رافع خشمه على وشو ؟ وربي له الحق صارو مايمشون الا باالعين الحمراء اسفه بس من قهري ودجي افرقع فيهم بس اشوي اني بنت يعطيك الف عافيه |
رد: الحمدلله أني مدرس؟؟؟؟؟؟؟ يعطيك الف عافيه |
رد: الحمدلله أني مدرس؟؟؟؟؟؟؟ مشكورين على المروررررررررر واموري مشت الحمدلله بس ايش المعاملة اللي تجلس سبعة شهور لايكون مقدم على البنك العقاري هاه هــ اهــ |
رد: الحمدلله أني مدرس؟؟؟؟؟؟؟ الله يعين الجميع |
رد: الحمدلله أني مدرس؟؟؟؟؟؟؟ المقصود ليس مدير الفرع المقصود مساعد المدير في الموضوع واحب ان انوركم بان العميل يرغب باستلام بطاقة ابوه بدون حضوره وبدون توقيعه لو سلمنا البطاقة بدون توقيع صاحبها اصبحت مهزله واشكر الجميع على التعليق وان كان فيه احد رافع خشمه في الفرع ارجو ارسال رسالة على الخاص ونتفاهم والخشوم عندنا ماترفع وجدنا للخدمة ليس لرفع الخشوم ياوهج مع احترامي . |
رد: الحمدلله أني مدرس؟؟؟؟؟؟؟ أنشهد انك مديرصح مواي كلام اوبارك الله فيك ونفعبك ونفعوك اولادك |
رد: الحمدلله أني مدرس؟؟؟؟؟؟؟ الأخ مدير مصرف الراجحي الله يكثر من أمثالك ياشيخ وبالنسبه للمدرس أقوله عندكم خير يارجال شكل مافيه واحد من الطلاب وقف لك برا :36_1_42: عاد حلها ذيك الحزه |
رد: الحمدلله أني مدرس؟؟؟؟؟؟؟ ابو فهد هنا يضرب المثل الاعلى في فن التعامل مع العملاء وايضا مع الاعضاء وخاصة المعصبين ! ! وما تواجده هنا وقربة من الجميع الا دليل على رقي فكره بارك الله فيك ابا فهد ولا حرمنا تواجدك |
رد: الحمدلله أني مدرس؟؟؟؟؟؟؟ الحمد لله اني يوم طلعت بطاقتي طلعتها في اليوم نفسه !! اللي يشوف مصيبة غيره تهون عليه مصيبة واللا المدرسين اذا رسبوا طالب يطلبون العوض من الله في سيارتهم من تكسير قزاز الخ ووووو...... ثانكس |
رد: الحمدلله أني مدرس؟؟؟؟؟؟؟ مدير مصرف الراجحي مشكور على التواصل وردك على الموضوع .ومعرفة المشكلة وتوضيحها انما يدل على حسن ادارتك للفرع واختيار الموظفين امثال مساعدك والبقية هنيأً لك بمساعدك وبقية موظفينك . بس قاهرني ذاك الرجال الى هالحين ؟؟؟؟؟؟؟ وبعدين الي يقولون لسا مانتظرني احد برا ؟؟؟ليش ياحبيبي ينتظرني اشرح درسك بأمانة وعامل طلابك بأحترام وصدقني راح ترتاح صحيح فيه نوعيات كذا بس كبر عقلك وش تسوي عطهم جوهم وانا الحمـــــــــــ ـــــــــــدلله ماعندي الا ابتدائي تقدر تتعامل معهم والشكر موصول لجميع الاعضاء اللي ردوا واللي بعد ماردوا |
رد: الحمدلله أني مدرس؟؟؟؟؟؟؟ ^^^^ حب أيدك مقلوبه أنك أبتدائي ولا كاان صارت علووووم |
| الساعة الآن 09:40 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..