|
رد: عاااجل لطالبات الثانوية بالرويضة زهور الربيع عزالله اللي ماقلتي الصدق المعلمات اكثرهم كلماتهم واطيه ماينسكت عليها اكيد بيردون عليهم الطالبات لاتحكمين من زياره وحده إذا سمحتي لأن المعلمات ممكن زينوا صورتهم الخارجيه لك او انك قريبة احدا المعلمات لذلك تغمض عيونك عن السلبيات اللي يحملونها المعلمات حبيبتي كل شي له حدود الفاظ بعض المعلمات...((تر بيتكم تربية شوارع.. كأنكم بنات الكابريهات..مين بنت الليل اللي تاكل علك)) وهذي انا اكنت اسمعها بأذني..لما كنت ادرس هيناك وإذا جت البنت تدافع عن نفسها((انطمي انكتمي)) هذا الألفاظ الدارجه بين المعلمات.. ياليت مره ثانيه تدرسين الموضوع ياأختي يالفاهمه ياللي تعرفين الإحترام قبل تتكلمين ...وتشوفين كلام واسلوب المربين وبعدين تعذربين على المتربين وبالنسبه لزيارتك ياليت تزورين المدارس اللي بنايتها مفتوحه بالوسط وتشوفين كيف هم مسوين بمعلماتهم.. المعلمه تطلع من الفصل ركض للغرفه كله خوف تجيها من فوق علبة مويه والا علبة بيبسي.. كثييير كثير اعرفه عن معلمات ثانوية الرويضه اعبر واعبر بس الأفضل السكوت لأن الموضوع مش موضوع معلمات وطالبات... بس العام جت مديره اخلاقها عاليه الله يذكرها بالخير عدلت المدرسه وطالباتها بالكلمها الطيبه حبيت اقولك يا أختي إذا كنتي مشرفه تربويه انصحك تتركين الإشراف..لأنك بحسب كلامك ومدحك للمعلمات...ماتع رفين شاللي يصير للأسف...مهو المكان المناسب لك ولا انتي قده.. والا فتحي عيونك كويس على المعلمات إذا زرتي المدرسه مره ثانيه..عشان تغيرين كلامك... |
رد: عاااجل لطالبات الثانوية بالرويضة اخلاقهن سيئه؟؟ ليش اخلاقهن سيئه؟؟ بعدين من عطاك الحق تتكلمين في اخلاق بناتنا.. شوفي كم وحده راح تدعي عليك..طبعاً انتي عميتي ماخصيتي..قلتي اخلاقهن سيئه وهذي كلمه مهيب هينه.. 0 0 0 ياليتك يا مشرفة الغفله يوم رديتي على هالمووضوع رديتي باسلوب راقي لكن لعنبوا الواسطه الي قامت تعين كل من هب ودب.. 0 0 0 تحياتي |
رد: عاااجل لطالبات الثانوية بالرويضة سمو الاحساس مشكور اخوي على هذا الموضوع الرائع زهور الربيع نحن لا نسمح بتجاوزاتك عن بناتنا فانتي تكتبين وانتي بكامل قواك العقليه ام لا هنا السوال ؟ فالموضوع باين من عنوانه عن نظافة المدرسه وليس عن اخلاق البنات فانتي من ادار محور الحديث كانكي تكتبين من حقد في قلبك فلما هذا الحقد زهور الخريف هذا الاسم المناسب لكي وعلى قولة المثل ( كلن يناظر الناس بعين طبعه ) ارجوا انك تنتبهين لكلامك وتخافين من الله وتخلين في وجهك شوي دم اما نظافة المدرسه فهي زفت على مااسمع عنها من اقاربي فكل شي متهالك بالي منتهي الصلاحيه فاذا شفتها من برى اقول الله يستر على اللي فيها والله لو تهب هبوب ان تنجعف على جنبها تحياتي |
رد: عاااجل لطالبات الثانوية بالرويضة والله مو شايفه بالموضوع شي واللي يقولون 100 % الوضع عاج والفئران موجوده بالمدرسه والمدرسه ايله للسقوط والله اذا على الفئران بكل مكان بالمطاعم الله يستر علينا وعليكم مليانه موعاد المدارس والمبنى الجديد تم بنائه بس سمعت ان اولياء الامور رافضين ومدري ليه؟؟ واللي راح عن صلب الموضوع وجاب طاري طالبات الرويضه هي ماعممت الاخت وشككت بسوء اخلاقهن هي قالت ردهن على المعلمات وكل شخص يجي يحط موضوع واللي بعده يفعله بقوه ويكبره وكأن الاخت زهور الربيع ذكرته او الاخ الاماكن والعضو بس انا وغيرهم واذا شكت من اخلاقهم فهذل يدل على شي اسمه خلق مو سمعه انتبهوا لاتحكمون على اي شي بفاعليه واعتقد مما هو مكتوب (مايلفظ من قول الا لديه رقيب عتيد ) وقالت سوء اخلاق مع معلمات ماجابت طاري سمعتهن انتبهوا قبل تحسون بالكلام. وبالاخيرررر وجهاااااااااااا اااااااااات نظر من ناحيتي اجل لو رحتوا الرياض شوفوا معلماتهم يشتكون من بناتهم واخلاقهم السئيه وهن بنات عوايل كبار . واللي تقول معلمات المدرسه سيئات حرام عليك والله ملتزمات ولاتحطين بذمتك من شي. |
رد: عاااجل لطالبات الثانوية بالرويضة من ناحية المدرسه اقول مثل ماقال فهد ..آآيله للسقوط ...الله يستر على بنات الناس لاتطيح فوق روسهم |
| الساعة الآن 10:55 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..