|
ــاسبوع لــ ~ ¤ جــآر ــالقمر ¤ ~ .. صباحكم شعر .. مساءكم ذوق .. صباحكم \ مساءكم ابداع . . . . شــاعر نجم يملك احســـاساً شعــرياً نادرا .. حين يكتب .. تشعر بأن الحب بـدا يأخذ شكل جديد عندما تسمو اللغه ,, وتتمدد الافكار. نكون على موعد مع جار القمر لـ الشاعر :محمد جار الله السهلي أسبوع مرّ !! ولاوصل منك مرسـال ...........ياقوّ قلبك كيف تقطعنـي أسبـوع ؟! الجوع كافر ! وانت ماترحـم الحـال ...........وانا عليك من الولـه ميـت ٍ جـوع ياللي غيابك صعب يطري على البـال ...........تركتنـي ضايـق وحايـر ومفجـوع ماكنّـي الا: شايـب ٍ فاقـد عـيـال ...........وماكنك الا: محرم ٍ حق مشـروع !! يفوع لك قلبـي ليـا مـر الاطـلال ...........ياليت مالـي قلـب يشتـاق ويفـوع حسبي عليك شلـون قطعـت الامـال ...........بآآآموت لاصار الامل فيـك مقطـوع ياصاحبـي ماكـل نـزّال رحّــال ...........انت الحيّا من وين مارحت متبـوع !! نسيانـي لـزول ٍ بالاعمـاق يختـال ...........اصعب على صاحبك من حبة الكـوع لو الثمن في شوفتـك عمـر رجـال ...........كان الثمن من يوم ماغبت مدفـوع !! ولو القدر مـا تـم قولـه ليـا قـال ...........ماضاق صدر ولا انحنى راس مرفوع ياصاحبي عشقتنـي فعـل وخصـال ...........وانا عشقتك شعر واحساس وطبـوع وشلون تتركني كذا لا اشهـب الـلال ...........وقدّام عيني تجف ينبوع .. ينبـوع !! وانا عشانـك جيـت والغيـم همّـال ...........اسيّـل الوديـان واداحـم جـمـوع ماردّنـي عنـك سواليـف عــذال ...........تزعل عليّ ربوع وتقـدّر ربـوع !! كان المهم اعيشـك جنـون ووصـال ...........ويكون لي كلمه ولـي راي مسمـوع واليوم ضاقت بي من الجـال للجـال ...........فرقاك تقصم ظهـر وتحـز وتلـوع لو جيت شفت الحال ماسرّك الحـال ...........في غيبتك ضايق وحايـر ومفجـوع هذا غياب اسبوع وشلون لـو طـال ...........طالبك .. لايطوّل غيابك عن اسبوع !! أرجو أن تنال على إعجابكم |
رد: ــاسبوع لــ ~ ¤ جــآر ــالقمر ¤ ~ اكيد نالت اعجابي.. قصيده في قمة الرووووووعه.. صح لسان شاعرهااااا..ولا هااااان ناقلهااااااا.. ذائقه جميله جداً.. تقبلني هُنــا.. |
رد: ــاسبوع لــ ~ ¤ جــآر ــالقمر ¤ ~ الروعه هي تشريفك لي تواجدك في متصفحي أسعدني جداً لا عـدمـــتــــــك |
رد: ــاسبوع لــ ~ ¤ جــآر ــالقمر ¤ ~ حروف رائعه تنم عن ابداعك عندما تجوب نواظري همسك ينكسر قلمي لشدة الاعجاب مشاركة جسدت المشاعر فاعذر حضوري المتواضع هنا دمت بخير ودام قلمك تحياتي لك ,, |
رد: ــاسبوع لــ ~ ¤ جــآر ــالقمر ¤ ~ يعطيك العافية طرح قمة بالرووعة .. سلمت على القصيده الرااائعة .. وتقبل خالص الود والأحترام . |
| الساعة الآن 04:10 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..