مجالس الرويضة لكل العرب - عيب تبكـي لو سمحت ..!

صعب لامنك فشلت وصعب لامنك دريت
ان من يكره نجاحك يدري انــكـ مانجحت
امس ضقت ورحت اقلب ذكرياتي وانتهيت
عند صورة طفل صوته مثل صوتي لا انجرحت
*
وش مثل لا والله الا هذا انا يوم ابتديت ؟!
انطق حروف تلعثم في لساني لا انمدحت
هذا انا يوم الحياة بنظرتي عشرين بيت
و مسجدين .. و مدرسه من طين كم فيها اصطحبت
*
هذا انا واصبحت اتمتم : " هذا انا " حتى بغيت
اختنق بس القدر عيا على موتــي وطحت
وصاح صوت الطفل فيني .. انت من وين ارتميت
قلت انا المستقبل اللي فيه كم همت وطمحت !
*
امـس كنت ابيك تكبر بس والله لو دريت
اني اللي عشت لاجله مت عندك واسترحت
لو دريت ان الزمان يجر رجلي ماعديت
ولو دريت ان البحور بلا مواني ماسبحت
*
كان دربك لي طويل وكل ماشفتك هويت
قلت لك : كبوة جواد .. وماكبيت الا وطمحت
ليه تسمعني وتمشي .؟! آه ليتك ما مشيت
وآه ليتك من كثر عثرات الايام انتصحت
*
ضاعت احلامي وظل الحزن فيني واهتديت
للطرق اللي يوديني على دمعي ورحت
يالحزن ليتك مثل دمعي وتنزل لا رقيت
بس اعرفك لو مسحت الدمع تبقى ما انمسحت
*
كان حلمي في وجود انسانيبكي لا بكيت
وصار حلمي في وجود انسان يفرح لا فرحت
كنت اشوف الناس مثلي كل ماجعت وضميت
مادريت ان الاوادم ناس فوق .. وناس تحت
*
آه .. يا اول ذكرياتي خذني فحضنك نسيت
لأسألك عن وجه ابوي اللي معه ياما سرحت
خذنــي فحضنك , ابغفى ياه مبطي ماغفيت
وإن لمحت دموع عيني سو نفسك ما لمحت
*
خذني فحضنك وبعثر في جروحي وان قضيت
هز لي كتفي .. وقل لي : عيب تبكي لو سمحت
اضحك وعلم زماني من أنا ومن وين جيت ..؟!
طق باب الحزن .. واصرخ فيََََ لامنـي فتحت
*
وضمني يمك وكمل ضحكتك لامن بكيت
ودي أذكــر كيف كانت ضحكتــي لامن فرحت !

http://www.alzaemat.com/vb/images/icons2/fdf.gif

مما راق لي
الفجـر البعيـــــد

http://www.alzaemat.com/vb/images/icons2/fdf.gif